কোবিদ-১৯ লোকদাউন মনুংদা নহারোলশিংগীদমক প্রিয়ানকা প্রভাকারনা স্তেম(সাইন্স, তেক্নোলোজি, ইঞ্জিনীয়ারিং অমসুং মেথসতা য়ুম্ফম ওইবা) শান্নপোৎশিং অমসুং বোর্দ গেমশিং শেমখি অমসুং হায়রিবা মতম অসিদা লুপা লাখ ৪০ রোম য়োনখি। লোকদাউন মনুংদা মেগনা গান্ধীনা বদোদারাদা লায়রবা নুপীশিংগা লোয়ন্না থবক তৌমিন্নখি অমসুং তেক্সতাইল অমসুং কোবিদ-১৯গা মরী লৈনবা পোৎলমশিং শাদুনা হায়রিবা মতম অসিদা লুপা লাখ ২৫রোম য়োনখি। নেহাল ভরমানা ছতিসগর, তেলাঙ্গানা অমসুং এ.পিগী ঙামীশিংগা থবক তৌমিন্নখি অমসুং ঈশিং ফজনা থম্নবা অমসুং ঙা ফানবগী মতাংদা মখোয়গী ইন্তরনেত ওফ থিংস মেছিন শীজিন্নবগী মতেং পাংদুনা কোবিদ-১৯ লাইচৎ লাকপা মতমদা মখোয়গী ঙাগী পোৎথোক হেনগৎহনবদা মতেং পাংখি। মখোয় সাইন্স অমসুং তেক্নোলোজিগী ওন্ত্রপ্রিনরশিপকা লোয়ননা থবক তৌরিবা নুপী ওন্ত্রপ্রিনর অহুমনি।

কোলেজ তম্লিবী মহৈরোয়শিংদগী হৌরগা মীয়াই চল্লবী মৌশিং ওন্ত্রপ্রিনরসিপ অসি শীনফম অমা ওইনা পায়খৎনবা মতেং পাংলিবা ৱুমেন ওন্ত্রপ্রিনরসিপ এন্দ ইমপ্বারমেন্ত(ৱি)গী কাংলুপ ৫ শেমগৎপদা মাইপাক্না নুপী অহুম অসিনা থবকশিং পাংথোক্তুনা মখোয় অমত্তা ওইরে । মসি ভারত সরকারগী সাইন্স অমসুং তেক্নোলোজি দিপার্তমেন্তনা ফন্দ পীবা আই.আই.তি দিল্লীদা পায়খৎপা লৈবাক অসিগী অহানবা নুপীশিংগী ফিবম ফগৎহন্নবা পায়খৎপা থবক অমনি। মখোয়গী থবকশিং মাইপাকপগীদমক নুপী ওন্ত্রপ্রিনর ১১দা অপুনবা ওইনা লুপা লাখ ২৫গী শেনফম গ্রান্তগী মওংদা শেনগী মনা ওইনা পীখ্রে।

ফত্তবা ঈশিংদগী সেনিতাইজর পুথোকপগীদমক আই.আই.তি দিল্লীগী ঈশিং অমোৎপা লোইশিন্নবা হিরমদা পি.ঐচ.দি অমা ওইরিবী কলপনা অরোরানা সিলভর এৱার্দ ফংখি। হৌজিক পেতেন্ত লৌনবা হোৎনরিবা অশোকপা ফহন্নবা তেক্নোলোজি পুথোকখিবা সিবনি গুপ্ত(পি.ঐচ.দি)না অনিসুবা সিলভর ফংখি। তেক্নোলোজি অসি হৌজিক এ.আই.আই.এম.এস নিউ দিল্লীদা ক্লিনিকেল ত্রাইএল চৎথরি। পোৎথোক অসি হোস্পিতালশিংদা দোক্তরশিংনা পাম্নরে অমসুং লৈনবা মাংজৌননা ওর্দর তৌরকখ্রে।

নুংশিৎগী নোং ওন্থোক্নবা মেছিন পুথোকপগীদমক নিতা দোসি(পি.ঐচ.দি)না ব্রোঞ্জ এৱার্দ ফংখি । রাসি ভারমানা লৌমীশিংগী এ.আরগী লৌবুক্ত থবক শুখি, মোমি সাইকিয়ানা ইমুং-মনুংগী অমোৎপশিং লোইশিন্নবা থবক তৌখি, অবিশ্রি অরোরনা অঙাংশিং অঙ্ক লাইনা খঙনবা থবক তৌখি।

