نئی دہلی،  23 جولائی 2020،          مرکزی وزیر داخلہ جناب امت شاہ نے   آج یہاں کوئلے، کانکنی اور پارلیمانی امور کے مرکزی وزیر  جناب پرلہاد جوشی  کی موجودگی میں  کوئلے کی وزارت کی شجر کاری مہم  ‘‘ورکشا روپن ابھیان’’ کا آغا ز کیا۔ اپنی رہائش گاہ پر  آغاز کی تقریب کے دورا ن مرکزی وزیر داخلہ نے   6 ایکو پارکوں  / سیاحی مقامات  کا افتتاح کیا اور سنگ بنیاد  بھی رکھا۔ شجر کاری کی مہم  ویڈیو کانفرنسنگ کے ذریعہ  10 کوئلے /لگنائٹ والی  ریاستوں کے 38 اضلاع میں پھیلے  130 سے زیادہ مقامات پر  چلائی گئی۔ جناب امت شاہ نے کہ ‘‘میں 10 ریاستوں کے 38 اضلاع میں پھیلے  130 سے زیادہ مقامات پر  6 لاکھ پیڑ لگانے کے لئے کوئلے کی وزارت کو مبارکباد دیتا ہوں ’’۔   

 اس موقع پر خطاب کرتے ہوئے مرکزی وزیر داخلہ نے کہا کہ  آب و ہوا کی تبدیلی نے دنیا پر اثر ڈالا ہے اور  اس بحران کا  صرف ہریالی ہی  واحد حل ہے۔انہوں نے کہا کہ ہماری ثقافت میں اس بات پر زور دیا گیا ہے کہ  کسی کو قدرت کا استحصال نہیں کرنا چاہیے بلکہ  اس کی جگہ قدرت کے ساتھ تعاون کرنا چاہیے۔

جناب امت شاہ نے کہا ‘‘بھارتی وراثت  کا مول منتر یہ ہے کہ  ہمیں اپنے قدرتی وسائل سے فائدہ اٹھانا چاہیے لیکن  ان کا استحصال نہیں کرنا چاہیے۔ ہم نے  اپنی خود کی بربادی کے لئے  اس اصول کو نظر انداز کیا ہے، جس سے  اوزون پرت کو نقصان پہنچا ہے  اور اوزون میں چھید ہورگئے ہیں، جس کے نتیجے میں ہمیں گلوبل وارمنگ اور آب و ہوا کی تبدیلی کا سامنا کرنا پڑ رہا ہے۔اس مسئلے کا صرف ایک ہی حل ہے اور اس کا ذکر  رشیوں پر پرانوں میں کیا ہے کہ  درخت  انسانیت کے دوست ہیں اور  صرف ہریالی ہی ہمیں  اس بحران سے نکال سکتی ہے۔ درخت ہمیں  زندگی کو بچانے والی آکسیجن دیتے ہیں،  کاربن کے اخراج کو کم کرنے میں مدد کرتے ہیں اور  اوزون کی پرت کا بھی تحفظ کرتے ہیں’’۔

مرکزی وزیر داخلہ نے کہا کہ  ‘‘ درختوں کی بہت سے نسلیں ہیں جو  نوع انسانی  کی 100 سے 150 سال تک خدمت کرسکتی ہیں۔  درختوں میں پیپل ایسا ہے جو 100 فیصد آکسیجن دیتا ہے۔ اسی لیے  شری کرشن نے  گیتا  میں کہا ہے کہ  درختوں میں وہ پیپل کا درخت ہیں۔ اس میں انہوں نے  پیپل کے درخت سے اپنا موازنہ کرکے  پیپل کے درخت کی اہمیت میں اضافہ کیا ہے’’۔

جناب امت شاہ نے کہا کہ ہمارے گرنتھوں میں لکھا ہے :

दशकूपसमावापी, दशवापीसमोह्रदः।

दशह्रदसमोपुत्रो, दशपुत्रसमोद्रुमः।।

(یعنی ایک تالاب 10 کنوؤں کے برابر ہوتا ہے۔ ایل جھیل 10 تالابوں کے برابر ہوتی ہے؛ ایک بیٹا   10 جھیلوں کے برابر ہوتا ہے اور ایک درخت زمین کے تحفظ میں  10 بیٹوں سے زیادہ تعاون کرتا ہے)

