কমর্স অমসুং ইন্দস্ত্রী মন্ত্রালয়
শ্রী পিয়ুশ গোয়ালনা লৈবাক অসিদা কোবিদ-১৯গীদমক মেদিকেল ওক্সিজেন ফংহনগদবা অমসুং য়েনথোক্নবশিংবু অমুক হন্না য়েংশিনখ্রে
মেদিকেল ওক্সিজেন মরাং কায়না ফংলি, অশুংবা, য়েন্থোক্নবা অমসুং থমজিনবা
Posted On:
17 JUL 2020 6:01PM by PIB Imphal
কোবিদ-১৯ লায়চৎকীদমক কর্ম্মস অমসুং ইন্দস্ত্রীগী মন্ত্রী শ্রী পিয়ুশ গোয়ালনা লৈবাক অসিদা মেদিকেল ওক্সিজেন ফংহনগদবা অমসুং য়েনথোক্নবাশিংবু অমুক য়েংশিনখ্রে। দিপার্তমেন্ত ওব ইন্দস্ত্রী এন্দ ইন্তরনেল ত্রেদ (দি.পি.আই.আই.তি.) অমসুং মিনিস্ত্রী ওব হেল্থ অমসুং ফেমিলী ৱেলফ্যারগী ওফিসিএলনা হৌজিক্কী ওইনা মেদিকেল ওক্সিজেন শুংবদা, পুথোক-পুশিন অমসুং য়েন্থোনবগী অৱাবা লৈত্রে হায়না খংহনলকখ্রে। মখোয়না হায় মদুদি ২০২০গী এপ্রিল ফাওবদা থা খুদিংগী মেদিকেল ওক্সিজেন শিজিনবসি নোংমদা মেত্রিক তোন ৯০২নি অদুগা জুলাই ১৫দগী মেত্রিক তোন ১৫১২ য়ৌখ্রে। অদুবু হৌজিক্সু মেত্রিক তোন ১৫০০০ মথক্তা লৈরি।
মেদিকেল ওক্সিজেন অসি মমাং থাগী শিজিন্নবা থম্বা অদুগা খেন্নবা য়েংলুরগদি হৌজিক লৈরিবা পোত্থোক অমসুং য়েন্থোক্নবগীদমক্তদি স্তেত খুদিংমক্তা মরাং কায়না লৈরে। এক্তিব কেস মশীং য়াম্না লৈরিবা স্তেত, মেত্রোস অমসুং দিস্ত্রিক্তশিংগীদমক্তদি স্তোরেজ য়েন্থোক্নবা মরাং কায়না লৈরি। খর মনুং চংশিনবা মফমশিংগীসু মেদিকেল ওক্সিজেন চপ মান্ননা লৈরি। ঙরাংদগী আই.সি.য়ু.দা লৈরিবা য়াওনা ওক্সিজেন শিজিন্নরিবা কোবিদ-১৯ কেসকী পর্সেন্তেজ ৪.৫৮%দা হন্থখ্রে। মেদিকেল ওক্সিজেন থম্বগী চাং অসি ২০২০গী মার্চ ১ ফাওবদা লৈরম্বা মেত্রিক তোন ৫৯৩৮তগী ১০% হেনগৎখ্রে।
সিলিন্দরশিং অমসুং ক্রাইওজেনিক পাত্র মপুং ওইনা শুবশিং গবর্নমেন্ত ই-মার্কেতপ্লেস, মীয়ামগী প্রোক্যুরিমেন্ত পোর্তেলদা মিং চনখ্রে। মেদিকেল ওক্সিজেন জেনেরেতরশিং শাবশিংসু মিং চন্নবা শেম্বা লোইরে। মন্ত্রীনা হায়খি মদুদি খুদক্তা অমসুং হেক হায়রকপগা পীন্নবা মতিক চানা শেম শাদুনা থমগদবনি। মহাক্না তাকখি মদুদি হন্দক চহীগী অকনবা নোং-চীংগী ফিভম্না লম্বী ফাওনবা য়াদ্রবা মফমশিংগী ওইনা ওক্সিজেন ফংহনবদা অখন্নবা চেকশিন থৌরাং লৌগদবনি।
****
(Release ID: 1639733)
Visitor Counter : 165