অনৌবা ফোর্ম ২৬ এ.এস. অসি তেক্সপেয়রশিংনা মখোয়গী ইনকম তেক্স রিতর্নশিং থুনা অমসুং চুম্না ই-ফাইল তৌনবগী শক উত্তনা মতেং পাংলি। এসেসমেন্ত চহি অসিদগী তেক্সপেয়রশিংনা তোঙান তোঙানবা কাংলুপশিংগী স্তেৎমেন্ত ওফ ফাইনান্সিএল ত্রাঞ্জেক্সনশিং (এস.এফ.তি.শিং)দা পীরিবা তেক্সপেয়রগী ফাইনান্সিএল ত্রাঞ্জেক্সনশিংগী অহেনবা ৱারোলশিং য়াওবা শেমদোক্তুনা ফগৎহল্লবা ফোর্ম ২৬ এ.এস. অমা উবা ফংলগনি

অখ্ন্নবা এস.এফ.তি.শিং ফাইল তৌরকপশিংগী ই-পাও অসি হৌজিক্তি ফোর্ম ২৬ এ.এস.গী পার্ত ইদা য়াওরে অসুম্না হায়রিবা অসি তেক্সপেয়রশিংনা নুংঙাইগদবা এনভাইর্নেম্ত অমদা অচুম্বা তেক্স লাইয়েবিলিতী হোত্তোক্তুনা মহাক্কী ইনকম তেক্স রিতর্ন (আই.তি.আর.) ফাইল তৌবদা শীজিন্নবা য়ারগনি। মসিনা তেক্স এদমিনিস্ত্রেসনদা মখা তানা ত্রান্সপরেন্সী অমসুং একাউন্তেবিলিতী পুরকপা ঙম্লগনি।

অতোপ্পা থিখিবা তেক্সশিং, রিফন্দশিং অমসুং তি.দি.এস. দিফোল্তশিংগী ৱারোল য়াওবা অহেনবা ই-পাও কয়া য়াওবগী মথক্তা মমাংগী ফোর্ম ২৬ এ.এস অসিনা পান অমগা মরী লৈনবা সোর্সতা ককখিবা তেক্স অমসুং খোমগৎখিবা তেক্সকী মতাংদা ইপাও পীবদা শীজিন্নরম্মি। অদুবু আই.তি.আর. ফাইল তৌবা মতমদা মখোয়না লায়না হোৎপা য়ানবা মখোয়গী মরু ওইবা ফাইনান্সিএল ত্রাঞ্জেক্সনশিং পুম্নমক নিংশিংহনবা তেক্সপেয়রশিংগী মতেং পাংনবা হৌজিক্তি মসিদা এস.এফ.তি.শিং য়াওরগনি।

সেবিং বেঙ্ক একাউন্তশিংদগী শেল হাপ্পা/লৌথোকপা, লম-শমপতি য়োন্থোকপা/লৈশিনবা, তাইম দিপোজিৎশিং, ক্রেদিৎ কার্দকী পেমেন্তশিং, সিয়রশিং লৈশিনবা, দিবেনচরশিং, ফোরেন করেন্সী, ম্যুচুএল ফন্দশিং, সিয়রশিং অমুক হন্না লৈশীনবা, গুদ অমসুং সর্ভিসকী কেশ পেমেন্ত অসিনচিংবা ইনকম-তেক্স এক্ত, ১৯৬১গী সেক্সন ২৮৫বি.এ.গী মখাদা বেঙ্কশিং, ম্যুচুএল ফন্দশিং, বোন্দশিং অমসুং রেজিস্ত্রারশিং নত্রগা সব-রেজিস্ত্রার অসিনচিংবা পীরিবা ইন্সিতিত্যুৎশিংগী “অখন্নবা মীওইশিং”দগী বিভাগ অসিনা ই-পাওশিং ফংলি হায়না মখা তানা খঙহল্লি।

মসিনা হায়রি মদুদি তোঙান তোঙানবা লমশিং মদুদি ত্রাঞ্জেক্সশিংগী মখল, এস.এফ.তি. ফাইল তৌরিবগী মমিং, ত্রাঞ্জেক্সনগী তাং, সিঙ্গল/জোইন্ত পার্তীগী ত্রাঞ্জেক্সন, পার্তীশিংগী মশিং, শেনফম, পেমেন্ত তৌবগী মওং অমসুং রিমার্কশিং অসিনচিংবা অসি তেক্সপেয়র অমা হেক্তগী ওইনা হৌজিক্কি ফোর্ম ২৬ এ.এস. অসি পার্ত ইদা য়াওরে।

মসিগী মথক্তা, মসিনা পুকচেল শেংবা তেক্সপেয়রশিংদা মখোয়গী রিতর্নশিং ফাইল তৌবা মতমদা অপদেৎ ওইরবা ফাইনান্সিএল ত্রাঞ্জেক্সনশিং পীবদা মতেং পাংগনি অমরোমদা মসিনা রিতর্নশিংগী ফাইনান্সিএল ত্রাঞ্জেক্সনশিং লোৎশিল্লিবা তেক্সপেয়রশিংদদি মতেং পাংলোই। এন্যুএল ইনফোর্মেসন রিতর্নশিং (এ.আই.আর.)গী শেনবা চহি ২০১৫-১৬ ফাওবগী ত্রাঞ্জেক্সনশিংগী ই-পাওসু অনৌবা ফোর্ম ২৬ এ.এস.না ফংহল্লগনি। 

***