শেল-থুম মন্ত্রালয়

সি.বি.দি.তি.না ১৬০শুবা ইনকম তেক্স নুমিৎ পাংথোক্তুনা লৈবাক শেমগৎনবা মীয়ামগী থবক তৌবগীদমক ফাইনান্স মিনিস্তর শ্রীমতি নিরমালা সিতারমন্না আই.তি. দিপার্তমেন্তবু থাগৎখ্রে

Posted On: 24 JUL 2020 6:08PM by PIB Imphal

সেন্ত্রেল বোর্দ ওফ দাইরেক্ত তেক্সসেস(সি.বি.দি.তি.)অমসুং ভারত শীনবা থুংনা লৈরিবা মসিগী ফিল্দ ওফিসশিংদা ঙসি ১৬০শুবা ইনকম তেক্স নুমিৎ থৌরম পাংথোকখ্রে।

১৬০শুবা ইনকম তেক্স নুমিৎকী মহাক্কী পাউজেলদা ফাইনান্স অমসুং কোরপোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না তেক্স থিরিবশিং নুংঙাইনবা, অরোন-অথুপ লৈতনবা অমসুং মশা-মরোমদোম তেক্স থিনবা মাইকৈদা তেক্স লৌবগী থবকশিং ইনকম তেক্স দিপার্তমেন্তনা লেপ্তনা পায়খৎপগীদমক মহাক্না থাগৎখি। চহি খর অসিদা অহোংবা পুরক্তুনা শুপ্নগী খজনা খোমগৎনবা লুপ অমা ওইরম্বদগী মীয়ামগী য়াইফনবা লৈবা লুপ অমা ওইরক্লিবা অসি মহাক্না শিংথাখি। মহাক্না হায়খি তেক্স লৌবগী থবকশিং লাইহন্নবা য়াওনা অনৌবা থবক কয়া পায়খৎলে, কোরপোরেত তেক্স রেত হন্থরে অমসুং প্রধান মন্ত্রী নরেন্দ্র মোদীগী ‘অত্মানির্ভর ভারত’গী লম্বী শেম্নবা লৈবাক অসিগী মেনুফেকচরিং কম্পেনিশিংদা তেক্স হন্থনা লৌরে।

লাইচৎ মনুংদা তঙাইফদবা কয়া কোমথোক্তুনা তেক্স থিরিবশিংগী দরকার ওইবা ফংহনখিবগীদমক ফাইনান্স মিনিস্তরনা ইনকম-তেক্স দিপার্তমেন্ত থাগৎখি। লৈবাক অসি চাউখৎহনবদা দিপার্তমেন্ত অসিনা মরুওইবা থৌদাং লৌবা খক নত্তনা মসিনা শীনফম অসিদা লৈরিবশিংগী অনৌবা থাক কয়া শেম্লে অমসুং ফিবম ফগৎহল্লে হায়না য়ুনিয়ন মিনিস্তরনা ফোংদোকখি।

মহাক্কী পাউজেলদা ফাইনান্স অমসুং কোরপোরেত এফেয়ার্সকী রাজ্য মন্ত্রী অনুরাগ থাকুরনা ইনকম-তেক্স দিপার্তমেন্ত থাগৎলদুনা হায়খি, দিপার্তমেন্ত অসিনা তেক্স থিরবশিংগী মতিক চাবা থবকশিং পাংথোক্লি অমসুং মীয়াম্না তেক্স থিবদা লাইহল্লে। বিবাদ সে বিশ্বাস এক্ত চৎনহন্দুনা কোর্ততা চৎলগা ৱাকৎপা হন্থহন্নবা ইনকম-তেক্স দিপার্তমেন্তনা ই-গভর্নান্সগী থবকশিং পায়খৎলে অমসুং য়ানদবশিং ৱারি শানদুনা লোইশিন্নবা মাইকৈদা চঙশিল্লি।

তঙাইফদবশিং কোমথোক্তুনা অমসুং লিকুইদিতিগা মরী লৈনবশিং থবক ওইনা পাংথোক্তুনা কোবিদ-১৯ লাইচৎ মনুংদা থেংনবা অৱাবশিং কোকহনবগীদমক শ্রী থাকুরনা দিপার্তমেন্ত অসি থাগৎখি অমসুং লাইচৎ মনুংদা অৱাবা তারবশিং মতেং পাংবগীদমক দিপার্তমেন্তগী ওফিসারশিং থাগৎখি। মীয়াম্না তেক্স হেন্না থিরক্নবা তেক্স লৌবগী থবকশিং ইনকম-তেক্স দিপার্তমেন্তনা হেন্না লাইথোকহনগনি হায়বগী থাজবা শ্রী থাকুরনা থমখি।

ফাইনান্স সেক্রতরি, দোক্তর অজয় ভুসন পান্দেনা ইনকম-তেক্স দিপার্তমেন্তদা মহাক্কী য়াইফ-পাউজেল পীখি। মহাক্না হায়খি তেক্স দিপার্তমেন্ত অমনা নিয়মশিং চৎহন্নবা অমসুং মীয়ামগী থবক পাংথোকপা অনিগী মরক্তা লৈরিবা অরুবা খল অসি কাইহন্দনা থবক তৌগদবনি অমসুং দিপার্তমেন্ত অসিনা তেক্স থিরবশিংগী য়াইফনবা থবক হেন্না পায়খৎলক্লিবা অসি থাগৎনিঙাইনি। ইনকম-তেক্স দিপার্তমেন্তনা মসিগী থবকশিংদা অরোন-অথুপ লৈতনবা অমসুং শক্তি লান্না শীজিন্নদনবা পায়খৎলিবা থবকশিং মহাক্না থাগৎখি অমসুং অনৌবা থবকশিং হায়বদি শক উনদনা এসেসমেন্ত পাংথোকপা, ফোর্ম ২৬এ.এস ফগৎহনবা, প্রি-ফিল্দ রিতর্নশিং অসিগীদমক থাগৎখি। লাক্কদৌরিবা থাশিংদা দিপার্তমেন্ত অসিনা মসিগী থবকশিং মখা তানা ফগৎহনগনি হায়বগী থাজবা মহাক্না থমখি।

আইকর পরিবার অমসুং মখোয়গী ইমুং-মনুংশিংদা য়াইফ-পাউজেল পীরদুনা সি.বি.দি.তিগী চেয়রমেন, পি.সি মোদীনা হায়খি লাইচৎ মনুংদা মখোয়গী মথৌ পাংথোক্নবা হোৎনবদা অৱাবা কয়া ময়োক্নবা খক নত্তনা কোবিদ রেন্সপোন্স তিমশিং শেমদুনা লায়রবশিংদা মেদিকেলগী তেংবাং পীখি অমসুং পুক্নিং-ৱাখল ফনা লৈনবা মতেং পাংখি। ইনকম-তেক্স দিপার্তমেন্তনা মখা তানা তেক্স থিরিবশিংগী থবকশিং ফগৎহন্নবা অমসুং ফজনা অমসুং অরোন-অথুপ লৈতনা থবক পাংথোক্নবা মাইকৈদা চঙশিল্লি।

*********



(Release ID: 1641026) Visitor Counter : 149