ఎన్.ఐ.ఆర్.ఎఫ్ ర్యాంకింగ్ లో స్థిరమైన పనితీరు కనబరిచినందుకు హైదరాబాద్ లోని ఎన్.ఐ.పి.ఈ.ఆర్. డైరెక్టర్ డాక్టర్ శశి బాలా సింగ్ మరియు హైదరాబాద్ లోని  ఎన్.ఐ.పి.ఈ.ఆర్. గవర్నర్ల మండలి చైర్మన్ శ్రీ కే.సతీష్ రెడ్డి లను కూడా ఆయన అభినందించారు. కోవిడ్-19 మహమ్మారి సమయంలో భారతదేశానికి మరియు ప్రపంచానికి ప్రాణాలను రక్షించే ఔషధాలను అందించడంలో భారతీయ ఔషధ రంగ పరిశ్రమ పోషించిన కీలక పాత్ర గురించి ఆయన వివరించారు.  ఎల్లప్పుడూ శక్తివంతమైన భారతీయ ఔషధ రంగ పరిశ్రమలో విద్యార్థులకు ప్రకాశవంతమైన అవకాశాలు లభిస్తాయని ఆయన హామీ ఇచ్చారు. 

ఈ మహమ్మారి పరిస్థితిలో ఔషధ రంగ పరిశ్రమలో సంభవిస్తున్న అనేక పరివర్తన మార్పుల గురించి శ్రీ కె. సతీష్ రెడ్డి వివరించారు. ఈ విధంగా మారిన పరిస్థితుల నేపథ్యంలో విద్యార్థులకు లభించే అనేక సవాళ్లతో కూడిన అవకాశాల గురించి కూడా ఆయన ఈ సందర్భంగా ప్రస్తావించారు.  హైదరాబాద్ లోని ఎన్.ఐ.పి.ఈ.ఆర్. లో విజయవంతంగా చదువు పూర్తి చేసుకున్న విద్యార్థులకు ఆయన అభినందనలు తెలిపారు,  వారి భవిష్యత్ ప్రయత్నాలకు శుభాకాంక్షలు తెలియజేశారు. 

హైదరాబాద్ లోని ఎన్.ఐ.పి.ఈ.ఆర్. తన 12 సంవత్సరాల స్వల్ప ప్రయాణంలో సాధించిన గణనీయమైన పురోగతిని ఔషధ విభాగం సంయుక్త కార్యదర్శి శ్రీ రజనీష్ తింగళ్ వివరిస్తూ, ఎన్.ఐ.ఆర్.ఎఫ్. లో మంచి ర్యాంకులను సాధించడం ద్వారా ఔషధ రంగ సంస్థలన్నింటిలో ఒక ప్రత్యేకమైన స్థానాన్ని సాధించిందని పేర్కొన్నారు. 

హైదరాబాద్ లోని ఎన్.ఐ.పి.ఈ.ఆర్. డైరెక్టర్ డాక్టర్ శశి బాలా సింగ్ సభ నుద్దేశించి మాట్లాడుతూ, తమ సంస్థ గత 12 సంవత్సరాలలో సాధించిన ప్రగతి యాత్రను వివరించారు.   

ఆన్ లైన్ ద్వారా జరిగిన ఈ స్నాతకోత్సవంలో గత రెండు విద్యా సంవత్సరాలకు (2017-2019 మరియు 2018-2020) చెందిన ఎమ్.ఎస్. ఫార్మా (189); ఎమ్.బి.ఏ. ఫార్మా (57) మరియు పి.హెచ్.డి.(24) తో సహా మొత్తం 270 విద్యార్థులకు పట్టాలు ప్రదానం చేశారు.  

*****