লৈবাক অসিদা লৈরিবা নিশাদা লাইচুবা অমসুং বিহেবিয়রেল এদিক্সন অসি লাকশিন্নবগী পান্দমদা হেচ.এফ.দবল্যু.গী এম.ও.এস. এসঐচ অশ্বিনি কুমার চৌবে য়াওনা কেন্দ্রগী হকশেল অমসুং য়াইফ য়ুম্বাল মন্ত্রী দা. হর্শ বর্ধন্না “স্তেন্দর্দ ত্রীৎমেন্ত গাইদলাইন্স ওফ সবসতেন্স য়ুজ দিসওর্দরস (এস.য়ু.দি.) এন্দ বিহেবিয়রেল এদিক্সন্স” মিংথোনবা ই-বুক ভিদিও কনফরেন্সকী খুত্থাংদা ঙসি ফোঙখ্রে।

সবসতেন্স য়ুজ দিওর্দর অসি হৌজিক মরু ওইনা নহাশিং অমসুং  ইনখৎলক্লিবশিংগী মরক্তা হেনগৎলক্লিবা  হকশেলগী সমস্যা  অমনি হায়না ৱা ঙাংলদুনা এসঐচ অশ্বিনি কে চৌবেনা হায় “খুন্নাই অসিনা চাওখৎলপগী পুন্সি মহিংদা খোঙদবগা লোয়ননা অসিগুম্বা সমস্যাশিং অসি হেন্না হেনগৎলক্কনি।  কোবিদ লায়চৎ অসিগী মনুংদা লমচৎ শাজৎকী অহোংবা লাকপনা সুসাইদ তৌদুনা শীবগী চাং অসিসু হেনগৎহল্লি।” হকশেল মন্ত্রালয়গী মখাদা দ্রগ দিএদিক্সন প্রোগ্রাম (দি.দি.এ.পি.) অমসুং অতোপ্পা স্তেকহোল্দরশিংনা লৈবাক শিনবা থুংনা অসিগুম্বা খোঙথাং অসি লৌখৎপদা মহাক্না থাগৎপা ফোঙদোকখি।

দা. হর্শ বর্ধন্না হায় “সবসতেন্স য়ুজকা লোয়ননা কার্দিওভাস্কুলর, কেন্সর, লম্বীগী কুদোংথিবদা শোকপা অসিগুম্বা নন-কম্ম্যুনিকেবল দিসোর্দরস (এন.সি.দি.শিং) অমদি ৱাখলগী ওইবা লায়নাগী মরক্তা ফত্তবা মরী লৈনরি।” মহাক্না অপেনবা পোক্লদুনা মহাক্না হায় “ওনলাইন রিলেসনশিপ অমসুং পোর্নোগ্রাফীদা কা হেন্না থৱায় য়াওশিনবা অমসুং ওনলাইন গেমশিংদা লাইচুবা য়াওনা জ্বার শানবা, পোৎ অনৌ-অনৌবা পাম্বা, সাইবর-রিলেসনেল অমসুং সাইবর-সেকচ্যুলদা লাইচুবা অসিগুম্বা বিহেবিয়রেল এদিক্সনশিং অসি সেন্দর্দ ত্রীমেন্ত গাইদলাইনশিংদা য়াওরি।”