مرکزی وزیر داخلہ نے کہا کہ آج کائلے کا شعبہ  نہ صرف کوئلے کی بڑھتی ہوئی مانگ کو پورا کرنے کے لئے تیار ہے، بلکہ   ماحولیات کے استحکام  کے بارے میں بھی اتنا ہی حساس ہے۔ انہوں نے کہا کہ  وزیراعظم جناب نریندر مودی کی قیادت میں  حکومت کوئلے کے مختلف خطوں  میں  ماحول کی بازیافت اور  جنگلات  کو فروغ دے رہی ہے۔جناب امت شاہ نے کہا کہ وزیراعظم نے  کانکنی کے علاقوں کی ترقی کے لئے  39000 کروڑ کی رقم کے ساتھ  ڈسٹرکٹ منرل فنڈ  قائم کیا ہے اور 35 ہزار چھوٹے پروجیکٹ مکمل کئے جاچکے ہیں۔ انہوں نے کہاکہ کوئلہ کا شعبہ  بھارتی معیشت کا ایک اہم ستون ہے اور آنے والے وقت میں بھی اس کی اہمیت برقرار رہے گی۔

جناب امت شاہ نے کہا  کہ  وزیراعظم کی قیادت میں ‘کاروبار کرنے میں آسانی’ اور آتم نربھر بھارت کے لئے کوئلے کی وزارت کے ذریعہ متعدد اقدامات کئے گئے ہیں۔ بھارت  کوئلے کی درآمدات  کو کم کرکے زیرو کرنے کی جانب بڑھ رہا ہے۔ حکومت نے  24۔2023 تک کوئلے کی  ایک بلین ٹن  (سالانہ) پیداوار کا شاندار نشانہ رکھا ہے۔

انہوں نے کہا  کہ  ’’کوئلے کے پی ایس یو اور  کیپٹو مائنر نے بھی  کوئلے کی پیداوار میں اضافے کے لئے  اقدامات شروع کئے ہیں جبکہ  2020 سے 2024 تک کی مدت کے دوران  بنیادی ڈھانچے میں سرمایہ کاری کی اسکیم کے تحت  ایک لاکھ 25 ہزار کروڑ روپے کی  سرمایہ کاری کی جارہی ہے، جس کے لئے  534 پروجیکٹ شناخت کئے گئے ہیں’’۔

جناب امت شاہ نے  کہا کہ  آج شروع کی گئی  شجر کاری کی مہم  اس لئے مزید اہم ہوجاتی ہے  کہ یہ لوک مانیہ بال گنگا دھر تلک  اور چندر شیکھر آزاد کا  یوم پیدائش  بھی ہے جنہوں نے  قوم کی خدمت میں اپنی زندگی لگادی تھی۔

انہوں نے کہا ‘‘لوک مانیہ تلک نے  آزادی کے لئے  جو منتر دیا  کہ ‘آزادی میرا پیدائشی حق ہے’ اس سے آج کے نوجوان بھی تحریک حاصل کرتے ہیں۔ بھارت کے  احتیا نو کے پیچھے انہیں کا جذبہ کار فرما ہے۔ آزاد بھارت کے بیٹے تھے جنہوں نے  کبھی سر نہیں جھکایا اور  ان کی قربانی نے بھارت کی آزادی کے لئے بہت سے نوجوانوں کو تحریک دی’’۔جناب امت شاہ نے  کوئلے کی وزارت سے کہا کہ وہ  لوک مانیہ تلک اور  چندر شیکھر آزاد کی یاد میں  ایکو پارکوں اور سیاحتی مقامات کے نام رکھیں۔

کوئلے کی وزارت نے 10 ریاستوں کے 38 اضلاع میں پھیلے  130 سے زیادہ مقامات پر شجر کاری مہم کا  اہتمام کیا۔

۔۔۔۔۔۔۔۔۔۔۔

م ن۔  ا گ۔ن ا۔

U-4104