হন্দক্কী চহি অসিদা নমামী গঙ্গে প্রোজেক্ত অসি পব্লিক এদমিনিস্ত্রেসন ২০২০গী লেমজনিংঙাই ওইরবা ‘প্রধান মন্ত্রীগী খ্বাইদগী অথোইবা মনাশিং’গী মনুং চনখ্রে। উত্তর প্রদেশকী দিস্ত্রিক মেজিস্ত্রেতশিং(দি.এম.) অমসুং দিস্ত্রিক গঙ্গা কমিতীগী মকোকথোংবা ওফিসিএলশিং ভিদিও কনফরেন্সতা ৱারী শান্নরদুনা নেস্নেল মিশন ফোর ক্লিন গঙ্গা(এন.এম.সি.জি.)গী দিরেক্তর জেনরেল শ্রী রঞ্জন মিশ্রানা মখোয়দা হন্দক্কী চহিগী পব্লিক এদমিনিস্ত্রেসন  লেমজনিংঙাই ওইরবা প্রধান মন্ত্রীগী খ্বাইদগী অথোইবা মনাশিংগী মখোয়গী নোমিনেসনশিং পীশিল্লক্নবা হায়খি। শ্রী রজীব রঞ্জন মিশ্রানা হায়খি, “উত্তর প্রদেশকী ওইনা গঙ্গা লু-নালহন্নবগী অফবা তাঞ্জা অমা লৈরে, মসিনা লৈবাক অসিদা তুরেলশিং মোৎহন্দনা থম্বদা পুক্নিং থৌগৎকনি”। উত্তর প্রদেশকী দিস্ত্রিক গঙ্গা কমিতী ২৬না কন্না হোৎনজবা অসিদগী শেন্মিৎলোনগী থবকশিংদসু কান্নবা পীরি হায়না মহাক্না হায়রম্মি। মসিগী কমিতীশিং অসিনা গঙ্গাবু লু-নাহন্নবা অমসুং নৌনা শেমদোক-শাদোক্নবগীদমক্তা মফমদুদা খুন্দারিবশিংগা তেংবাংনদুনা জীলাগী থাক্তা থবক তৌই। মখোয়গী কন্সতিত্যুসন অদুগী মতুংদা গঙ্গা অসি লু-নান্না থম্বদা অমদি নৌনা শেমজিন-শাজিন্নবা হোৎনরিবশিংদা চাওনা অহোংবা অমা লৈহনখি। গঙ্গাগা কোন্ননা ওর্গানিক ফার্মিং অমসুং বাইওলোজিকেল দাইবর্সিতী শেমগৎপনা মফম অদুগী ওইবা থাক্তা থবক ফংনবগী পাম্বৈ হেনগৎহনগনি।

শ্রী মিশ্রাগী মতুং ইন্না নমামী গঙ্গেগী তোঙান-তোঙানবা য়ুনিৎশিংনা লোকদাউনগী মতমদফাওবা থবক মখা তানা তৌদুনা হান্না খল্লম্বদগী হেন্না অফবা রিজল্ত ফংখি।  উত্তর প্রদেশকী দিস্ত্রিক গঙ্গা কমিতীগা মীফমশিংগী পরিং অমা মপুং ফানা পাংথোক্লবা মতুংদা মহাক্না ফোংদোকখি, "নেস্নেল মিশন ফোর ক্লিন গঙ্গাগী পান্দম অসি গঙ্গাগী ‘নির্মলতা’ অমসুং ‘অবিরলতা’ না লোইবা নত্তে, মসি ‘আত্মনির্ভর ভারত’কী কেম্পেন অসি হেনগৎহনবা ঙমহনগদবা গঙ্গাগী অকোইবদা লৈরিবা অমসুং মাগী অচৌবা মশাশিংবু  সস্তেনেবল সোসিওইকোনোমিক ওইবা জোনশিং ওইনা শেমগৎনবা অর্থ গঙ্গাদা থবকসু তৌরি।”

হৌখিবা মতমদা, গঙ্গানা কোল্লিবা মফমশিংদখক্তা নত্তনা অতৈ তুরেলশিংদা হৌজিক মীয়াম্না শরুক য়াবা হেনগৎবনা মরম ওইদুনা গঙ্গা য়াত্রা অমসুং গঙ্গা আমন্ত্রন অভিয়ান অসি মায় পাক্না থবক পাংথোকপনা মীয়ামদা চেকশিনবগী ৱাখল্লোন লৈহনখি।  লোকদাউনগী মতমদা ময়ুমদা হল্লক্নখিবা মাইগ্রেন্ত লেবরশিংনা মহাত্মা গান্ধী নেস্নেল এম্পোইমেন্ত গরেন্তী এক্ত(এম.জি.এন.আর.ই.জি.এ.)দী তুরেল-পুখ্রী নৌনা শেমজিন্নবগী থবক্তা শমজিনখিদুনা মফম অদুগী শেন্মিৎলোন্দা অমসুং কুমগী নোংগী ঈশিং য়োকশিনবগী ওইনা মহৌশাগী রিসোর্সশিং য়োকখৎপদা কান্নহল্লি। 

