কমর্স অমসুং ইন্দস্ত্রী মন্ত্রালয়

শ্রী পিয়ুশ গোয়লনা লৈবাক পুম্নমক্না মখোয়গী ললোন-ইতিক্তা ত্রান্সপরেন্সী লৈহনবা অমসুং থাজবা থম্বা হেনগৎনবা হায়খ্রে


মন্ত্রীনা অহোংবা মমলশিংদা হীদাকশিং ফংহনবদা লৈরম্বা মখল কয়াগী অপনবশিং লৌথোক্নবা খঙহনখ্রে

দবল্যু.তি.ও.গী অওনবা পুরক্নবা থবক চত্থবদা পুম্নমক য়াওহনবা, চপ মান্নহনবা অমসুং য়ান্নবদা য়ুম্ফম ওইগদবনি

শ্রী গোয়লনা ১০শুবা ব্রিকসকী ললোন ইতিক্কী মিনিস্তরশিংগী ভর্চ্যুএল মীফমদা শরুক য়াখ্রে

Posted On: 23 JUL 2020 8:19PM by PIB Imphal

কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা লৈবাক পুম্নমক্না মখোয়গী ললোন ইতিক্তা ত্রান্সপরেন্সী লৈহনবা অমসুং ললোন ইতিক তৌবদা মাংজিল থারিবা পার্তনর অমা ওইবগী মখোয়গী থৌদাং অদু লৌবদা থাজবা মাংহন্দনবা হায়খি। ১০শুবা ব্রিকসকী ললোন ইতিক্কী মন্ত্রীশিংগী ভর্চ্যুএল মীফমদা ঙসি ৱারোল পীবদা মহাক্না হায় ললোন ইতিক্না মখোয়গী ফগৎলক্নবগী থবক চত্থবদা মখোয়গী থৌদাং লৌনবা পার্তনর পুম্নমক অসি থাজবা য়াবা অমসুং অরোৎপা লৈরোইদবনি। “মালেমগী ললোন ইতিক্কী ইচেলদা য়াওবা ঙম্নবা মালেমগী ওইনা লৈরিবা ললোন ইতিক্কী রুলশিংগা লোয়ননা মখোয়না ঙাক্না চৎপগা লোয়ননা মালেমগী সপ্লাই চেনশিং অমসুং লৈবাকশিংগী সস্তেনেবিলিতী অসি থাজবা অমসুং অরোৎপা থমদবনা লেপকনি। অমগা অমগী মরক্তা থাজবা থম্বা লৈবাকশিং চুংশিন্নরক্তুনা মেন্যুফেকচরিং অমসুং সর্ভিসেসগা মরী লৈনবা মালেমগী সপ্লাই চেনশিংদা ইনবেসমেন্তশিং হেনগৎলক্লি।” হায়না মহাক্না হায়খি।

মন্ত্রীনা হায় হৌজিক ওইরিবা অৱাবা অসিনা মালেমবু খুদোংথিবশিং থোকহল্লি, মসিনা ঐখোয় অমনা অমবু মতেং পাংনবা লম্বীশিং খঙদোক্নবা মীৎয়েং চংলি।  মহাক্না হায় অসিগুম্বা ফীভম অসিদা চাওখৎনবা হোৎনবদা ললোন ইতিক্না ইঞ্জিন অমা ওইরি অমসুং মসি দবল্যু.তি.ও.দা য়ুম্ফম ওইবা অরোৎপা লৈতবা, অচুম্বা তৌবা, ত্রান্সপরেন্সী, ইনক্লুসিবিতী, অমসুং মীচং মখাই নাইদবা ৱাখল্লোনশিং অসি ফগৎনবা হোৎনগনি।

https://static.pib.gov.in/WriteReadData/userfiles/image/image0019JVR.jpg

মন্ত্রীনা ইন্তেলকচুএল প্রোপর্তী ঙাকথোক্নবা দবল্যু.ঐচ.ও.গী রুলশিংদা অহোবা লৈবনা অহোংবা মমলশিংদা হীদাকশিং ফংহন্নবদা লৈরম্বা মখল কয়াগী অপনবা লৌথোক্নবা খঙহনখি। মহাক্না হায় তিকাশিং অমসুং হীদাক লাংথকশিং তোঙান তোঙানবা লৈবাকশিংদগী মতম অমতদা দিমান্দ তৌবা লোয়ননা মথৌ তাবদা খোঙজেল য়াংনা হোংলক্লিবা লায়চৎ অমগী ওইনা তি.আর.আই.পি.এস.গী য়ানা ৱারোলদা য়াওদে। মহাক্না হায় আই.পি.আর.শিংনা অনাবা লায়েংবগী অরুবা হীদাক লাংথকশিং অমসুং মথৌ তাবা দিবাইসশিং পীবদা অথিংবা থম্লোইদবনি।

