ভারত সরকারগী হেভী ইন্দস্ত্রী বিভাগ (দি.ঐচ.আই.)না ভারত্তা তোঙান তোঙানবা সেক্তরশিংগী অনৌবা ৱাখল্লোন, আর এন্দ দি অমসুং পোত্থোক চাউখৎহন্নবা মিসিন অমা হৌখ্রে। মিসন অসিগী খোঙথাং অমা ওইনা অসিগুম্বা তেক্নোলোজী চাউখৎনবা, ই-পাও পীথোক-পীশিন তৌবা অমসুং অনৌবা ৱাখল্লোন হেনগৎনবা তেক্নোলোজী প্লেৎফোর্মগী ই-পোর্তেল শেম্বনি। অখন্নবা সেক্তরশিংগী তোঙান তোঙানবা ওর্গনাইজেসনশিংনা পোর্তেল মঙা দিবেলপ তৌখ্রে মদুদি পাৱর সেক্তর ইক্বিপমেন্তগী বি.ঐচ.ই.এল., মেছিন তুলশিংগী ঐচ.এম.তি., মেন্যফেকচরিং তেক্নোলোজীগী সি.এম.এফ.তি.আই., ওতোমোতিব সেক্তরগী আই.সি.এ.তি.অমসুং এ.আর.এ.আই.নি।

পোর্তেলশিং অসিগী পান্দমদি ৱারোইশিন থিরিবশিং অমসুং ৱারোইশিন পুরক্লিবশিং পুনশিনহনবা ঙম্নবা ইকোসিস্তেম অমা শেম্বনি। মসিদা য়াওরিবা অসি ইন্দস্ত্রী, একাদেমিয়া, রিসর্চ ইন্সতিত্যুৎশিং, স্তার্ত-পশিং, প্রোফেস্নেলশিং অমসুং এক্সপর্তশিংনি। আই.সি.এ.তি.না এস্পাইর – ওতোমোতিব সোলুসন্স পোর্তেল ফোর ইন্দস্ত্রী, রিসর্চ এন্দ ইদুকেসন কৌবা ওতোমোতিব ইন্দস্ত্রীগী তেক্নোলোজীগী প্লেৎফোর্ম অমা শেমখৎলক্লি।

পোর্তেল অসিগী মরু ওইবা পান্দমদি তোঙান তোঙানবা মরী লৈনবা লমশিংগী স্তেকহোল্দরশিং পুনশিন্দুনা ভারতকী ওতোমোতিব ইন্দস্ত্রী অসি অনৌআ ৱাখল্লোন অমসুং মালেমগী ওইবা চাউখৎলক্লিবা তেক্নোলোজী অসিদা মতেং পাংদুনা মরোমদোম লেপচবা ঙমহন্নবা হোৎনরি। থবক থৌরম অসিদা য়াওগদবা অদুদি রিসর্চ অমসুং চাউখৎ থৌরাং, তেক্নোলোজীগী পোত্থোক চাউখৎহনবা, তেক্নোলোজীগী ওইবা ইন্নোবেসনশিং, ইন্দস্ত্রীগী তেক্নিকেল অমসুং ক্বালিতী প্রোব্লেম রিজোলুসন, মেন্যফেকচর তৌবা অমসুং তেক্নোলোজীগী প্রোসেস চাউখৎহনবা, তেক্নোলোজী চাউখৎনবা শীংনবশিং থেংনবা অমসুং কৈথেকগী ফীভমদা রিসর্চ তৌবা অমসুং ভারতকী ওতো ইন্দস্ত্রীদা চৎনরিবা মওংশিং অসি খঙদোক্নবা তেক্নোলোজীগী সর্ভে

পুন্না হোৎন্দুনা ইন্দস্ত্রী অসি তুংলমচত্তা পুশিন্নবা মথৌ তাবা পাঙ্গল অদু পীনবা ই-পোর্তেল অসিনা পুম্নমক্কী ৱারোইশিন ফংহন্নবা তেক্নোলোজীগী ফমপাক অমা পীবগী মথৌ তৌদুনা ভারতকী ওতো ইন্দস্ত্রীদগী তোঙান তোঙানবা স্তেকহোল্দরশিং পুনশিন্নবদা মতেং পাংবা ঙমগনি। মসিদা য়াওরিবা অসি ওতোমোতিব ও.ই.এম.শিং, তাইয়র ১ তাইয়র ২ অমসুং তাইয়র ৩ কম্পনীশিং, আর এন্দ দি ইন্সতিত্যুৎশিং অমসুং একাদমিয়া (কোলেজশিং অমসুং য়ুনিভর্সিতীশিং) অসি তেক্নোলোজীগী চাউখৎ থৌরাংগী হীরমশিংদা পুনশিন্নবা অসিনি।

সোলুসন অমসুং রিসোর্স ফমপাক অমা ওইনা মথৌ তৌবগী মথক্তা, পোর্তেল অসিনা ইন্দস্ত্রীগী মথৌ তারকপগা লোয়ননা অচৌবা শীংনবশিং পুথোক্তুবা মতন মতমগী মতুং ইন্না খঙদোক্তুনা মরু ওইবা ওতোমোতিব তেক্নোলোজীশিং চাউখৎহনগনি।

এস্পাইর পোর্তেল অসি আই.সি.এ.তি.না শাবনি অমসুং জুলাই ১৫, ২০২০দা ফেস- I ওইনা অহানবা ভর্জন থাদোকখ্রে। https://aspire.icat.inগী খুত্থাংদা পোর্তেল অসিদা চংবা য়াগনি। অহানবা ফেস অসিনা য়ুজরশিং অমসুং এক্সপর্তশিং মথৌ পাঙথোক্নবা পোর্তেল অসিনা কন্নেক তৌগনি। ওগস্ত ১৫, ২০২০দা থাদোরকপা য়াই হায়না পান্নরিবা ফেস II অসিদা থমখ্রিবা খুদোংচাদবশিং অমসুং ইন্দস্ত্রীগী সমস্যাশিংগী প্রোজেক্তশিং পায়খৎনবা অখন্নবা খুদোংচাদবশিংগী দোমেন হাপকৎপা, তীম শেম্বা অমসুং পান্দমশিং য়াত্থোকপা য়াওগনি। সেপ্তেম্বর ১৫, ২০২০ ফাওবদা পোর্তেল অসিনা অচৌবা শীংনবশিং পুথোকপগা লোয়ননা মপুং ফানা মথৌ তৌরগনি অমসুং মচা খায়বা রিসোর্স দেতাবেস অঞসুং প্রোজেক্ত য়েংশিনবা অমসুং পায়খৎপা হৌরগনি।

হায়রিবা খোঙথাংশিং অসিনা ভারতকী ওতোমোতিব ইন্দস্ত্রী অসি মপাঙ্গল কনখৎনবা অমসুং মরোমদোম লেপচবা ঙম্নবা শেমগৎপনি মসি ভারত সরকারগী মেক ইন ইন্দিয়া অমসুং অত্মা-নির্ভরগী ৱাখল্লোনগা লোয়ননা চৎলি।

***