কোবিদ-১৯গী মতম অসিদা লাইচুবগী অৱাবশিং অসি কোকহনবা তঙাই ফদবগী মতাংদা দা. হর্শ বর্ধন্না হায় ৱার্ল্দ দ্রক রিপোর্ত ২০২০না “মমাংদা থোকখিবা ইকোনোমিক খ্রাইসিস অদুগুম্না কোবিদ-১৯ অসিনসু খুদোংচাদবশিং থোকহনবা য়াই - নিশা শীজিন্নরিবশিংনা হেন্না হোংবা সিন্থেতিক সবসতেন্সশিং থিরকপা; হেন্না কাপশিনবা হেনগৎপা; শেন্মীৎলোনদা শোইথরকপনা লাইরবা অমসুং ফীভম চাদবশিংদা দ্রগ শীজিন্নহনবা অমসুং অৱাবশিং মায়োক্নহনবা।” মহাক্না শন্দোক্না ঙাংলদুনা হায় “মৈখু শীজিন্নবনা কোবিদ-১৯দগী খুদোংথিবা হেনগৎহল্লি লোয়ননা ভাইরস অসিনা নাহল্লবা মীওইশিংদা ফীভম শোকচিলহল্লি হায়বগী প্রমান থোকলক্লি। য়ু শীজিন্নবনসু খুদোংথিবা হেনগৎহল্লি অমসুং হকচাং শোনবা য়াওনা অতোপ্পা কয়ানসু খুদোংথিবা হেনগৎহল্লি।” অতোপ্পা দ্রগশিংনসু অসিগুম্বা খুদোকথিবা অসি থোকহনবা য়াই হায়না মখা তাখি।

দিল্লী এন.সি.তি.গী হকশেল মন্ত্রী ওইনা দবল্যু.ঐচ.ও.গী তঙাই ফদবা দ্রগ পোলিসী ইমপ্লিমেন্ত তৌবদা থেংনখিবশিং অদু নিংশিংলদুনা মথৌ তাবা স্তেন্দর্দ গাইদলাইনশিং অমা শেম্বনা হকশেলগী লমদা লৈরিবশিংনা দ্রগ শীজিন্নবা ঙাকথোক্নবা লোয়ননা খুদোংথিবশিং হন্থহন্নবা মরু ওইবা অদু মহাক্না থমখি। মহাক্না হায় “দি.দি.এ.পি.না পুথোকপা স্তেন্দর্দ ত্রীমেন্ত গাইদলাইন (এস.তি.জি.) তোঙান তোঙানবা সবসতেন্স য়ুজ দিসওর্দরশিং নত্রগা এদিক্সনগী য়েংশিন্নবা অকনবা পাউতাকশিং পীরি অমদি জেনরেল ক্লিনিক খুদিং মক্তনা মখোয়বু ঙাকনা চৎকদবনি।” “গাইদলাইনশিং অসিনা সবসতেন্স য়ুস দিসওর্দরশিংগী লায়েংবদা লৈরিবা অহোবা অসি হন্থহনবদা মতেং ওইরগনি অমসুং লৈবাক অসিগী মীয়াম হকচাং ফনা, নুংঙাইনা অমসুং হেন্না য়াইফনা লৈহনবদা মতেং ওইরগনি” হায়না মহাক্না আশা তৌরি। 

অঙাং খুদিংমক্না এক্সপর্তনা পীরিবা কাংলোনশিং অসি খঙনবা মীয়ামদা কোবিদকা চান্নবা লমচৎ শাজৎ চৎহন্নবা সরকারনা লৌখৎলিবা কেম্পেন অসি মায় পাকখিবা অসি চাওথোকপা পোকপগা লোয়ননা মহাক্না হায় সমস্যা অসি খঙহন্নবা মাস কেম্পেন অমা মথৌ তাই হায়না হায়খি। “মসি খুন্নাইগী ওইবা সমস্য অমনি হকশেলগী লমদা লৈবা মীওই খক্তগী নত্তে। এৱের্নেস অসি পীবদা মীয়ামগী অমসুং লাইনিং লাইশোনগী ওর্গনাইজেসনশিং য়াওশিনগদবনি। প্রধান মন্ত্রীগী ন্যু ইন্দিয়াগী ৱাখল্লোন মঙফাওনবা ঙম্নবা মরু ওইবা এদিক্সনগী সমস্যা অসি মায়োকন্নবা খুন্নাই অমসুং হকশেলগী লমদা লৈরিবশিংগী মরক্তা ৱাখল তানা অমসুং পুন্না হোৎনমিনবা তাই”

