অফবা অমদি মমল হোংবনা মরম ওইদুনা লৈবাক অসিদা খাদী ফেস মাস্ক অসি হেন্না পাম্নবা হেনগৎলকখিবনা খাদী অমসুং বিলেজ ইন্দস্ত্রী কমিসন(কে.ভি.আই.সি.)না ইন্দিয়ন রেদ ক্রোস সোসাইতীদগা ফেস মাস্ক ১.৮০ লাক্ষ লৈনবগী লেমজনিংঙাই লৈনবগী ওর্দর ফংখ্রে।

কে.ভি.আই.সি.গী মতুংইন্না আই.আর.সি,এস. মাস্ক অসি চাদা চামা অনিরক হন্না থুপচিল্লবা খুৎনা শাবা কোনা মচুদা অঙাংবনা মপান চৎপা লংজম ফীনা তুবনি। কে.ভি.আই.সি.না মসিগী মরোল অনি লোনবা লংজমগী মাস্ক অসি ইন্দিয়ন রেদ ক্রোস সোসাইতীগীদমক্তা মখোয়না পীরকখিবা সেম্পলগী মতুং ইন্না অখন্ননা তুবনি। মাস্ক অসিদা আই.আর.সি.এস.কী লোগোনা ওয় থংবদা অদুগা খাদী ইন্দিয়াগী তেগনা য়েৎ থংবদা হাপকনি। মাস্ক অসিগী সপ্লাই অসি মথংগী থাদগী পীবা হৌরগনি।

মসিগী থবক অসি তৌবদা ফী মিতর ২০,০০০ চংঙগা খাদীগী আর্তিসন ৯০০০ হাপচিলহল্লক্কনি।

কে.ভি.আই.সি.গী চেয়রমেন শ্রী বিনয় কুমার সক্ষেনানা ইন্দিয়ন রেদ ক্রোস সোসাইতীনা লৈনবগী তৌরকপা ওর্দর অসি ওকখি অমসুং য়াম্না য়াম্বা খাদীগী ফেস মাস্ক দিমান্দ তৌরকপা অসিনা “আত্মনির্ভর ভারত”কী মায়কৈরোমদা চংশিল্লকপগী অচৌবা খোংথাং অমনি হায়না হায়খি। সক্ষেনানা হায়খি, “মসিগী ওর্দর তৌরকপা অসিনা খাদীগী অর্তিসন কয়াদা লং অমসুং ফী কয়া অমা পুথোকহন্দুনা লুরবা তানফম অসিদা মখোয়গী চাগা হেনগৎহল্লগনি।”

কে.ভি.আই.সি.না হৌজিক ফাওবদা মরোল অনি লোনবা লংজমগী মাস্ক অমসুং মরোল অহুম লোনবা মুকাগী মাস্ক  লাক্ষ ১০ রোম য়োনখ্রে।  কে.ভি.আই.সি.না ফংখিবা খ্বাইদগী য়াম্বা ফেস মাস্ককী ওর্দর অসি  জম্মু অমসুং কাশ্মির সরকারনা লাক্ষ ৭কী মাস্ককী ওর্দর তৌরকখি অমসুং মতম চানা ফংহনখি।  হৌজিক-হৌজিকলুপা কোতী অমরোমগী ওইগদবা চাওরাক্না মিতর লাক্ষ ১ রোম অমসুং তোঙান-তোঙানবা মচু অমসুং ময়েক হকপা মুকাগী ফীশিং অসি মাস্কশিং অসি তুবদা শিজিন্নখ্রে।

কে.ভি.আই.সি.না রাস্ত্রপতী ভবন, প্রধান মন্ত্রীগী ওফিস, কেন্দ্র সরকারগী মন্ত্রালয়শিং অমসুং অতৈ মীয়মশিংদগী কে.ভি.আই.সি.গী ই.-পোর্তেলদা হঞ্জিন-হঞ্জিন ওর্দর কয়া তৌরকখি। কে.ভি.আই.সি.না ইন্দিয়ন রেলৱেজদসু ফেস মাস্ক ২০,০০০গী মথক্তা পীখ্রে। লৈবাক শিন-থুংনা খাদীগী লোয়শঙ কয়া লৈরগসু য়োনবখক্তংদগী নত্তনা কে.ভি.আই.সি.না জীলাগী থবক পায়রিবশিংদগী চাওরাক্না খাদীগী মাস্ক লাক্ষ ১০রোম য়েন্থোকখ্রে।  

সক্ষেনা ফোংদোকখি, “ফেস মাস্কশিং অসি কোরোনাগী লায়চৎ অসি লান্থেংননবা খ্বাইদগী মরু ওইবা খুৎলাইনি। মসিগী মাস্কশিং অসি খাদী খাদীগী ফী অসি মরোল অনি থুপচিন্দুনা অফবগী থাক অদু য়ৌহন্নবখক্কী নত্তনা অহোংবা মমল, নিংশা-শ্বর হোনবা নুংঙাইবা, শুদোক-শুজিন য়াবা, অমুক হন্না শিজিন্নবা য়াবা অমসুং বাইও-দিগ্রেদেবল ওইবনা চাওনা দিমান্দ তৌনরক্নবগীনি।”

***********