মসিদা নত্তনা, মফম অদুগী বাইওদাইবর্সিতী অসি চাওখৎহন্নবা মোরাদবাদতা আই.আই.তি. কানপুর অমসুং দব্লয়ু.দব্লয়ু.এফ.কা লোয়ননা থবক পায়খৎপা হৌখ্রে।  হার্দোই, বিজনোর, মীরুতনচিংবা জীলাশিংদা থঙেগুগী কাংলুপ কয়া অমা য়োকখৎখ্রে অমসুং শৌগৎখ্রে।  হার্দোইদা থেঙ্গুগী পুখ্রী অসি ফগৎহন্দুনা খ্বাইদগী অহানবা ওইনা মায় পাক্না মরুম কোকহনখ্রে। রাই বরেলীগী অচোৎপা মফমশিংদা মখা তানা সর্ভে চত্থরি। থৌরাং অসিদা উ-থাবগী থবক পায়খৎপা অসিসু মরুওইবা মচাক অমনি। জীলা খুদিংমক্তা গঙ্গাগা লোয়ননা উমংশিংদা উ পাম্বী চারশিং শেমগৎলগনি। স্কীম অসিগী মখাদা হন্দক্কী চহিসিদা কসগঞ্জদা লম হেক্তর চহুম  উ চারা লাক্ষ ৩.৫ থাখ্রে।

মীফম অসিদা য়াওখিবা দিস্ত্রিক মেজিস্ত্রেৎ পুম্নমক্না মখোয়-মখোয়গী জীলাশিংদা পাংথোক্লিবা থবকশিংগী মতাংদা মরিক চুম্বা ৱারোলশিং পীখি। প্রধান মন্ত্রীনা ময়াই তাংবল লৌদুনা দিসেম্বর ১৪, ২০১৯দা কানপুরদা ফমখিবা নেস্নেল গঙ্গা কাউন্সিলগী মীফমদা নমামী গঙ্গে অসি পব্লিক এদমিনিস্ত্রেসন্দা খ্বাইদগী অথোইবা প্রধান মন্ত্রীগী মনাদা য়াওহন্নবা ৱারেপ্নখি।  নোমিনেসনগীদমক্তা জীলা-জীলাগী ওইনা ৱারোলশিং এন.এম.সি.জি.দা থাগনি। এপ্লিকেসন অদু অগস্ত ১৫গী মমাংদা ফাইল তৌগদবনি। মনা অসি সিভিল সর্ভিস নুমিৎকী থৌরমদা য়েন্থোক্কনি।

হৌজিক চহি চুপ্পা কর্নাবতী অসি চেল্লগনিঃ: নমামী গঙ্গে প্রোজেক্ত অসিদা  গঙ্গেগী অচৌবা মশাশিং লু-নালহনবা অমসুং নৌনা শেমজিনবগী থবক য়াওরি। মির্জাপুর জীলাদা লৈবা গঙ্গাগী অচৌবা মশা কর্নাবতী অসি নৌনা শেমজিনখিবনা চহি চুপ্পা চেল্লগনি। সোসিও-ইকোনোমিক মোদেল অসি চৎনহনখিবনা কর্নাবতীগী তোর্বান্দা লৈরিবা মফমশিংদা অঙকপা ফংনা কান্নহল্লগনি। তাঞ্জা অসিমক্তদা গোমতী অসি তিন্নফম ওইরিবা হার্দোই জীলাগী সাই তুরেল অসি মাইগ্রেন্তশিংগী মতেংনা নৌনা শেমজিনখ্রে। মান্নবা পরিংদা, অরিবা গঙ্গা অসি কাসগঞ্জ অমসুং ফরুখবাদতা নৌনা শেমজিনখ্রে।

মাইগ্রেন্ত লেবরশিং থবক ফংখিবা অমসুং ঈশিং ফংফমশিং ঙাকথোকপাঃ মাইগ্রেন্ত  ৱার্করশিং অসি লোকদাউনগী মতমদা মরুওইনা বনারস, কানপুর, বিজনোর য়াওনা মহৌশাগী ঈশিং ফংফমশিং অসি য়োকখৎনবা থবক পাংহনখ্রে। মসিদগী অপীকপা তুরেলশিং অমসুং পুখ্রীশিং অসি কান্নহনখ্রে। কচলা ঘাত অসি বদাউন্দা শেমগৎলগনি। দোলফিন অসি ঙাক-শেনবগা লোয়ননা লৌমীশিং খুঞ্জাও লৈচাওহনবাঃ নমামী গঙ্গে প্রোগ্রাম অসিগী মখাদা ফতেহপুর জীলাগী লৌমীশিংদা অখন্নবা ওর্গানিক ফার্মিংগী অখন্নবা ত্রেনিং পীখ্রে।  মফম অসি অখন্নবা প্রোজেক্ত অমদগী গঙ্গেশিংগী দোলফিন অসি য়োকখৎপগী থবক তৌবগীদমক গঙ্গেগী দোলফিনগীদমক খংনৈ।

*****