কোবিদ-১৯ লোকদাউন মনুংদা শেন তান্নবা ললোন-ইতিক্কী নমুনাশিং পুথোকপগীদমক অমসুং তোঙানবা ওন্ত্রেপ্রেনিউরসিপকী লৌশিং উৎপগীদমক নিতিকা সোনখিয়া অমসুং রিতিকা অমিৎ কুমারদা প্রোমিসিং স্তার এৱার্দশিং পীখি।

নুপীশিং অদু হিরম কয়াদা মমিং লৈরবা মীওইশিংনা ত্রেনিং পীখি। ভারতকী তোঙান তোঙানবা রাজ্য ১৬গী লাকপা নুপী ওন্ত্রপ্রিনরশিং ত্রেনিং অদুদা শরুক য়াখি। ত্রেন তৌরবা নুপীশিং অদুগী মনুংদা মখোয়গী অখন্নবা থবকশিংদা ফজনা খঙলবা নুপীশিং য়াওরি। মসিগী নুপী কাংলুপ অসিদগী পেতেন্ত অহুম ফাইল তৌখ্রে।

২০২০গী জুন ১৯দা ভর্চুএল ওইনা ৱি দেমো নুমিৎ পাংথোকখ্রে অমসুং  মালেমগী লৈবাক কয়াদগী য়াওবা শক্নাইরবা জুরিশিংনা মাইপাক্লবশিং খনখি। কাংবু অদুদা দি.এস.তিগী সেক্রেতরি প্রোফেসার অসুতোস শর্মা অমসুং আই.আই.তি দিল্লীগী দিরেক্তর প্রোফেসার রামগোপাল রাওনা ৱা ঙাংখি। থবক অদু দি.এস.তিগী ইন্নোবেসন অমসুং ওন্ত্রপ্রিনরসিপকী মকোক অমসুং সাইন্তিস্ত জি, দোক্তর অনিতা গুপ্তনা লুচিংখি। ৱি ফাউন্দর দোক্তর সারানদিপ সিংহ অমসুং অরপানা সারাওগীনা ৱিগী খোঙচৎ অমসুং ৱিগী পান্দমগী মতাংদা ৱা ঙাংখি।

অতোপ্পা শক্নাইরবা জুরি মেম্বরশিংগী মরক্তা আই.আই.তি দিল্লীগী দোক্তর অনিল ৱালি, ফোর স্কুলগী ওন্ত্রপ্রিনরসিপ সেলগী মকোক, দোক্তর অনিতা লাল, সাইনরজি কন্সলতিংগী সি.ও.ও, অনন্দ রোহাতগী অমসুং য়োগেস অন্দলে, কোর্নৱেল য়ুনিভর্সিতি , নিউ য়োর্ককী মেনেজমেন্ত প্রোফেসার, প্রো: সৌমিত্রা দত্তা য়াওরি।  

ৱি ফাউন্দেসন অসি ভারতকী অহানবা খুন্নাইগী য়াইফনবা আই.আই.তি নিউ দিল্লী অমসুং ভারত সরকারগী দি.তি.এসনা শৌগৎপা লৈবাক অসিদা নুপী ওন্ত্রপ্রিনরশিং শেমগৎনবা থবক অমনি। মখোয়দা শেন থাদনবা অমসুং মখোয়গী পোৎথোকশিং লৈনবা অমসুং মখোয়গী ললোন-ইতিক্কী অনৌবা ৱাখলশিং শেন তানবা য়ানবা মওংদা থবক পায়খৎনবা ভারত শীনবা থুংনা লৈরিবা নুপী ওন্ত্রপ্রিনরশিংগা ৱি ফাউন্দেসনগা শম্নরি।

দি.এস.তিগী সেক্রেতরি, প্রোফেসার অসুতোস শর্মনা হায়খি নু্পীশিং শরুক য়াবা হেনগৎহন্নবা ৱি ফাউন্দেসন্না পায়খৎলিবা থবকশিং অসিনা হৌজিক য়ৌশিনা ঙমদবা নুপীশিং থেংনরে অমসুং লোৎতুনা লৈরম্বা লৌশিং কয়া শীজিন্নরে।

******