“২০২২ ফাওবদা মী খুদিংমক য়ুম ফংহনবা” হায়বা পান্দম ফংনবা, ২০২২ ফাওবদা খুদোংচাবা খুদিংমক য়াওরবা য়ুম করোর ২.৯৫ শানবা ২০১৬গী নবেম্বর ২০দা প্রধান মন্ত্রী নরেন্দ্র মোদীনা হন্না শেমদোক্লবা খুঙ্গংগী য়ুম শানবা স্কিম হায়বদি প্রধান মন্ত্রী অৱাস য়োজনা-গ্রামিন হৌদোকখি।

মথাং অহুম হায়বদি ২০১১গী সোসিও ইকোনোমিক সেন্সস, গ্রাম সভা অমসুং জিও-তেক্কিংগী খুৎথাংদা প্রধান মন্ত্রী অৱাস য়োজনা-গ্রামিনগী মখাদা কান্নবা ফংগদবা মীওইশিং লায়রবশিংগী মরক্তগী খ্বাইদগী লায়রবশিং খনখি। কান্নবা ফংলিবা মীওইশিংগী একাউন্তদা ফন্দ য়ৌহন্নবা আই.তি/দি.বি.তি য়াওনা দিপার্তমেন্তনা পাম্বৈ কয়া শীজিন্নখি, মফম অদুগী লম্মিৎ-তুমিৎকী ফিবম য়েংলবা মতুংদা য়ুম শানবা অনৌবা দিজাইনশিং শীজিন্নখি, জিও-তেক ফোতোশিং শীজিন্নদুনা য়ুম শাবগী থবক য়েংশিনখি, এম.আই.এসতা য়ুম্ফম ওইদুনা ত্রান্সসেক্সন পাংথোকখি, ফন্দ মরাংকাইনা ফংহনখি অমসুং য়ুমশিং মতম চানা লোইশিন্নবা খুঙ্গংগী য়ুমশাবশিং ত্রেনিং পীখি।

হায়রিবা থবকশিং অসিনা মরম ওইদুনা য়ুম করোর ১.১০ শাবা লোইশিনখি অমসুং মসিগী মনুংদা প্রধান মন্ত্রী অৱাস য়োজনা-গ্রামিনগী মখাদা কান্নবা ফংলবা লম লৈজদবা মীওইশিংগী য়ুম লাখ ১.৪৬ য়াওরি। প্রধান মন্ত্রী অৱাস য়োজনা-গ্রামিনগী মখাদা মমাংদা য়ুম শাবা লোইশিনবদা নুমিৎ ৩১৪ চঙলম্বা অদু হৌজিক নুমিৎ ১১৪দা শাবা লোইশিনবা ঙম্লে হায়বা এন.আই.পি.এফ.পিগী থিজিনবদা খঙলে। ইন্দিরা অৱাস য়োজনাগী মখাদা ২০১৪দগী হৌনা রুরেল দিবলপমেন্ত মিনিস্ত্রিনা চাউরাক্না য়ুম লাখ ৭২ রোম শাদুনা অপুনবা ওইনা য়ুম লাখ ১৮২ শাখ্রে।

সরকারগী তোঙান-তোঙানবা স্কিমশিং পুনশিন্দুনা প্রধান মন্ত্রী অৱাস য়োজনা-গ্রামিন্না য়ুম অমগী তঙাইফদনা চঙদ্রবা য়াদ্রবশিং ফংহল্লে । লায়রবশিংনা য়ুম ফংবা খক নত্তনা মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিমগী মখাদা নুমিৎ ৯০-৯৫গী থবক ফংলে । পৱার মিনিস্ত্রিগী হৌজিক পায়খৎলিবা স্কিমশিংগী মখাদা মখোয়গী য়ুমশিং ইলেকত্রিসিতি ফংলে অমসুং প্রধান মন্ত্রী উজ্বৱালা স্কিমগী মখাদা লেম্না এল.জি.পি কন্নেক্সন ফংলে। শ্বাছ ভারত মিসনগী মখাদা য়ুমশিংদা তোইলেতশিং শারে অমসুং জল জিবন মিসনগী মখাদা য়ুমশিংদা তোতি ঈশিং ফংহল্লে। দিনদায়াল অন্তয়োদয়া য়োজনা-নেসনেল রুরেল লাইফলিহুদ মিসনগী মখাদা খুঙ্গংগী য়ুমথোং করোর ১.৮২দা হিংনবা লম্বী অমসুং খুদোংচাবা কয়া পীনবা থবকশিং পায়খৎলে ।

রাজ্যশিংগা লোয়ননা থবক তৌমিন্নদুনা মশিং য়াম্লবা য়ুম কয়া শাবা লোইশিল্লকপগী তাঙ্কক কয়াদা লৈরে অমসুং ২০২০গী মার্চ ফাওবদা প্রধান মন্ত্রী অৱাস য়োজনা-গ্রামিনগী মখাদা য়ুম করোর ২.৯৫ শানবা পান্দম থম্লিবা অসি ফংবা ঙমগনি হায়না রুরেল দিবলপমেন্ত মিনিস্ত্রিনা থাজবা থম্লি।

****