য়ুমলৈ-কৈরৈ মন্ত্রালয়
এম.ঐচ.এ.না অনলোক ৩গী গাইদলাইনশিং ফোঙখ্রে, কন্তেনমেন্ত জোনশিংগী ৱাংমদা অহেনবা থবক থৌরমশিংদগী অথিংবা লৌথোকখ্রে
কন্তেনমেন্ত জোনশিংদা ওগস্ত ৩১, ২০২০ ফাওবা লোকদাউন থমখিগনি
Posted On:
29 JUL 2020 7:23PM by PIB Imphal
এম.ঐচ.এ.গী অনৌবা গাইদলাইনশিং
হোম পুবা মন্ত্রালয় (এম.ঐচ.এ.)না কন্তেনমেন্ত জোনশিংগী ৱাংমদা লৈবা মফমশিংদা অহেনবা থবক থৌরমশিংদা অথিংবা লৌথোক্নবা ঙসি অনৌবা গাইদলাইনশিং ফোঙখ্রে।ওগস্ত ১, ২০২০দগী চৎনবা হৌগদবা অনলোক ৩ অসিনা তাঙ্কক নাইবা মওংদা থবক থৌরমশিং অমুক হন্না হাংবা য়ানবা থবক মখা চত্থরি। ঙসি ফোঙখিবা অনৌবা গাইদলাইনশিং অসি রাজ্যশিং অমসুং য়ু.তি.শিংদগী লাকপা পাউতাকশিংদা অমসুং মরী লৈনবা কেন্দ্রগী মন্ত্রালয়শিং অমসুং বিভাগশিংগা কুপ্না খন্ননবা পাঙথোকখিবা খ্ন্ন-নৈনবদা য়ুম্ফম ওইখি।
অনৌবা গাইদলাইনশিংগী মওং-মতৌ
- কনাগুম্বা মীওই অমনা নুমিদাংগী মতমদা চত্থোক চৎশিন তৌবা য়ারমদবা (নুমিদাংগী কর্ফিয়ু) অদু লৌথোকখ্রে।
- য়োগ ইন্সতিত্যুৎশিং অমসুং জিম্নাসিয়মশিং ওগস্ত ৫, ২০২০দগী হাংবা য়াহল্লগনি। হীরম অসিদা সোসিএল দিস্তেন্সিং ঙাকনা চৎনবা অমসুং কোবিদ-১৯ শন্দোকপা লাকশিন্নবা হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.)না স্তেন্দর্দ ওপরেতিং প্রোসিদ্যুর (এস.ও.পি.) ফোঙলগনি।
- নিংখা-তম্বগী নুমিৎকী থৌরম অসি সোসিএল দিস্তেন্সিং ঙাক্তুনা অমসুং হকশেলগী কাঙলোনশিং ঙাক্লগা পাঙথোকপা য়াগনি খুদম ওইনা মাস্ক অসিনচিংবা উপ্পা। হীরম অসিদা এম.ঐচ.এ.না ২১.০৭.২০২০দা পীখিবা য়াথংশিং ঙাক্না চৎকদবনি।
- রাজ্যশিং অমসুং য়ু.তি.শিংগা লোয়ননা কুপ্না খন্নরবা মতুংদা স্কুলশিং, কোলেজশিং অমসুং কোচিং তৌবা লোয়শঙশিং ওগস্ত ৩১, ২০২০ ফাওবা মখা তানা হাংদনবা ৱারেপ লৌখ্রে।
- ভন্দে ভারত মিসনগী মখাদা অককনবা মওং অমদা ইন্তর্নেস্নেল এয়র ত্রেবেল পেসেঞ্জরশিংদা অয়াবা পীখ্রে। মখা তানা হাংদোকনবা অখন্নবা মওং অমদা চত্থরগনি।
- মখাদা পীরিবা থবক থৌরমশিং অসি নত্তনা অতোপ্পা থবক থৌরম পুম্নমক কন্তেনমেন্ত জোনশিংগী ৱাংমদা অয়াবা পীখ্রে:
- মেত্রো রেল
- সিনেমা হোলশিং, স্বিমিং পুলশিং, এন্তর্তেনমেন্ত পার্কশিং, থিএতরশিং, বারশিং, ওদিতোরিয়মশিং, এসেমব্লী হোলশিং অমসুং মসিগা মান্নবা মফমশিং।
- সোসিএল/পোলিতিকেল/স্পোর্তস/এন্তর্তেনমেন্ত/একাদেমিক/নাৎকী/ ধর্মগী থৌরমশিং অমসুং অচৌবা কোনগ্রিগেসনশিং।
ফীভমগী মতুং ইন্না হায়রিবশিং অসি হাংদোক্নবা তাং তোঙান্না লেপকনি।