শ্রী গোয়লনা হায় লায়চৎ অসিনা অমরোমদা ঐখোয়দা খুদোংচাবা কয়া ফংহল্লি- ঐখোয় ইশানা তৌবা ঙম্বশিং অদু পাঙথোকহল্লি, মেন্যুফেকচরিং হেনগৎহনবা লোয়ননা মালেমগী ভল্যু চেন্দা য়াওবা ঙমহল্লি। মন্ত্রীনা হায় মালেমগী ওইনা খ্বাইদগী শোকহল্লবা লৈবাকশিংগী মরক্তা ব্রিকসকী মেম্বরশিং য়াওরি, তুংদা থোক্লক্কদবা খুদোংথিবশিংগীদমক শেম শাবগা লোয়ননা ঐখোয়না হেন্না থৌনা লৈন্না অখাং কনবা মওংদা পুন্না হোৎনসি।

শ্রী গোয়লনা হায় য়ুনিলেতরেল খোঙথাংশিং অমসুং থেংন্নবা খোঙথাংশিং মথং-মথং থেংনরি, নেগোসিএসনশিং তৌগদবা মরু ওইবা মফমদা থিংজিনখিবা অমসুং এপলেৎ বোদীগী মথৌ লেপখিবা য়াওনা ত্রেদিং সিস্তেমগী ওইবা মল্তিলেতরেল রুলশিং অসি অচৌবা খুদোংচাদবশিং থেংনরি। মহাক্না হায় দবল্যু.তি.ও.গী মেম্বর অয়াম্বগী ওইনা মখোয়গী ফন্দমেন্তেল প্রিন্সিপলশিং অমসুং পান্দমশিং ঙাক্তুনা মল্তিলেতরেল ত্রেদিং সিস্তেমগী ক্রেদিবিলিতী ফংবা ঙমগনি। মহাক্না হায় দবল্যু.তি.ও.গী অওনবা পুরক্নবা থবক চত্থবদা হৌজিক মালেমদা থোক্লিবশিং অসি খন্থগদবনি অমসুং মরম অসিনা পুম্নমক্কী ওইনা য়াইফনবা পুম্নমক য়াওহনবা, চপ মান্নবা অমসুং য়ান্নবা অমা ওইহনগদবনি। মহাক্না হায় “দবল্যু.তি.ও.দা লায়চৎ অসি শীজিন্নরগা ললোন ইতিক্কী কান্নবা ফংনবা প্রোপোজেলশিং পুখৎলকপা অসি উবদা নুংঙাইতবা পোকই। মসিনা চাওখৎলবা লৈবাকশিংগী ফর্মশিংগী খৌরাংবা কোকহনবদা মতেং পাংদুনা চাওখৎত্রিবা লৈবাকশিংগী কৈথেলশিংদা চংহল্লগনি অমরোমদনা মসিনা চাওখৎত্রিবা লৈবাকশিংদা মখোয়গী ওইবা মেন্যুফেকচরিং তৌবা ঙম্বশিংদা অপনবশিং পীরকগনি।”

২০২০ অসিনা মরু ওইনা ব্রিকসকী কাংলুপ অসিদা অমদি মল্তিলেতরেলিজমগী ইতিহাস্তা অচৌবা অওনবা অমা পুরক্লগনি হায়না মন্ত্রীনা ফোঙদোক্লদুনা হায় শেন্মীৎলোনগী লমদা চুংশিন্নরিবা পার্তনর অমা হেক্তনা লৈবাক অমগী পাক-চাওবা অমসুং মীশিং, শেন্মীৎলোনগী লৈরিবা মান্নদবা থাকশিং অমসুং হ্যুমেন দিবেলপমেন্ত ইন্দিকেতরশিং, চাওখৎপগী থাক খেৎনবশিং, নাৎ কয়া লৈরিবা অমসুং পোলিতিকেল অমসুং জুদিসিএল সিস্তেমশিংদা চাওনা খেৎনরিবশিং পুম্নমক অসি কাউ ফদে। মহাক্না হায় মীনুংশিং হায় অসিনা মালেমগী থবক থৌরম পুম্নক্তা মরু ওইনা লৌরি অমসুং ভাইরস অসিনা ঐখোয় ইশাদা ফীভম শোক্না শোকহল্লবসু ঐখোয়না তেংবাং নিরক্লিবশিংদা মীনুংশিংগী তেংবাং পীবদা লেপ্পা লৈতে। বারতনা মরু ওইবা হীদাক লাংথকশিং অৱাবা তানফম অসিদা লৈবাক ১৫০রোমদা পীরি। ‘মালেমগী ফার্মাসী’ হায়না খঙনরিবা ঐখোয়না কোবিদ-১৯ লায়েংবদা শীজিন্নরিবা হাইদ্রোক্সীক্লোরোক্যুন অমসুং পেরাসিতমোল অসিগুম্বা হীদাকশিংগী মশিং য়াম্না দিমান্দ তৌরকপদা পীরি।