নেস্নেল মেন্তল হেল্থ সর্ভে ১৯৯৬না হীদাক মনা, য়ু, গঞ্জা, অমসুং ওপিওইদশিংদা লায়চুরবশিংগা অয়াম্বদা মরী লৈনবা সবসতেন্স য়ুজ দিসওর্দরশিংগী চাদা ৭৬-৮৫% লায়েংবদা অহোবা লৈবা উৎলি। স্তেন্দর্দ ত্রিৎমেন্ত গাইদলাইনশিং অসি তোবেক্কো কন্ত্রোল অমসুং দ্রগ দিপেন্দেন্স এন্দ ত্রিৎমেন্ত প্রোগ্রাম (তি.সি. অমসুং দি.দি.এ.পি.)না খনগৎলবা এক্সপর্তকী কাংলুপ অমনা শেম্বনি। মসিগী কাংলুপ অসিদা নেস্নেল ইন্সতিত্যুৎ ওফ মেন্তল হেল্থ এন্দ ন্যুরো-সাইন্স (নিমহান্স), বেঙ্গলুরু, এম্স, ন্যু দিল্লী, পোস্ত গ্রেয়্যুৎ ইন্সতিত্যুৎ ওফ মেদিকেল ইদুকেসন এন্দ রিসর্স (পি.জি.আই.এম.ই.আর) চন্দিগর, ভর্ধমান মহাভির মেদিকেল কোলেজ (ভি.এম.এম.সি.) অমসুং সফদারজঙ হোস্পিতাল, অতল বিহারি বাজপায়ী ইন্সতিত্যুৎ ওফ মেদিকেল সাইন্সেস (এ.বি.ভি.আই.এম.এস.) অমসুং দা. আর.এম.এল. হোস্পিতালদা নীসা চাবা থীংবা অমসুং লায়েংবগী লমদা থবক তীরিবা সাইক্রেত্রিস্তশিংনা শেম্বনি। গাইদলাইনশিং অসি http://books.vknnimhans.in/books/jllx/#p=1দা ফংবা দিজিতেল লাইব্রেরীগী রিসোর্সশিংগী খুত্থাংদসু ফঙই।

মসিগী লাইব্রেরী অসি লৈবাক অসিদা লৈরিবা সবতেন্স য়ুজ ত্রীৎমেন্ত প্রোগ্রামশিংদা শীজিন্নবা য়াবা রেজনেল, নেস্নেল অমসুং ইন্তরনেস্নেলগী রিসোর্সশিংগী থাক্তা চাওথোকপা ঙম্মি। এপেন্দিক্সতা মফম অসিদা লৈরিবা ই-রিপোজিতরী অমা য়াওই। মসিগী লাইরিক অসিগী খুত্থাংদা দোক্তরশিং দিজিতেল ত্রেনিং পীবনা দোক্তরশিং অমসুং হকশেলগী লমদা থবক তৌরিবশিংনা মনুং হঞ্জিনবা মফম অমসুং রিসোর্স সেত্তিং মরাং কাবদবা মফমশিংদা লাইয়েং চত্থদ্রিবা মীয়াম শেবা তৌনবা পান্দম থম্লি।

কুমারী প্রীতি সুদান, হেল্থ সেক্রেতরী, শ্রী রাজেশ ভুশন, ও.এস.দি. (ঐচ.এফ.দবল্যু.) অমসুং মন্ত্রালয় অসিগী মকোকথোংবা ওফিসিএলশিংসু য়াওখি। দা. রাকেশ চদ্দা, ঐচ.ও.দি., এন.দি.দি.তি.সি., এম্স, ন্যু দিল্লী, দা. বি.এন. গঙ্গাধর, দিরেক্তর, নিমহান্স, বেঙ্গলুরু অমসুং লাইরিক অসিদা কন্ত্রিব্যুৎ তৌখিবশিংনা ভর্চুএল প্লেৎফোর্মগী থোংদা শরুক য়াখি।

*******