ঐচ.আর.দি. মন্ত্রালয়না ঙরাং ‘স্তদী ইন ইন্দিয়া প্রোগ্রাম’গী মখাদা ইহান হানবা ইন্দিয়ন স্কোলাস্তিক এসেসমেন্ত (ইন্দ.-এস.এ.তি.) তেস্ত ২০২০ পাংথোকখ্রে। নেপাল, ইথিওপিয়া, বাঙ্গলাদেশ, ভুতান, উগান্দা, তাঞ্জানিয়া, রৱান্দা, স্রী-লঙ্কা, জাম্বিয়া, ইন্দোনেসিয়া অমসুং মাউরিসসতগী মহৈরোয় লিশিং মঙামুক্না নেস্নেল তেস্তিং এজেন্সীনা ওনলাইন্দা য়েংশিন্দুনা পাংথোকপা পরিখা অদুদা শরুক য়াখি। এম.ঐচ.আর.দি.গী মখাদা লৈবা পি.এস.য়ু. ওইরিবা ই.দি.সি.আই.এল. (ইন্দিয়া) লিমিতেদ অমসুং এস.আই.আই.গী ইমপ্লিমেন্তিং এজেন্সীনা পরিখা অসিগী রেজিস্ত্রেসন তৌবা অমসুং অতোপ্পা হীরমশিং য়েংশিনখি।

ইন্দ.-এস.এ.তি. অসি ভারত্তা মহৈ মশিং তম্বা প্রোগ্রামগী মখাদা খনগৎলবা ভারতকী য়ুনিবর্সিতীশিংদা মীরমদা লৈবা মহৈরোয়শিংনা তম্বা য়ানবা অমসুং স্কোলার্শিপ পীবগী পরিখানি। মসিগী পরিখা অসিনা ভারত্তা তমজগে হায়রক্লিবা মহৈরোয়শিংগী মহৈ হৈবগী থাক ওন্ননবা শেম শাবনি। ইন্দ.-এস.এ.তি. স্কোর অসিনা ভারত্তা মহৈ মশিং তম্বা প্রোগ্রামগী মখাদা অন্দর গ্রেজুএৎ অমসুং পোস্ত গ্রেজুএৎশিংগী মহৈরোয়শিংনা মহৈ তম্নবা স্কোলার্শিপ পীবা য়াই নত্ত্রগা য়াদে হায়বদু লেপকনি।

শেলথুম মন্ত্রীনা মহাক্কী চহীসিগী বজেৎকী ৱা ঙাংবদা ইন্দ.-এস.এ.তি. পরিখা অসি ভারতকী থাক ৱাংবা মহৈ তমফমশঙশিংদা তম্বা অমসুং স্কোলার্শিপ ফংবা মীরমগী মচাশিংগী থাক ওন্নবগীদমক্তা এসিয়া অমসুং অফ্রিকাগী লৈবাকশিংদা পাংথোক্কনি হায়না লাউথোকখিবনি। পরিখা অহানবা হৌদোকপা ওইনা লম ১২দা পাংথোকখি। তুং তারকপদা পরিখা অসি অতোপ্পা মফমশিংদশু পাংথোকপগী থৌরাং লৈরি।

ভারত্তা মহৈ তম্বগী প্রোগ্রাম অসি মীরমগী মচাশিংনা ভারতকী থাক ৱাংবা মহৈ তমফমশঙ ১১৬তা অন্দর গ্রেজুএৎ অমসুং পোস্ত গ্রেজুএৎকী থাক্তা মহৈ তম্বা লাক্নবা এম.ঐচ.আর.দি.গী মখাদা লৈবা প্রোগ্রাম অমনি। মসিগী মহৈরোয় খনবগী থৌওং অসি ক্লাস ১২/স্কুল থাদোকপগী পরিখাদা তারকপা থাক্কী মতুং ইন্না খল্লি। চাউরাক্না অফবা মহৈরোয় ২০০০মুক্তা স্কোলার্শিপ পী অমসুং অতোপ্পা খরদনা ইন্সতিত্যুসনশিংনা ফীদা দিস্কাউন্ত পী। প্রোগ্রাম অসিগী মখাদা মসিগী অহানবা ওইনা ২০১৮-১৯দা চাউরাকপা মহৈরোয় ৭৮০না মিং চনখি। অনিশুবা চহীদা মশিং অসি চাউরাক্না ৩২০০দা হেনগৎখি।

*****