ভারতনা লায়চৎ অসিনা থোকহল্লিবা খুদোংচাদবশিং য়েংশিনবা অমসুং লাকশিনবদা মপুং ওইনা লৌরিবা থৌদাং অসিগী মতাংদা হায়রদুনা মহাক্না হায় ভারতকী ওইনা মীওইবগী পুন্সি কনবা হায়বা অসিনা খ্বাইদগী মরু ওইনা লৌরি। “মালেমগী মীশিং ১৭%গী য়ুম ওইরবসু ঐখোয়দা কোবিদ-১৯না শোকহল্লবা অনাবগী মশিং ৮% খক ওইরি। ইকাই খুম্নরিবা প্রধান মন্ত্রী নরেন্দ্র মোদীগী লুচিং মখাদা, ঐখোয়না অঙনবা মতমতা খ্বাইদগী অকনবা মওংদা লোকদাউনশিং তৌখি মসিনা মরম ওইরগা কোরোনা ভাইরসকী শন্দোকপগী চেন অসি থদৎখি অমসুং লৈবাক অসি মরোমদোম লেপচবা ঙম্বা কোবিদ ক্যের ফেসিলিতী লিংখৎপা ঙমখি। লৈবাক অতোপ্পশিংগা য়েংনবদা লৈবাক অসিনা শীংথানিংঙাই ওইবা মওংদা হোৎনরি লোয়ননা শিখীবগী চাং খ্বাইদগী নেম্লি অমসুং ফগৎলকপী চাং খ্বাইদগী ৱাংলি।” লায়চৎ অসি থেংনবদা ভারতনা হেল্থক্যের ফেসিলিতীশিং, ইমর্জেন্সী রুমশিং, প্রোতেকতিব ইক্বিপমেন্ত অমসুং মেদিকেল সপ্লাইশিং ফংহনবদা, অমসুং হকশেলগী লমদা লৈরিবশিং ত্রেনিং পীদুনা হেল্থক্যেরগী সেক্তর অসিদা চাওনা ফগৎলকপা ঙমখ্রে। মতম পুম্বদা ঐখোয়গী মীয়ামদা সোসিএল দিস্তেন্সিং ঙাকনা চৎনবা অমসুং মীয়াম তিবা মফমশিংদা ফেস-মাস্কশিং উপনবা সেন্সিতাইজসু তৌরি।

লায়চৎ অসিনা থোকহল্লিবা শেন্মীৎলোনগী খুদোংচাদবশিং অসি হন্থহন্নবা অমসুং শেন্মীৎলোন ফগৎনবা লৌখৎলিবা খৌঙথাংশিংগী মতাংদা শ্রী গোয়লনা হায় প্রধান মন্ত্রীনা অত্মানির্ভার ভারত কৌবা ভারত অসি মরমদোম লেপচবা ঙম্নব ফিসকেল অমসুং মোনিতরীগী খোঙথাংশিং য়াওবা দোলর বিলিয়ন ৩০০রোমগী স্তিমুলস পেকেজ অমা লাউথোকখ্রে। মহাক্না হায় মিসন অসিগী মরু ওইবা শেন্মীৎলোনগী য়ুম্বী মঙা লৈ: ইনফ্রাস্ত্রকচর চাওনা শেমগৎ-শাগৎপা, তেক্নোলোজী, অফবা লৈঙাক ইনবা হীরমশিং, দেমোগ্রাফিক দিবিদেন্দ হেনগৎপা অমসুং দেমান্দ হেনগৎপা।

ব্রিকসনা মথৌ তবা ইনবেসমেন্তগী মতেং পীনবগী মতাংদা শ্রী গোয়লনা হায় মসিগী পান্দমদি পীরিবা অদুগা পুথোক্লিবা ফলশিং চান্নবা অমসুং ফংলিবা লৈবাকশিংদসু কান্নবা পীবা অমসুং খ্বাইদগী মরু ওইনা থবক ফংহনবা অসিনি। মন্ত্রীনা হায় অৱাবা অসিগী মরক্তা ব্রিকস লৈবাকশিংনা শেম শাদুনা লৈগদবনি, অমনা অমগীদমক লেপতুনা মতেং পাংনগদবনি অমসুং ঐখোয়গী লম্বীদা থেংনরিবা খুদোংচাবশিং অসি লৌশিন্দুনা অফবা, অখাং কনবা অমসুং অওনবা ত্রেদিং সিস্তেম অমা শেমগৎতুনা ঐখোয়গী অপুনবগী ওইবা ৱাখল্লোনশিং শেমগৎপা ঙমগনি।

******



(Release ID: 1640862) Visitor Counter : 145