এন.আই.পি.ই.আর. হায়দ্রবাদকী ৮শুবা কনভোকেসন হৌনবি মতুং ইন্না ঙসি পাংথোকখ্রে। মসি গ্রেজুএৎ তম্লিবা ছাত্রশিং অমসুং  এন.আই.পি.ই.আর. হায়দ্রবাদকী হরাওবা ফোংদোকপা অমসুং ফংহন্নবগী মতমনি।  

আই.তি.ই. অমসুং সি. গবর্নমেন্ত ওব তেলঙ্গনাগী চিফ গেস্ত মিনিস্তর শ্রী কে.তি. রামা রাওনা মাগী ৱারোলদা হায়খি মদুদি ফার্মাসীগী শিনফমদা থোইদোক হেন্দোকপনা মালেম পুম্বগী ওইনা হকশেলগী ইন্দস্ত্রীদা কান্নবা পীগনি। 

দাঃ পি.দি. ভাঘেলা, চেয়রমেন, এপেক্স কাউন্সিল, এন.আই.পি.ই.আর.শিং অমসুং সেক্রেতরি, দিপার্তমেন্ত ওব ফার্মাস্যুতিকেল, গবর্নমেন্ত ওব ইন্দিয়ানা খ্বায়দগী ফরবা মায় পাক্লবা গ্রেজুয়েতশিংদা থাগৎগা ফোংদোকখ্রে।    

মহাক্না এন.আই.পি.ই.আর. হায়দ্রবাদকি দিরেক্তর দাঃ শাশি বালা সিংহ অমসুং এন.আই.পি.ই.আর. হায়দ্রবাদকি বোর্দ ওব গবর্নর শ্রী কে. সাতিশ রেদিবু মখোয়গী লেপ্পা লৈতবা এন.আই.আর.এফ. রেন্কিং পুথোরকপদা থাগৎপা ফোংদোকখ্রে। মহাক্না কোভিদ-১৯ লায়চৎ মনুংসিদা ইন্দিয়ান ফার্মাস্যুতিকেলনা ইন্দিয়া অমসুং মালেমগী ওইবা মীওইবগী পুন্সি কন্নবা হিদাক পুত্থোকপগীদমক থাগৎলি। মহাক্না হায়খি মদুদি ছাত্রশিংনা ইন্দিয়ান ফার্মাস্যুতিকেল ইন্দ্রস্ত্রীদা চাওনা খুদোংচাবা ফংগনি। 

শ্রী কে. সাতিশ রেদিনা হৌজিক ওইরিবা লায়চৎ মনুং অসিদা ফার্মাস্যুতিকেল ইন্দ্রস্ত্রীনা হোংলক্লিবা অমসুং মহাক্না হৌজিক খুদোংচাবা ফংগদবা অসিদা মায়োক্নরিবা মতাংদা পল্লদুনা হায় মদুদি ছাত্রশিংনা ফিভম অসি হোংহল্লগনি। মহাক্না এন.আই.পি.ই.আর. হায়দ্রবাদকি ছাত্রশিংবু মায় পাক্না মখোয়গী মহৈ তম্বা লোইশিনবগীদমক থাগৎপা ফোংদোকখি অমসুং মতুংদসু মায় পাকপা ওইরসনু হায়দুনা ৱিস তৌখি।

শ্রী রাজনিশ তিনগল, জে.এস. দিপার্তমেন্ত ওব ফার্মাস্যুতিকেলনা এন.আই.পি.ই.আর. হায়দ্রবাদনা চহি ১২ অসিদা চৎলিবা খোঙচৎ অদুবু শন্দোক্না হায়রম্মী অমসুং এন.আই.আর.এফ.দা অফবা রেঙ্ক থম্দুনা ফার্মাস্যুতিকেলন ইনস্তিত্যুতশিংগী মনুংদা মশক তাক্লী হায়নসু হায়খি।

এন.আই.পি.ই.আর.-ঐস.গী দাইরেক্তর দাঃ শাশি বালা সিংহনা মীয়াম পুনবা অদুদা ইনস্তিত্যুত চহি ১২ খোংচৎ ইনস্তিত্যুতকী মতাংদা ৱারোল থমখি।

একাদেমিক ওইবা চহি অনি (২০১৭-২০১৯ অমসুং ২০১৮-২০২০) অসিদা এম.এস. ফার্ম (১৮৯), এম.বি.এ. ফার্ম (৫৭) অমসুং পি.ঐস.দি (২৪) য়াওনা পুন্না ছাত্র ২৭০ মসিগী ই-কোনভোকেসন অসিদা দিগ্রী পিখ্রে।

*************