য়ুমলৈ-কৈরৈ মন্ত্রালয়
ভারতকী লৈমায়দা রাফেল ফাইত্তর জেৎশিং থুংলবা অসি “অহোংবা” অমনি হায়না য়ুনিয়ন হোম মিনিস্তর অমিৎ শাহনা থাগৎলি
“রাফেল থুংলবা অসি ঐখোয়গী থৌনা ফরবা ইন্দিয়ান এয়র ফোর্সকী পুৱারি ওইরবা নুমিৎ অমনি অমসুং ভারতকী চাউথোকচবা মিকুপ অমনি”- অমিৎ শাহ
য়ুনিয়ন হোম মিনিস্তরনা হায়খি অনৌবা এয়রক্রাফশিং শীজিন্নবা হৌবা অসিনা ভারত অসি মপাঙ্গল কনবা অমসুং অশোই-অঙাম থোক্লোইদবা লৈবাক অমা ওইহন্নবা প্রধান মন্ত্রী নরেন্দ্র মোদীনা লৌখিবা ৱারেপকী অশেংবা খুদম অমনি
অমিৎ শাহনা হায়খি রাফেলশিং অসি অতিয়াদা শিংনরকপা খুদিংমক থেংনবা ঙম্বা মালেমদা খ্বাইদগী মপাঙ্গল কনবা মেছিনশিংনি
“য়াংবা অমসুং খুৎলায়শিং পুবা ঙম্বদা, রাফেল অসি মাংজিল থারি”: অমিৎ শাহ
Posted On:
29 JUL 2020 5:30PM by PIB Imphal
ভারতকী লৈমায়দা রাফেল ফাইত্তর জেৎশিং থুংলবা অসি “অহোংবা” অমনি হায়না য়ুনিয়ন হোম মিনিস্তর অমিৎ শাহনা থাগৎলি।
অম্বালাদা লৈবা এ.আই.এফ এয়রবেজদা ভারতকী ফিরালগী মচুশিং য়াওরবা রাফেল এয়রক্রাফ মঙা তারবা মতুংদা তুইত অমদা অমিৎ শাহনা হায়খি, “রাফেল থুংলবা অসি ঐখোয়গী থৌনা ফরবা ইন্দিয়ান এয়র ফোর্সকী পুৱারি ওইরবা নুমিৎ অমনি অমসুং ভারতকী চাউথোকচবা মিকুপ অমনি!”
লৈবাক অসিগী শিংথানিংঙাই ওইরবা নুমিৎ অমনি হায়না ফোংদোক্লদুনা, য়ুনিয়ন হোম মিনিস্তরনা হায়খি: “অনৌবা এয়রক্রাফশিং শীজিন্নবা হৌবা অসিনা ভারত অসি মপাঙ্গল কনবা অমসুং অশোই-অঙাম থোক্লোইদবা লৈবাক অমা ওইহন্নবা প্রধান মন্ত্রী নরেন্দ্র মোদীনা লৌখিবা ৱারেপকী অশেংবা খুদম অমনি। ভারতকী ঙাক-শেনগী মপাঙ্গল কনখৎহন্নবা মোদী সরকারনা থবক ওইনা পাংথোক্লে”।
য়ুনিয়ন হোম মিনিস্তরনা হায়খি, “রাফেলশিং অসি অতিয়াদা শিংনরকপা খুদিংমক থেংনবা ঙম্বা মালেমদা খ্বাইদগী মপাঙ্গল কনবা মেছিনশিংনি”।
প্রধান মন্ত্রী, দিফেন্স মিনিস্তর রাজনাথ সিংহ, এ.আই.এফ অমসুং লৈবাক পুম্বা থাগৎলদুনা, মমাংদা অমুক্তা ওইখিদ্রিবা মওংদা এ.আই.এফ মপাঙ্গল কনখৎহনবগীদমক অমিৎ শাহনা প্রধান মন্ত্রী থাগৎখি।
মহাক্না মখা তানা হায়খি, “য়াংবা অমসুং খুৎলায়শিং পুবা ঙম্বদা, রাফেল অসি মাংজিল থারি!” মসিগী মালেম থাক্কী ফাইত্তর জেৎশিং অসিনা অহোংবা অমা পুরক্কনি হায়না ঐ থাজৈ। মসিগী মপাঙ্গল অসিনা ঐখোয়গী অতিয়াগী শরুকশিং ঙাকপদা রাফেলনা ঐখোয়গী নোংথক্কী লান্মীশিং মতেং পাংগনি হায়না ঐনা থাজৈ”।
*****
(Release ID: 1642105)
Visitor Counter : 119