কোবিদ-১৯ লাইচৎ লাকপদগী ওইরক্লিবা অরুবা ফিবম অসিদা, ওনলাইনগী খুদোংচাবশিং ফংহনবা ওইনা ২০২০গী এপ্রিলদগী জুন থা ফাওবগী মনুংদা সবস্ক্রাইবর লাখ ৭৩.৫৮গী নো য়োর কস্তমর(কে ৱাই সি) দেতা ই.পি.এফ.ওনা অপদেৎ তৌখি। মসিদা সবস্ক্রাইবর লাখ ৫২.১২গী আধার শম্নবা, সবস্ক্রাইবর লাখ ১৭.৪৮গী মোবাইল নম্বর শম্নবা অমসুং সবস্ক্রাইবর লাখ ১৭.৮৭গী বেঙ্ক একাউন্ত শম্নবগী থবকশিং য়াওরি। কে.ৱাই.সি অসি য়ুনিভর্সেল একাউন্তর নম্বরগী খুৎথাংদা সবস্ক্রাইভরশিং মশক খঙদোকপদা মতেং পাংবা থবক অমনি।

পাকশন্না কে.ৱাই.সিগী থবক পাংথোকপা ঙম্নবা, লোকদাউন মনুংদা সবস্ক্রাইভারশিংগী অকুপ্পা মরোলশিং চুমথোক্নবা থবকশিং ই.পি.এফ.ওনা পাংথোকখি। মদুগী মহৈ ওইনা মিং লাখ ৯.৭৩ চুমথোকখি, মপোক নুমিৎ লাখ ৪.১৮ চুমথোকখি অমসুং ২০২০গী এপ্রিল-জুন মনুংদা আধার নম্বর লাখ ৭.১৬ চুমথোকখি।

কোবিদ-১৯ লাইচৎ মনুংদা ওফিসদা মীয়াম থাপ্না লৈবা য়ানবা, অকক্নবা মতমগী মনুংদা অপদেৎ তৌবা দরকার ওইবা কে.ৱাই.সি একাউন্তশিংগী ওইনা ই.পি.এফ.ওনা য়ুমদগী থবক শুবগী লাল্লোংশিং শীজিন্নখি । য়ুমদগী থবক শুনবগী শীন্নখিবা স্তাফশিংনা কে.ৱাই.সি অপদেৎ তৌরকখি অমসুং অকুপ্পা মরোলশিং চুমথোকখি অমসুং নোংম-নোংমগী ওইনা পন্দুনা লৈরবা থবকশিং হন্থরকখি ।

মসিগী মথক্তা, আধার সিদিং তৌনবা ইমপ্লোয়রশিংগী মখা পোনবা অদু লৈহনখিদে অমসুং চহি অহুম ফাওবা খেন্নবশিংগী ওইনা মপোক নুমিৎকী প্রমান অদু আধারনা ওইবা য়াহনখি ।

কে.ৱাই.সি অপদেৎ তৌবা অসিনা মেম্বর অমনা মেম্বর পোর্তেলদা ওনলাইনগী থবকশিংগী কান্নবা লৌবা য়াগনি । অরোইবা শেনফম লৌথোক্নবা মেম্বর অমনা ওনলাইন্দা ফাইল তৌবা য়াগনি অমসুং কোবিদ-১৯গী য়েংগা প্রধান মন্ত্রী গরীব কলয়ান য়োজনাগী মখাদা হন্দক এদভান্স লৌবা য়াহনখিবা অসিগী খুদোংচাবা লৌবা য়াগনি। দেসতোপ নৎত্রগা উমং এপ্পকী খুৎথাংদা কে.ৱাই.সিগী মেম্বর অমনা ওনলাইনগী থবকশিং পাংথোকপা য়াগনি।

****