রোদ ত্রান্সপোর্ত অমসুং হাইৱেজ অমদি এম.এস.এম.গী কেন্দ্র মন্ত্রী শ্রী নীতিন গদকরীনা ঙসি ভিদিও কনফরেন্সকী থোংদা উত্তরাখন্দগী রাজ্যদা চারধাম রোদ প্রোজেক য়েংশিনখ্রে। এনভাইরোনমেন্ত, ফোরেস্ত অমসুং ক্লাইমেৎ চেঞ্জ, ইনফোর্মেসন অমসুং ব্রোদকাস্তিং অমসুং হেভি ইন্দস্ত্রীজ অমসুং পব্লিক ইন্তর্প্রাইজেজগী কেন্দ্র মন্ত্রীনা শ্রী প্রকাশ জাবেদকর, উত্তরাখন্দগী মুখ্য মন্ত্রী শ্রী ত্রিবেন্দ্র সিংহ রাৱত, রোদ ত্রান্সপোর্ত অমসুং হাইৱেজগী কেন্দ্র মন্ত্রী রিতায়র্দ ভি.কে. সিংহ অমদি এনভাইরোন্মেন্ত অমসুং ফোরেস্তকী রাজ্য মন্ত্রীশিং অমসুং , পি.দব্লয়ু.দি.গী মীওইশিংনা মীফম অদুদা শরুক য়াখি। রোদ ত্রান্সপোর্ত অমসুং হাইৱেজ, এনভাইরোন্মেন্ত অমসুং ফোরেস্ত, দি.জি. রোদস(এম.ও.আর.তি.ঐচ.), দি.জি.(বি.আর.ও.) অমসুং মন্ত্রালয় অসিগা লোয়ন-লোয়ননা রাজ্য সরকারগী মকোক থোংবা ওফিসিএলশিং য়াওখি। 

রোদ ত্রান্সপোর্ত অমসুং হাইৱেজ অমদি এম.এস.এম.গী কেন্দ্র মন্ত্রী শ্রী নীতিন গদকরীনা ঙসি ভিদিও কনফরেন্সকী থোংদা উত্তরাখন্দগী রাজ্যদা চারধাম রোদ প্রোজেক য়েংশিনখ্রে।

শ্রী গদকরীনা পন্দুনা লৈবা ৱাফম খুদিংমক থুনা শীন্নবা অমসুং লম লৌশিনবগী থবক মপুং ফানা পাংথোক্নবা হায়খ্রে। প্রোজেক অসি লৈবাক অসিগী ওইনা য়াম্না মরুওইবনি অমসুং মসি মরি লৈনবশিংদা মীৎয়েং অসিদা থবক পাংথোক্নবদা হেন্না লুম্না হায়খি। মহাক্না উত্তরাখন্দগী মুখ্য মন্ত্রীদা রাজ্য সরকারগী থাক্কী পন্দুনা লৈরিবা ৱাফমশিং মরুওইনা অকোয়বগী ফীভম, লম লৌশিনবনচিংবগী ৱাফমশিং মশামক্না য়েংশিন্নবা হায়জখি অমসুং হকচিন্না য়েংশিন্ননবা হায়খি অমসুং মখা তানা থেংথহন্দনবা চেকশিন ৱাফম থমখি। 

থৌরম অসিদা ৱা ঙাংলদুনা এনভাইরোন্মেন্তকী কেন্দ্র মন্ত্রী শ্রী জাবেদকরনা রোদ ত্রান্সপোর্ত অমসুং হাইৱেজগী মন্ত্রালয়দগী অৱাংবা থাক্তা শক্তি লৈরবা কমিতী অসিনা হায়রকপা ৱাফমশিংগী য়ুম্ফমদা প্রোজেক অসিগী থবকশিং মপুং ফানা পাংথোক্নবা অকনবা ৱাফম থমখি। এনভাইরোন্মেন্তকী মন্ত্রীনা মখা তানা প্রোজেক অসি থুনা য়াংনা লোইশিন্নবগীদমক্তা মন্ত্রালয়না মথৌ তাবা তেংবাংশিং ফংহন্নবগী অচেৎপা ৱাফম থমখি।

