লৈবাক পুম্বদা কোবিদ-১৯গী লোকদাউন তৌরিঙৈ মনুং অসিদা কেমিকেলস অমসুং ফর্তিলাইজর্স মন্ত্রালয়গী ফর্তিলাইজর্স বিভাগনা লৌমীশিংদা হার য়াম্না য়োনখিবগী রেকোর্দ থমখ্রে।

এপ্রিল-জুন ২০২০গী মনুংদা লৌমীশিংদা য়োনবা হারগী পি.ও.এস. অসি এম.তি. লাখ ১১১.৬১ ওইখি মসি মমাং চহিগী হায়রিবা মতম অসিগী মনুংদা য়োনখিবা এম.তি. লাখ ৬১.০৫তগী ৮২.৮১% হেল্লি।

হায়রিবা মতম অসিগী মনুংদা য়ুরিয়া এম.তি.লাখ ৬৪.৮২ (মমাং চহিদগী ৬৭% হেনগৎনা), দি.এ.পি. এম.তি.লাখ ২২.৪৬ (মমাং চহিদগী ১০০% হেনগৎনা), অমসুং কমপ্লেক্স হার এম.তি.লাখ ২৪.৩২ (মমাং চহিদগী ১২০% হেনগৎনা) লৌমীশিংদা য়োনখি।

লৈবাক পুম্বা থমখিবা কোবিদ-১৯গী লোকদাউন্না মরম ওইরগা চত্থোক চৎশিনদা অথিংবা লৈরবসু মরী লৈনবা ফর্তিলাইজর্স বিভাগ, এম/ও রেলৱেজ, রাজ্য সরকারশিং অমসুং হী থাংফমশিংগা লোয়ননা হোৎন্দুনা লৈবাক অসিদা অপনবা য়াওদনা হার পুথোকখি অমসুং সপ্লাই তৌখি।

কেমিকেলস অমসুং ফর্তিলাইজর্স মন্ত্রালয়না লাক্লিবা খারিফ পন্থাদা লৌমীশিংদা হার ফংহন্নবা পীখিবা থজবা অদুগী মতুং ইন্না পাঙথোকখিবনি।

কেন্দ্রগী কেমিকেলস অমসুং ফর্তিলাইজর্সকী মন্ত্রী শ্রী দি.ভি. সদানন্দ গোরানা হায়, ঐখোয়না খারিফ পন্থা অসিদা লৌমীশিংদা হার ফংহন্নবা স্তোক লৈরিবরা য়েংশিনখি। রাজ্য সরকারদা হারগী স্তোক মরাং কাইনা পীখ্রে। মহাক্না হায় ঐখোয়না রাজ্যগী লৌউ-শিংউ মন্ত্রীশিংগা পাও ফাওনরি। শ্রী গোরানা হায় মহাক্কী মন্ত্রালয় অসিনা মরু হুনবগী মতম ওইদ্রিঙৈদা লৌমীশিংদা হার ফংহন্নবা হোৎনরি।

জুন ৩০দা প্লান্তশিং অমসুং হী থংফমশিংদগী হার রেক ৭৩ হোনখ্রে। মসি নোংমদা খ্বাইদগী য়াম্না হার হোনখিবা ওইরি। রেক অমনা অমুক্তা লোদকী এম.তি. ৩০০০ পুখি।

ভারত সরকারনা ইসেন্সিএল কম্মোদিতিস এক্তকী মখাদা লৈবাক অসিগী ফর্তিলাইজর্স প্লান্তশিং চল্লাইবা য়াহন্দুনা লৌউ-শিংউগী সেক্তর অসিদা লোকদাউনগী মৈশা ফংহনখিদে।

ফর্তিলাইজর্স প্লান্তশিং, রেলৱে স্তেসনশিং অমসুং হী থাংফমশিংদা হার পুথোক পুশিনগী থবক কন্না পাঙথোকপা অসিদা কোবিদ-১৯দগী ঙাকথোক্নবা চেকশিল থৌরাং পুম্নমক লৌখৎখি। শিন্মীশিং অমসুং অতোপ্পা থবক তৌরিবা স্তাফশিংদা মাস্কশিং  অমসুং ঙাকথোক্নবা খুৎলাই পুম্নমক ফংহনখি।