কোবিদনা য়োগবু মালেম পুম্বনা পামহনবা ফাওহনবদা মিৎয়েং চংলদুনা কেন্দ্র মন্ত্রী দাঃ জিতেন্দ্র সিংহনা ঙসি হায়খিবদা প্রধান মন্ত্রী নরেন্দ্র মোদীনা হায়বগী মতুং ইন্না য়ু.এন.ও.না “মালেমগী য়োগ নুমিৎ” অমা লাউথোকখিবদগী য়োগ অসি মালেম পুম্বদা পাম্নরকপা হেনগৎলকপদা নত্তনা য়োগগী থৌওং অসিদা চংবা হৌদ্রিবা মীওইশিং ফাওবদা কোবিদ লায়চৎ অমসুং মসিগী মতুংদা থমখিবা লোকদাউনগী মনুংদা মসিগী কান্নবা খংবদগী মসিদা থৱাই য়াওবা হেনগৎলক্লি।

ভারতিয় য়োগ সংস্থান্না পি.এম. কেয়রস ফন্দা তেংবাংবগী দিমান্দ দ্রাফৎ অমসুং চেক লৌবা মতমদা দাঃ জিতেন্দ্র সিংহনা প্রধান মন্ত্রীনা হায়খিবা ৱাফম “হোলীৱুদতগী হরিদ্বার ফাওবদা, কোরোনাগী হকশেলগী ইরাং মরক্তা মীয়াম্না য়োগবু য়াম্না পাম্নরে” অসিবু নৌহৌননা নীংশিংখি।

ভারতিয় য়োগ সংস্থানগা কুইনদগী লৈনরকপা মরী নিংশিংলদুনা দাঃ জিতেন্দ্র সিংহনা সংস্থান অসিগী বলন্তিয়রশিংনা তি.ভি. অমসুং ইলেক্ত্রোনিক মীদিয়া লৈত্রিঙৈ মতমদগী হৌনা য়োগগী মরমদা মীয়ামদা খংহন্নবা অমসুং তাকপিনবা হোৎনদুনা লাক্লবনি হায়খি।

ঙসিদি য়োগ অসি মীয়ামগী পুন্সিগী অপুনবা অমা ওইরে অমসুং হৌখিবা চয়োল ১২গুম্বদগী হকশেলগী মরমদা খংনিংবা হেনবসি য়াম্না হেনগৎলে  হায়না মহাক্না হায়খি।

দাঃ জিতেন্দ্র সিংহনা হায়খিবদা য়াম্না মরু ওইনা লোকদাউনগী মনুংদা মীওই কয়া অমনা মশাগী ইম্ম্যুনগী ফিভম ফগৎহন্নবগীতা নত্তনা নাইতোম তাবা, পাখৎপা অমসুং দিপ্রেসন্দগী লাপথোক্নবা য়োগদা মায় ওনশিনখি হায়খি।

কোরোনাগী লায়চৎ লাক্ত্রিঙৈগী মমাংদগী হৌনা মালেম পুম্বদা লৈবা মীওইশিংনা দাইবেতিস মেল্লিতসগুম্বা লৌনগন্দবা লায়না য়াওনা অতৈ হকশেলগী খুদোংচাদবা কয়াদা কান্নবা কয়া অসি খংনরবনি অমসুং নোংচুপকী লৈবাকশিংদা লৈবা দাক্তর কয়ানা ব্লদ সুগরগী থাক লাকশিনবগী লায়েংবগী থৌওংশিংদা য়োগ তৌবা অমসুং মসিগী কান্নবশিং অসি লায়েংবগী অতোপ্পা কাংলোন অমনি হায়না খংনখ্রবনি। থমোয়গী লায়না অমসুং হাইপর্তেন্সনগুম্বা হৌজিক্কী মতমগী লায়নাশিং অসি লায়েংবা য়ানবা সাইন্তিফিক ওইবা মওংদা য়োগগী থৌওং শেমদোকপা অসিনা লায়নাশিং অসি শেন্নবগী অপুনবা অমসুং হোলিস্তিক ওইবা মশক পীরি।

দাঃ জিতেন্দ্র সিংহনা লোকদাউনগী মনুংদা য়োগগী থৌওংগী ওইবা ওনলাইনগী প্রোগ্রাম কয়া অমা শিন লাংখি অমসুং লোকদাউনগী চৈথেংনা মীওই কয়া অমদা ওনলাইন অমসুং দিজিতেল সপ্পোর্তকা লোয়ননা য়োগ পাংথোকহন্নবা থৌওং কয়া অমা হৌদোকপগী ইথিল পীখি হায়খি।

দাঃ জিতেন্দ্র সিংহনা য়াম্না মরু ওইনা ফোংদোকখিবগী মতুং ইন্না কোবিদকী মতুংগী মতমদা ওইগদবা ফিভম অসিদা মীয়াম্না লোকদাউন মনুংদা য়োগ তৌবগী হৈনবি লৈখিবা অসিনা কোরোনা লৈত্রবা মতুংদসু পুন্সি চুপ্পগী ওইনা য়োগ তৌদুনা নুংঙাইবা পুন্সি অমা হিংলগনি হায়খি।

ভারতিয় য়োগ সংস্থানগী মীওইশিং অসি মসিগী জেনেরেল সেক্রেতরী দেস রাজ, নেস্নেল একজেক্যুতিব মেম্বর শরৎ চন্দর অগরৱাল, দিল্লীগী প্রসিদেন্ত ললিৎ কুমার গুপ্তা অমসুং অতোপ্পা মীওই খরনা লুচিংখি।

****