স্তিল মিনিস্ত্রিনা শীন্দুনা “কোবিদ-১৯ মতমদা থবক শুবা” হায়বা হিরম অসিদা ঙসি পাংথোকখিবা ৱেবিনার অমদা স্তিল, পেত্রোলিয়ম অমসুং নেচরেল গ্যাসকী মিনিস্তর ধর্মেন্দ্র প্রধান্না হায়খি লৈবাক অসিদা অনলোক লাকপদগী মীয়াম অমুক হন্না থবক শুবা হৌরে, ভাইরস অসি মফম খুদিংদা লৈরি হায়বা ঐখোয় খঙগদবনি অমসুং চেকশিন-থৌরাং লৌখৎপা অমসুং পুন্সি অমসুং হিংনবা লম্বীশিং খল চানা থম্বা মরুওই। কোবিদ-১৯ লাইচৎ লাকশিন্নবা হৌখিবা থা খর অসিদা ঐখোয়না চৎন-পথাপশিং শেম্লে অমসুং চৎনরে অমসুং লাইচৎ অসি লাকশিন্নবা মীয়াম থাপ্না লৈনবা, মাক্স উপ্নবা, খুৎ তোইনা হাম্নবা অখঙ-অহৈশিংনা তাক্লিবা অসি মখা তানা ইনবা দরকার ওই।

থৌরম অদুদা স্তিলগী রাজ্য মন্ত্রী ফাগগান সিংহ কুলাস্তেনা হায়খি লাইচৎ অসি লাকশিন্নবা  স্তিল সি.পি.এস.ইশিংনা মরুওইবা থৌদাং লৌখি অমসুং সরকারনা থবক ফজনা পায়খৎপদগী ভারত্তা অনাবা ফগৎলকপগী চাং য়াম্না ৱাংলে অমসুং মীয়ামগী য়াইফনবা সরকারনা ইকোনোমিক পেকেজ লাউথোক্লে অমসুং হকচাং ফনা লৈনবা অফবা পুন্সি মহিং অমা দরকার ওই। মী কুংনা তাবা সহরশিংগী মফমশিংগা চাংদম্নবদা খুঙ্গংশিং অমসুং ত্রাইবেলশিংগী মফমশিংদা লাইচৎ অসিনা য়াম্না শোকহন্দে অমসুং মসি মখোয়গী পুন্সি মহিং , চাকচা-য়ুথক অমসুং মহৌশাগা নকশিন্ননা লৈবা অদুনা ওইহনবনি।

এ.আই.আই.এম.এস দিল্লিগী দিরেক্তর দোক্তর রনদিপ গুলেরিয়ানা হায়খি অমুক থবক শুবা হৌরকপদা লায়না লৌনবা হন্থহন্নবা থবকশিং পায়খৎপা দরকার ওই, মাক্স উপ্পা, মীয়াম থাপ্না লৈবা, খুৎ হাম্বা, ইশা ইরোমদোম চেকশিনবা, শম্নরুবশিং খোঙ্গুল লিবা অমসুং লাইচৎ শন্দোরকপদা হন্থহন্নবা থবক মফমশিং অমুক হন্না শেমদোক-শেমজিন তৌবা দরকার ওই।

অয়ুস মিনিস্ত্রিগী এম.দি.এন.আই.ৱাইগী দিরেক্তর দোক্তর ঈশ্বর ভি বাসারাদিনা মীওই অমগী লায়না ঙাকথোকপা ঙম্বগী শক্তি হেনগৎহন্নবা অমসুং হকচাং ফনা লৈনবা দরকার ওইবা য়োগা পোসচরশিং অমসুং শান্নবগী মওংশিং শন্দোক্না তাকখি।

ৱেবিনার অদুদা স্তিল মিনিস্ত্রি অমসুং মসিগী সি.পি.এস.ইশিংগী ওফিসিএলশিংসু শরুক য়াখি।

****