প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎকী মীফম অমনা ভারতকী গনতন্ত্র অমসুং জিম্বাবৱেগী গনতন্ত্রনা অনিনা খুৎয়েক পীনখিবা মেদিসিন অমসুং হোমোপেথীগী মমাংঙৈদগী তৌনরক্লবা থবক-থৌওংশিংগী লমদা তেংবাং পীননবগী মেমোরেন্দম ওফ অন্দর্সতেন্দিংগী এক্স-পোস্ত ফেক্তোগী অয়াবা পীখ্রে।  এম.ও.য়ু. অসি নবেম্বর ৩, ২০১৮দা খুৎয়েক পীনখিবনি।

ৱারোলশিং

মসিনা লৈবাক অনিগী মরক্তা মেদিসিন অমসুং হোমোপেথীগী মমাংঙৈদগী তৌনরক্লবা থবক-থৌওংশিংগী লমদা তেংবাং পীনববু শৌগৎনবগী ওইবা ফ্রেম ৱর্ক অমা ফংহনগনি অমসুং ত্রেদিস্নেল মেদিসিনগী লমদা লৈবাক অনিমক্তা অমনা-অমগী কান্নবা ফংহল্লগনি।

পান্দম

এম.ও.য়ু. অসিগী মরুওইবা পান্দমদি  মান্ননা অমদি অমনা-অমদা কান্নবা পীনদুনা লৈবাক অনিগী মরক্তা মমাংঙৈদগী তৌনরক্লবা থবক-থৌওংশিংগীলমদা তেংবাং পীনবা মপাঙ্গল হেনগৎহনবা, শৌগৎপা অমসুং  চাওখৎহনবনি। এম.ও.য়ু. অসিদা তেংবাং পীননবা মশক খংদোকখ্রবা লমশিংঃ

ক. এম.ও.য়ু. অসিগী স্কোপকী মনুংদা তম্বিবা, থবক চত্থবা, দ্রগশিং অমসুং দ্রগ য়াওদনা চত্থবা লায়েংশিংগী চাং নাইনা পাংথোকহনবদা তেংবাং পীনবা;

খ. এম.ও.য়ু. অসিগী ফ্রেমৱর্কী মনুংদা উত্তুনা তাক্নবগী অমসুং পান্দম অসি ফংননবা অখন্ননা মথৌ তাবা পোৎচংশিং অমসুং দোকুমেন্তশিং ফংহনবা;

গ. প্রেক্তিস্নরশিং, পেরামেদিকশিং, বৈজ্ঞানিকশিং, মহৈ তম্বিবগী শিনফমদা লৈরিবশিং অমসুং মহৈরোয়শিংগী মহৈ তম্বিনবা অখং-অহৈশিং পীথোক-পীশিন তৌনবা;

ঘ. রিসর্চ, মহৈ-মশিং তম্নবগী ওইবশিং অমসুং ত্রেনিং প্রোগ্রামশিংগীদমক্তা য়াওনিংবা বৈজ্ঞানিকশিং, প্রেক্তিস্নরশিং, পেরামেদিকশিং অমসুং মহৈরোয়শিংদা লৈফম পীবা ;

ঙ. ফার্মাকোপোইয়াশিং অমসুং ফোর্মুলরিশিং অমগা-অমগা মশক খংনবা;

চ. পার্তীশিংনা ওফিসিএল ওইনা মশক খংলবা মেদিসিনগী সিস্তেমশিং অমগা-অমগা মশক খংনবা;

ছ. পার্তীশিংগী কেন্দ্র/রাজ্যনা মশক খংলবা য়ুনিভর্সিতীশিংনা পীরকখিবা এদজুকেস্নেল ক্বালিফিকেসনশিং অমগা-অমগা মশক খংনবা;

জ. মশক খংলবা ইন্সতিত্যুসনশিংদা মহৈ তম্নবগী স্কোলর্শিপশিংগী থৌরাং তৌবা;

ঝ. মরি লৈনবা লৈবাকশিংদা লৈরিবা ৱায়েল-কাংলোনশিংগী মতুং ইন্না মতিক চারবা প্রেক্তিস্নরশিংনা অমগা-অমগা তেংবাংনবদা য়ুম্ফম ওইবা ত্রেদিস্নেল ওইনা শেম-শাবশিং মশক খংনবা;

ত্র. মরী লৈনবা লৈবাকশিংদা লৈরিবা ৱায়েল-কাংলোনশিংগী মতুং ইন্না মতিক চারবা প্রেক্তিস্নরশিংনা অমগা-অমগা তেংবাংনবদা য়ুম্ফমদা থবক পাংথোকপশিং অয়াবা পীবা;

ত. অতোপ্পা লম অমদা হেক্তা অমসুং/নত্রগা তেংবাংনবগী মওংদা তুংদা পার্তীশিংনা অমগা-অমগা য়ান্নবা ফোংদোকখি।

*******