ভারতকী ঙাকশেলদা নত্রগা লৈবাক অসিগী নেস্নেল সেক্যুরিতী য়াওনা হকথেংননা ওইরবসু নত্রগা ওইদ্রবসু মরী লৈনবা হীরমশিংদা ভারতকা ঙমখৈ লোন্নরিবা লৈবাক খরগী বিদরশিংদা অথিংবশিং থম্নবা ভারত সরকারনা জেনরেল ফাইনান্সিএল রুলস ২০১৭ ঙসি এমেন্দ তৌখ্রে। হায়রিবা রুলশিং অদিগী মখাদা দিপার্তমেন্ত ওফ এক্সপেন্দিচরনা ভারতকী ঙাকশেল অমসুং নেস্নেল সেক্যুরিতী কনখৎহন্নবগী পব্লিক প্রোক্যুর্মেন্ত তৌবগী মতাংদা অকুপ্পা ৱারোল য়াওবা ওর্দর অমা থোকখ্রে।

ওর্দর অসিগী মতুং ইন্না ভারতকা ঙমখৈ লোন্নরিবা লৈবাকশিংদগী বিদর অমা হেক্তনা করিগুম্বা মতিক চাবা ওথোরিতীদা রিজিস্তর তৌরবা খক্তদা গুদস অমদি সর্ভিসেস (কন্সল্তেন্সী সর্ভিসেস অমসুং নন-কন্সল্তেন্সী সর্ভিসেস য়াওনা)ওইরবসু অমা হেক্তদা প্রোক্যুর্মেন্তগী বিদ তৌবা য়াগনি। রেজিস্ত্রেসন তৌবগী মতিক চাবা ওথোরিতী অসি দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)না শেম্বা রেজিস্ত্রেসন কম্মিতি ওইগনি। মপাল থৌরম অমসুং হোম পুবা মন্ত্রালয়শিংদগী মথংশিৎনা পোলিতিকেল অমসুং সেক্যুরিতীগী অয়াবা লৌবা তঙাই ফদে।

ওর্দর অসিগী মখাদা পব্লিক সেক্তর বেঙ্কশিং অমসুং শেল-থুমগী ওইবা লোয়শঙশিং, ওতোনোমস বোদীশিং, সেন্ত্রেল পব্লিক সেক্তর ইন্তর্প্রাইজ (সি.পি.এস.ই.শিং) অমসুং সরকারদগী শেলগী তেংবাং ফংলিবা সরকারগা লনাইগা চুংশিন্নবা প্রোজেক্তশিং অমসুং মখোয়না অন্দরতেকিংশিং কোনশিল্লি।

রাজ্য সরকারশিংনসু নেস্নেল সেক্যুরিতী অমসুং ভারতকী ঙাকশেলদা অচৌবা থৌদাং অমা লৌরি। রাজ্য সরকারশিং অমসুং রাজ্যগী অন্দরতেকিংশিং অসিনচিংবনা প্রোক্যুর্মেন্ত তৌবদা ওর্দর অসি ইমপ্লিমেন্ত তৌনবা ভারতকী কন্সিত্যুসনগী আর্তিকল ২৫৭ (১)গী প্রোবিজনশিং হাপচিন্নবা ভারত সরকারনা রাজ্য সরকারশিংগী চীফ সেক্রেতরীশিংদা চেরোল থাখ্রে। রাজ্য সরকারগী প্রোক্যুর্মেন্ত তৌবগী মতিক চাবা ওথোরিতী অসি রাজ্যশিংনা শেমগনি অদুবু পোলিতিকেল অমসুং ঙাকশেলগী অয়াবা লৌবদি অদুমক মথৌ তারি। ারতক==্রোক রুলস ২০১৭

দিসেম্বর ৩১, ২০২০ ফাওবদা মালেমগী ওইরিবা কোবিদ-১৯ লায়চৎ লাকশিন্নবা হীদাক-লাংথক্কী সপ্লাইশিংগী প্রোক্যুর্মেন্ত য়াওনা অককনবা হীরম খরদা কোমথোক্কনি। তোঙানবা ওর্দর অমনা ভারত সরকারগী লাইনস ওফ ক্রেদিৎতা চনবা নত্রগা চাওখৎ থৌরাংগী তেংবাং পীরিবা লৈবাকশিংগী ওইনা মাংজৌননা রেজিস্ত্রেসন তৌবগী মথৌ তাবা অদু কোমথোক্কনি।

অনৌবা প্রোবিজনশিং অসি অনৌবা তেন্দরশিংদা চৎনগনি। মমাংদা চেরোল থাখ্রবা তেন্দরশিংগী ওইনা করিগুম্বা ক্বালিফিকেসনশিংগী ইভল্যুএসনগী অহানবা তাঙ্কক লৌখ্রবা বিদরশিংনা অনৌবা ওর্দর অসিগী মখাদা রেজিস্তর তৌহৌদ্রবদি ক্বালিফাইদ ওইরে হায়না লৌরোই। করিগুম্বা তাঙ্কক অসি লৌখ্রবা, তেন্দরশিং অসি ককথৎকনি অমসুং নৌনা থবক হৌগনি। ওর্দর অসি অতোপ্পা পব্লিক প্রোক্যুর্মেন্তদসু চৎনগনি। মসিদা লনাই সেক্তরগী প্রোক্যুর্মেন্ত তৌবদা চৎনরোই।

মরী লৈনবা ওর্দরশিং মসিদা ফংবীগনি।

এনেকচর ১

এনেকচর ২

***