পাৱর মন্ত্রালয়
মেগা ৱাত ৮০০ পুথোকপা ঙমগদবা ৱিন্দ প্রোজেক্ত ৩ য়ুনিয়ন পাৱর মিনিস্তরনা লৈবাক মীয়ামদা কৎথোকখ্রে
পাৱর প্রোজেক্তশিং অসিনা য়ুম ৬০০০,০০০ হেন্না ঙানহল্লগনি অমসুং চহি অমদা কার্বোন দাইওক্সাইদ তন মিল্লিয়ন ২ থাদোকপা হন্থহনগনি
Posted On:
29 JUL 2020 5:55PM by PIB Imphal
ঙসি ভর্চুএল ওইনা পাংথোকপা থৌরম অমদা, পাৱর, নিউ অমসুং রিনিউএবলগী রাজ্য মন্ত্রী(মনিংতম্বা) রাজ কুমার সিংহনা সেম্বকোরপগী এস.ই.সি.আই ১, ২ অমসুং ৩ প্রোজেক্তশিং লৈবাক মীয়ামদা কৎথোকখ্রে। থৌরম অদুদা পাৱর, নিউ অমসুং রিনিউএবল মিনিস্ত্রিগী জোইন্ত সেক্রেতরি বানু প্রতাপ য়াদব, শিঙ্গাপুরদগী সেম্বকোরপ ইন্দস্ত্রিগী গ্রুপ প্রসিদেন্ত অমসুং সি.ই.ও ৱোং কিম য়িন অমসুং সেম্বকোরপ ইনর্জি ইন্দিয়া লিমিতেৎকী মেনেজিং দিরেক্তর, বিপুল তুলি ভর্চুএল ওইনা শরুক য়াখি।
সেম্বকোরপ ইন্দস্ত্রিগী শরুক অমা ওইরিবা সেম্বকোরপ ইনর্জি ইন্দিয়া লিমিতেৎনা ঙসি মসিগী খ্বাইদগী নৌবা মেগা ৱাত ৮০০গী ৱিন্দ পাৱর প্রোজেক্তশিং শাবা লোইশিল্লে হায়না লাউথোকখি অমসুং মসিনা ভারতনা রিনিউএবল ইনর্জি পুথোকপা ঙম্বগী চাং মেগা ৱাত ১৭৩০ য়ৌহল্লে। মেগা ৱাত ৩০০গী সেসি ৩ ৱিন্দ প্রোজেক্ত মপুংফানা থবক হৌদুনা, সোলার ইনর্জি কোরপোরেসন ওফ ইন্দিয়া(সেসি)না পাংথোকখিবা অহানবা ৱিন্দ ওক্সনদা ফংখিবা প্রোজেক্ত অহুম থবক হৌবা অহানবা পাৱর পুথোকপা কম্পেনি সেম্বকোরপনা ওইরে। হায়রিবা প্রোজেক্তশিং অসিদগী পুথোকপা মৈনা য়ুম ৬০০০,০০০ হেন্না ঙানহল্লগনি অমসুং চহি অমদা কার্বোন দাইওক্সাইদ তন মিল্লিয়ন ২ থাদোকপা হন্থহনগনি। পুথোক্লিবা ইনর্জি অসি সেসিগী নিলাম লাউবদগী প্রোজেক্তশিং ফংখিবা কম্পেনি অমনা খ্বাইদগী য়াম্না পুথোকপা ঙম্বা ওইরি।
রিনিউএবল ইনর্জিগী লমদা মখোয়না পায়খৎলিবা থবকশিং অসিগীদমক মিনিস্তরনা সেম্বকোরপ ইনর্জি ইন্দিয়া লিমিতেৎ অমসুং শিঙ্গাপুর সরকার থাগৎখি। মহাক্না হায়খি সেক্তর অসিদা অরোন-অথুপ লৈতনা থবক তৌদুনা অমসুং ঐখোয়গী থবক তৌমিন্নরিবশিংদা চপ মান্নবা মিৎয়েং য়েংদুনা ইনর্জিগী অওনবা পুরক্নবা পান্দম অদু ফংনবা ঐখোয়না হোৎনরি। ২০২০ ফাওবগী মনুংদা গিগা ৱাত ১৭৫গী রিনিউএবল ইনর্জিগী পান্দম অদু ফংনবা অমসুং ২০৩০ ফাওবগী মনুংদা প্রধান মন্ত্রী নরেন্দ্র মোদীগী গিগা ৱাত ৪৫০গী রিনিউএবল ইনর্জি পুথোক্নবা পান্দম অদু ফংনবা ঐখোয়না থবক পায়খৎলে।
সেম্বকোরপ ইন্দস্ত্রিগী গ্রুপ প্রসিদেন্ত অমসুং সি.ই.ও ৱোং কিম য়িননা হায়খি, ভারত কম্পেনি অসিগী ইনর্জিগী অচৌবা কৈথেল অমনি। ভারত্তা সহর শেমগৎপা, মৈ ফংহনবা অমসুং কার্বোন থাদোকপা হন্থহন্নবা তুংকোইনা চৎনবা য়াবা ইনর্জিগী থবকশিং পায়খৎনবা ঐখোয়গা পুন্না মখা তানা থবক তৌমিন্নবগীদমক ঐখোয়না ভারত সরকার থাগৎলি।
২০১১দা ভারতকী কৈথেলদা চঙলকপদগী, সেম্বকোরপ ইনর্জি ইন্দিয়া লিমিতেৎ লৈবাক অসিদা মনিংতম্বা পাৱর পুথোকপা কম্পেনি অমা ওইদুনা লাক্লি। রাজ্য ৯দা থবক পায়খৎতুনা, সেম্বকোরপ ইনর্জি ইন্দিয়া লিমিতেৎকী এসেত ৩৫ লৈদুনা রিনিউএবল ইনর্জি মেগা ৱাত ১৭৩০ য়াওনা পুন্না পাৱর মেগা ৱাত ৪,৩৭০ পুথোক্লি।
সেম্বকোরপ ইনর্জি ইন্দিয়া লিমিতেৎকী মেনেজিং দিরেক্তর বিপুলি তুলিনা হায়খি, মসিগী ভারতকী ইনর্জিগী লমদা অপুনবা মাইপাকপা অমনি। পাৱর, নিউ অমসুং রিনিউএবল মিনিস্ত্রিগী মতেংগা লোয়ননা সেসি ১,২ অমসুং ৩ প্রোজেক্তশিং মাইপাক্না শাবা লোইশিনবনি । মসিগী মেগা ৱাত ৮০০গী প্রোজেক্ত অমা থবক হৌবা অসি ইন্দস্ত্রি অমসুং সরকারগী মরক্তা মতেং পাংনবগী খুদম অমনি।
*****
(Release ID: 1642364)
Visitor Counter : 148