শেল-থুম, কোর্পোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না কোবিদ-১৯ লাইচৎকী তাল্লক্তা লৈরিবা মালেমগী শেন্মিৎলোন অমসুং ২০২০গী ওইবা জি. ২০ ফাইনান্স ত্রেক্কী মতাংদা খন্ননবা সৌদী অরাবিয়াগী রাস্ত্রপতিনা লুচিংদুনা শেল-থুম মন্ত্রী অমসুং সেন্ত্রেল বেঙ্ককী গবর্নরশিংগী জি. ২০ (এফ.এম.সি.বি.জি.) মীফমদা শরুক য়াখ্রে।

শেল-থুম মন্ত্রীনা মীফম অদুগী অহানবা তাংকক্তা এপ্রিল ১৫, ২০২০দা শেল-থুম মন্ত্রী অমসুং সেন্ত্রেল বেঙ্ককী গবর্নরশিংগী জি. ২০ (এফ.এম.সি.বি.জি.)না মমাংগী মীফমদা জি. ২০ এক্সন প্লানগী মরমদা ঙাংখি। মসিগী জি. ২০ এক্সন প্লান অসিনা হেলথ রেস্পোন্স, ইকোনোমিক রেস্পোন্স, মপাঙ্গল লৈরবা অমসুং সস্তেনেবল রিকোবরী অমসুং ইন্তর্নেসনেল ফাইনান্স কোওর্দিনেসন্না য়ুম্বী ওইদুনা লাইচৎ অসিগু জি. ২০ মীফম্না লাকশিনবদা শরুক য়ানবা খন্নখি। শ্রীমতি সিতারমন্না হায়রিবা এক্সন প্লান অসি মতমগা চুননবা অমসুং কান্নবা ফংনবা হোৎননবা পুক্নিং চিংশিনখি।

শ্রীমতি সিতারমন্না এক্সন প্লান অসি খুমাং চাউশিন্নবা মহাক্কী ওইবা ৱাখল্লোন অমসুং একজিৎ স্ত্রেতেজীদা কা হেন্না শোকচিল্লক্লিবা ফিবম অসি থেংননবা মালেমগী থাক্তা খুৎশম্নবগী তঙাইফদবা লৈরিবসি থমখি। এক্সন প্লান অসিনা কোবিদ-১৯গী মনুংদা শেন্মিৎলোন অসি করম্না সপ্লাই সাইদ অমসুং দিমান্দ সাইদপু খল চানা থম্লিবগে হায়বদু য়েংবা তঙাইফদে হায়বা ৱাফম থম্লদুনা, ভারতনা মসিগী খল অসিবু হেন্না ফরবা লিক্বিদিতী অমা ফংনবগীদমক ক্রেদিৎ স্কিম, দাইরেক্ত বেনিফিৎ ত্রান্সফর অমসুং ইমপ্লোয়মেন্ত গরেন্তী স্কিমগী মখাদা মান্ননা থম্লি হায়বদু শ্রীমতি সিতারমন্না ফোংদোকখি। শেল-থুম মন্ত্রী অসিনা মরুওইনা শোকচিল্লবা ফিবম ফগৎনবগীদমক ভারতকী মতীক চারবা শেল-থুমগী পেকেজ অমসুং ভারতকী জি.দি.পি.গী চাদা ১০ ওইবা  বিল্লিয়ন দোল্লর ২৯৫গী চাথোকপু পনখি। মসিগী মথক্তা, শ্রীমতি সিতারমন্না এম.এস.এম.ই.শিংগী ওইবা রেতিং এজেন্সীশিং অমসুং পোলিসী ওপসন্দা মখোয়গী দিতেরেন্তকী শাফুনা পীবা ক্রেদিৎ রেতিং দাউনগ্রেৎকী প্রোসালিকেলিতীসু পনখি।

মীফম অদুগী অনীশুবা তাংকক্তা, শ্রীমতি সিতারমন্না অসিগুম্বা দেলিবর তৌবা য়াবা অনীসিগী মতাংদা খন্নখি। অহানবদা, নুপী, নহা, অমসুং এস.এম.ই.শিংদা কান্নবা পীবা হায়বসি সৌদিগী রাস্ত্রপতিগী মখাদা মরুওইবা থৌদাংনি, অমসুং খুদোংচাবশিং অসি ফংহন্নবগীদমক পোলিসী ওপসনগী মিন্যু অমসু মসিগী এজেন্দা অসিগী মখাদা জি. ২০না শেমগৎখ্রে। মিন্যু অসিনা নহা, নুপী, ইনফোর্মেল ওইবা শেন্মিৎলোন, তেক্নোলোজী অমসুং অহলশিংগী স্কিল, অমসুং ফাইনান্সিএল ইনক্লুজন্দা পান্দম থম্বা জি. ২০গী মীহুৎশিংগা মরী লৈনবা পোলিসীশিং পীরি। লাইচৎ অসিনা খ্বাইদগী হেন্না খুদোংচাদবা থোকহল্লিবসি লাইরবশিংদনি হায়রদুনা মসিগী  এজেন্দা অসিদা হৌজিক্তি  শেল-থুম মন্ত্রীনা হেন্না মরুওইরক্লি হায়না শেল থুম মন্ত্রীনা ফোংদোকখি।

অনীশুবদা, ইন্তর্নেসনেল তেক্সেসন এজেন্দাগী মতাংদা পল্লদুনা অমসুং দিজিতেল তেক্সেসনগা মরী লৈননা থোক্লক্লিবা শিংনবশিংবু কোহন্নবগীদমক শ্রীমতি সিতারমন্না এজেন্দা অসিদা চাউখৎপা লাক্লিবশিংগী মতাংদা ফোংদোকখি অমসুং মসিবু এক্সন খরা মথৌ তাই হায়রদুনা কন্সেন্সস্তা য়ুম্ফম ওইবা সোলুসনশিংনা অরাইবা, ইনক্লুসিব ওইবা অমসুং মপাঙ্গল লৈরবা শেন্মিৎলোদা ইথিল পীগদবা এসেস্মেন্ত অমা তঙাইফদে হায়না ফোংদোকখি।

মীফম অসিগী মনুংদা শেল-থুম মন্ত্রীনা ভারত সরকারনা লাইচৎ অসিবু লান্থেংননবা হোৎনবদা দাইরেক্ত বেনিফিৎ ত্রান্সফর, লৌউ-শিংউ অমসুং এম.এস.এম.ই. সেক্তরদা অখন্নবা তেংবাং পীবা, খুঙ্গংদা থবক ফংহন্নবগী খোংথাংশিং অসিনচিংবশিং লৌখৎলিবা পোলিসী মেজরশিং পনখি। ভারতনা হৌখিবাই চহী মঙা অসিদা দোল্লর বিল্লিয়ন ১০ হেন্না মীওই মিল্লিয়ন ৪২০গী বেঙ্ক একাউন্ততা কেস্লেস ত্রাঞ্জেক্সন ওইনবগীদমক তেক্নোলোজীদা য়ুম্ফম ওইহন্দুনা লৈবাক শীনবা থুংনা দিজিতেল পেমেন্ত ইনফ্রাস্ত্রকচর অমা ভারতনা করম্না শেমগৎখিবগে হায়বদুসু শ্রীমতি সিতারমন্না থমখি। মহাক্না মীওই মিল্লিয়ন ৮০০ লোমদা থা নিপানগী ওইনা নবেম্বর ২০২০ ফাওবদা লেপ্পা লৈতনা চানাবা হৱাই চেঙৱাই লেম্না পীখিববুসু পনখি।  

***