ইকায়খুম্নরবা প্রধান মন্ত্রীগী ‘আত্মনিরভর ভারত’, ‘দিজিতেল ইন্দিয়া’ অমসুং ‘মেক ইন ইন্দিয়া’ মঙলানগী মায়কৈদা চঙশিনবা ওইনা অমদি ‘আত্মনিরভর ভারত’কীদমক ইরোমদোম লেপচবা ঙম্নবা অমদি পাঙ্গল থোকপা মফমদা লেপ্তুনা মালেম অসিগা লোয়ননা চৎমিন্ননবা ইকায়খুম্নরবা রেলৱেজ অমসুং কম্মর্স এন্দ ইন্দস্ত্রী মন্ত্রী শ্রী পিয়ুশ গোয়লনা তাল্লিবা পান্দম অসি ফংনবগীদমক ইন্দিয়ন রেলৱেজগী আই.আর.তি.সি. অমসুং এস.বি.আই. কার্দনা পুন্না ব্রান্দ ওইমিন্নবা কন্তেক্তলেস ক্রেদিত কার্দ রুপে প্লেতফোর্মদা হৌদোকখ্রে‍। অনৌবা ক্রেদিত কার্ত অদু ঙসি লৈবাক্কী থৌগলগীদমক ইকায়খুম্নরবা রেলৱেজ অমসুং কম্মর্স এন্দ ইন্দস্ত্রী মন্ত্রী শ্রী পিয়ুশ গোয়লনা মীয়ামদা কত্থোকখি‍।

থৌরমদুদা ৱা ঙাঙলদুনা, ইকায়খুম্নরবা রেলৱেজ অমসুং কম্মর্স এন্দ ইন্দস্ত্রী মন্ত্রী শ্রী পিয়ুশ গোয়লনা হায়, “ঐখোয়না ইকায়খুম্নরবা প্রধান মন্ত্রীনা মঙখিবা ‘মেক ইন ইন্দিয়া’ মংলানগী থৌরাংগা লোয়ননা হীরম খুদিংদা রেলৱেজবু ‘মরোমদোম লেপচবা’ ঙমহন্নবগীদমক খোঙফম চেৎনা লেপ্লি‍। রুপে প্লেতফোর্ম শীজিন্নবা আই.আর.তি.সি. এস.বি.আই. ক.-ব্রান্দেদ কার্দ অসি রেলৱেজনা পায়খৎপা ‘মেক ইন ইন্দিয়া’গী থৌরাংশিংগী মনুংদা অমনি‍।”

কঞ্জুমরশিংদা শাফগদবা ত্রাঞ্জেক্সন এনভাইরনমেন্ত অমা পীননবা পান্দমদা, অনৌবা রুপে কার্দ অসি নিয়র ফিল্দ কম্ম্যুনিকেসন (এন.এফ.সি.) তেক্নোলোজী য়াওরি অমদি মসিনা শীজিন্নরিবা মীশিংদা মখোয়গী কার্দ অদু স্বাইপ তৌবগী মথৌ তানদনা পি.ও.এস. মেচিনদা হায়ফেত্তং থেংলম্লগা ত্রাঞ্জেক্সন থুনা তৌবা ঙমহনগনি‍।

তোয়না রেলৱেদা চত্থোক চৎশিন তৌবা মীওইশিংদা মনা মথুম পীননবা শেম্লবা অনৌবা কো-ব্রান্দেদ ক্রেদিত কার্দ অসিনা রেলৱে পেসেঞ্জরশিংদা রিতেল, চাক ঈশিং চাদা (দাইনিং) অমদি এন্তরতেন্মেন্ত লোয়না লোয়ননা ত্রাঞ্জেক্সন ফী কোকপীবা য়াওনা মখোয়গী খোঙচৎশিংদা য়াম্লবা শেনফম চৎপা হন্থহন্নবা খুদোংচাবশিং পীরি‍।

কার্দহোল্দরশিংনা আই.আর.তি.সি.গী ৱেবসাইততগী ফর্স্ত এ.সি., সেকেন্দ এ.সি., থর্দ এ.সি., ইকজিক্যুতিব চেয়র কার অমসুং এ.সি. চেয়র কার বুক তৌবদা মমলগী চাদা ১০ ফাওবগী শেনফম ফংগনি‍। কার্দ অসিনা ওনলাইন ত্রাঞ্জেক্সন ফী কোকপীবা (ত্রাঞ্জেক্সন শেনফমগী চাদা ১), ফ্যুল সর্চার্জ চাদা ১ কোকপীবা অমসুং রেলৱে স্তেসনশিংদা চহী অমদা প্রেমিয়ম লোঞ্জ মরিরক (ক্বার্তর অমদা অমুরক) লেম্না চঙবগী খুদোংচাবা পীরি‍। কার্দ শীজিন্নরিবশিংনা পীরিবা মিনিমন শেনফম শীজিন্নদুনা এক্তিভেসন তৌরকপা মতমদা বোনস রিৱার্দ পোইন্ত ৩৫০ ফংগনি‍। শীজিন্নরিবশিংনা পুনশিল্লবা রিৱার্দ পোইন্তশিং অসি আই.আর.তি.সি.গী ৱেবসাইত্তা ত্রেন তিকেক ককপদা শীজিন্নবা য়াগনি‍। রেলদা চৎপদা শেন ওইজবতা নত্তনা আই.আর.তি.সি. এস.বি.আই. কার্দ অসিনা ওনলাইন সোপ্পিং পোর্তেলশিংদা তোঙান তোঙানবা কান্নবশিং পীরি‍। শীজিন্নরিবশিংনা ই-কম্মর্স সাইতশিংদগী পোৎ লৈবদা দিস্কাউন্ত চাউনা ফংগনি‍।

রুপেগী মার্কেত সেয়র হেনগৎলকপা অমদি ভারতকী শীজিন্নরিবা মীওইশিংগী মরক্তা পাম্নবা হেনগৎলকপগা লোয়ননা রুপেনা মথৌ হাপ্পা আই.আর.তি.সি. এস.বি.আই. কো-ব্রান্দেদ ক্রেদিত কার্ত অসি রুপা শীজিন্নরিবশিংদা নুংঙাইরবা পোৎ লৈবগী মহাও অমা পীননবা খোঙথাঙ অমা ওইরে‍।‍।

অনৌবা কো-ব্রান্দেদ ক্রেদিত কার্দ অসিনা আই.আর.তি.সি., এস.বি.আই. কার্দ অমসুং রুপেনা দিজিতেল ইন্দিয়া থৌরাং য়োকখৎনবা লেপ্লিবা ফিরেপ্পু হেন্না চেৎশিনহল্লে অমদি মসিনা রেল পেসেঞ্জরশিংদা শাফবা, নুংঙাইবা অমদি হেন্না ফগৎলবা চত্থোক চৎশিনগী অমা পীনবা পান্দম থম্লি‍।

*****