শ্রী জাবেদকরনা উত্তরাখন্দগী সরকারনা শেম-শাখিবা অমসুং জল শক্তি মন্ত্রালয়না জুলাই ১৬, ২০২০দা অয়াবা পীখিবা  ভগিরথী ইকো-সেন্সিতিব জোনগী ওইরিবা জোনেল মস্তর প্লান(জেৎ.এম.পি.)গী মতাংদা পাওদমখি।

জেৎ.এম.পি. অসি ৱাতরশেদতা য়ুম্ফম ওইবা থৌরাংনি অমসুং উমং অমসুং ৱাইললাইফ, ৱাতরশেদ মেনেজমেন্ত, ইথৈ-লৌখোং, ইনর্জী, তুরিজম, পব্লিক হেল্থ অমসুং সেনিতেসন, লম্বিগী ইনফ্রাস্ত্রকচরনচিংবগী লমশিং ঙাক-শেনবগী ৱাফমশিংদা য়ুম্ফম ওইবনি।

এনভাইরোনমেন্ত, ফোরেস্ত অমসুং ক্লাইমেৎ চেঞ্জ, ইনফোর্মেসন অমসুং ব্রোদকাস্তিং অমসুং হেভি ইন্দস্ত্রীজ অমসুং পব্লিক ইন্তর্প্রাইজেজগী কেন্দ্র মন্ত্রীনা শ্রী প্রকাশ জাবেদকরনা ঙসি ভিদিও কনফরেন্সকী থোংদা উত্তরাখন্দগী রাজ্যদা চারধাম রোদ প্রোজেক য়েংশিনবগী মীফমদা ৱাফম থম্বা 

এনভাইরোন্মেন্ত, ফোরেস্ত অমসুং ক্লাইমেৎ চেঞ্জগী সেক্রতরীনা রোদ ত্রান্সপোর্ত অমসুং রাজ্য সরকারগী বিভাগশিংগী ওফিসিএলশিংগা লোয়ননা অকোইবগী ফীভম অমসুং উমংগা শেংদোকপগা মরি লৈনবা পন্দুনা লৈরিবা ৱাফমশিং য়েংশিল্লগনি হায়না মখা তানা ফোংদোকখি।  

উত্তরাখন্দগী মুখ্য মন্ত্রীনা থুনা য়াংনা লম লৌশিনবগী ৱাফমশিং য়াওনা রাজ্য সরকারগী থাক্কী পন্দুনা লৈরিবা ৱাফমশিং মশামক্না য়েংশিনগনি হায়বগী থাজবা পীখি। মহাক্না শ্রী গদকরীদা উত্তরাখন্দগী কালেনগী কোনুং ওইরিবা গৈরসৈনগা শম্নবা এন.ঐচ.গীদমক্তা রাজ্য সরকারনা থবক পাংথোক্নবগীদমক্তা থমখিবা ৱাফম অদু খন্নবিনবা হায়জখি। মহাক্না দি.পি.আর. অসি মসিগা মান্নবা মওংদা শেমখিবনি হায়না ফোংদোকখি। শ্রী গদকরীনা হায়রিবা ৱাফম অসি মহাক্কী ওফিসতা হেক য়ৌরকপগা থুনা খন্নগনি হায়না থাজবা পীখি।

চারধান প্রোজেক অসি উত্তরাখন্দ রাজ্যদা চারধামগী খোংচৎ অসিগী থৌগল তৌজফম ওইরিবা য়মনোত্রী, গঙ্গোত্রী, বদ্রিনাথ অমসুং কেদারনাথ অসিগা শম্ননবা ৱাফম্নি। ওল ৱেদর চারধামগী লম্বি অসি কি.মি. ৮২৬ শাংবা প্রোজেকশিংদা লুপা কোতী ১২০০০ ইনভেস্তমেন্ত য়াওরি।

****