- কেন্তেনমেন্ত জোনশিংদা লোকদাউন অসি ওগস্ত ৩১ ফাওবা চেকশিন্না ইমপ্লিমেন্ত তৌখিগনি। এম.ও.ঐচ.এফ.দবল্যু.না থোকখিবা গাইদলাইনশিং অদুগী মতুং ইন্না কোবিদ-১৯ শন্দোকপা লাকশিন্নবা রাজ্য/য়ু.তি. সরকারশিংনা চেকশিন্না দিমার্কেৎ তৌদুনা কন্তেনমেন্ত জোন অসি খায়দোকপা তঙাই ফদে। কন্তেনমেন্ত জোনশিংদা, অকনবা চেকশিন থৌরাংশিং লৌখৎকদবনি অমসুং তঙাই ফদবা থবক থৌরমশিং খক্তদা অয়াবা পীগনি।
- হায়রিবা কন্তেনমেন্ত জোনশিং অসি মরী লৈনবা দিস্ত্রিক্ত কল্লেক্তরশিংনা অমসুং রাজ্যশিং/য়ু.তি.শিংনা ৱেবসাইৎশিংদা হাপকনি অমসুং এম.ও.ঐচ.এফ.দবল্যু.দা পাও অসি খঙহনগনি।
- রাজ্য অমসুং য়ু.তি. ওথোরিতীশিংনা কন্তেনমেন্ত জোনশিংগী থবক থৌরমশিং চেকশিন্না য়েংশিনগনি অমসুং জোনশিংগা মরী লৈনবা কন্তেনমেন্তগী খোঙথাংশিং চেকশিন্না ইমপ্লিমেন্ত তৌগনি।
- এম.ও.ঐচ.এফ.দবল্যু.না কন্তেনমেন্তগী জোনশিং মপুং ফানা খঙদোকপরা অমসুং কন্তেনমেন্তগী খোঙথাংশিং ইমপ্লিমেন্ত তৌবরা য়েংশিনগনি।
কন্তেনমেন্ত জোনশিংগী ৱাংমদা লৈবা মফমশিংগী থবক থৌরমশিংগী মতাংদা রাজ্যশিংনা ৱারেপ লৌজগনি
ফীভমগী মতুং ইন্না রাজ্যশিং অমসুং য়ু.তি.শিংনা কন্তেনমেন্ত জোনশিংগী মৱাংমদা অখন্নবা থবক থৌরমশিংদা অথিংবা থম্বা য়াই নত্রগা মথৌ তাবগী মতুং ইন্না অথিংবশিং থম্বা য়াই। অদুম ওইনমক মী অমসুং পোৎ পুবগী চত্থোক চৎশিন্দা ইন্তর-স্তেৎ অমসুং ইন্ত্রা-স্তেৎতা অথিংবা থম্বদি য়ারোই। অসিগুম্বা চত্থোক চৎশিনগী ওইনা তোঙানবা অয়াবা/এপ্রুবেল/ই-পর্মিৎ মথৌ তারোই।
কোবিদ-১৯ মেনেজমেন্তগী নেস্নেল দিরেক্তিবশিং
কোবিদ-১৯ মেনেজমেন্তগী নেস্নেল দিরেক্তিবশিং অসি সোসিএল দিস্তেন্সিং ঙাকনা চৎনবা মখা তানা লৈবাক শিনবা থুংনা মখা তানা ঙাকনা চৎকদবনি।দুকানশিংনা মখোয়গী কস্তমরশিংগী মরক্তা ফিজিকেল দিস্তেন্সিং থমহনবা মথৌ তাই। নেস্নেল দিরেক্তিবশিং অসি ঙাকনা চৎপরা হায়না এম.ঐচ.এ.না মপুং ফানা য়েংশিনগনি।
খুদোংথিরকপা য়াবা মীওইশিংগী ঙাকশেল পীবা
খুদোংথিরকপা য়াবা মীওইশিং মদুদি চহি ৬৫কী মথকশিং, কো-মোর্বিলিতীশিংগা লোয়নরিবা মীওইশীং, মীরোনবী নুপীশিং অমসুং চহি ১০গী মখাদা লৈবা অঙাংশিং অসি হকশেলগী ওইবা তঙাই ফদবা নত্তনা য়ুমদগী মপান থোক্লোইদবনি।
আরোগ্যাসেতু শীজিন্নবা
আরোগ্যা সেতু মোবাইল এপ্লিকেসন অসি মখা তানা শীজিন্ননবা থৌগৎকদবনি।
এম.ঐচ.এ,গী ওর্দর অমসুং গাইদলাইনশিং য়েংনবা মসিদা নম্বীয়ু
*****
(Release ID: 1642369)
Visitor Counter : 270