ਭਾਰਤ ਸਰਕਾਰ ਦਾ ਖਾਦ ਵਿਭਾਗ ਦੇਸ਼ ਵਿੱਚ ਸਾਰੇ ਰਾਜਾਂ ਨੂੰ ਬਿਜਾਈ ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਅਨੁਮਾਨਿਤ ਜ਼ਰੂਰਤ ਦੇ ਅਨੁਸਾਰ ਖਾਦਾਂ ਦੀ ਸਮੇਂ ਸਿਰ ਅਤੇ ਉਚਿਤ ਸਪਲਾਈ ਸੁਨਿਸ਼ਚਿਤ ਕਰਨ ਦਾ ਵਿਸ਼ਵਾਸ ਦਿੰਦਾ ਹੈ।

ਮਹਾਰਾਸ਼ਟਰ ਲਈ ਪੂਰੇ ਖਰੀਫ ਸੀਜ਼ਨ (1 ਅਪ੍ਰੈਲ ਤੋਂ ਸਤੰਬਰ 20) ਲਈ 15 ਲੱਖ ਮੀਟ੍ਰਿਕ ਟਨ ਦੀ ਜ਼ਰੂਰਤ ਦਾ ਅਨੁਮਾਨ ਲਗਾਇਆ ਗਿਆ ਸੀ। ਸਪਲਾਇਰਾਂ ਨੂੰ ਸਹਿਮਤ ਸਪਲਾਈ ਯੋਜਨਾ ਦੇ ਅਨੁਰੂਪ ਸਖ਼ਤੀਪੂਰਵਕ ਸਪਲਾਈ ਸੁਨਿਸ਼ਚਿਤ ਕਰਨ ਦੀ ਸਲਾਹ ਦਿੱਤੀ ਗਈ ਹੈ ਅਤੇ ਖਾਦ ਵਿਭਾਗ ਦੁਆਰਾ ਰੋਜ਼ਾਨਾ ਦੇ ਅਧਾਰ ’ਤੇ ਇਸ ਦੀ ਨੇੜਿਓਂ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਜ਼ਰੂਰਤ ਵਿੱਚ ਕੋਈ ਵੀ ਉਛਾਲ ਆਉਣ ਦੀ ਸਥਿਤੀ ਵਿੱਚ ਵਿਭਾਗ ਉਚਿਤ ਤਰੀਕੇ ਨਾਲ ਦਖਲ ਕਰੇਗਾ।

1 ਅਪ੍ਰੈਲ ਤੋਂ 16 ਜੁਲਾਈ ਤੱਕ 8.83 ਲੱਖ ਮੀਟ੍ਰਿਕ ਟਨ ਦੀ ਜ਼ਰੂਰਤ ਸੀ। ਇਸ ਦੇ ਮੁਕਾਬਲੇ 4.02 ਲੱਖ ਮੀਟ੍ਰਿਕ ਟਨ ਦੇ ਓਪਨਿੰਗ ਸਟਾਕ ਸਹਿਤ 11.96 ਲੱਖ ਮੀਟ੍ਰਿਕ ਟਨ ਉਪਲੱਬਧ ਕਰਵਾਇਆ ਗਿਆ ਹੈ।

ਇਸ ਸਮੇਂ ਦੌਰਾਨ, ਯੂਰੀਆ ਦੀ ਡੀਬੀਟੀ ਵਿਕਰੀ 9.57 ਲੱਖ ਮੀਟ੍ਰਿਕ ਟਨ ਦੀ ਰਹੀ ਹੈ। ਪਿਛਲੇ ਸਾਲ ਦੀ ਇਸ ਮਿਆਦ ਦੇ ਦੌਰਾਨ, ਯੂਰੀਆ ਦੀ ਡੀਬੀਟੀ ਵਿਕਰੀ 4.70 ਲੱਖ ਮੀਟ੍ਰਿਕ ਟਨ ਦੀ ਰਹੀ ਸੀ। ਇਸ ਸੀਜ਼ਨ ਵਿੱਚ ਬੇਮਿਸਾਲ ਹਾਇਅਰ ਸਕੇਲ ਦੇ ਬਾਵਜੂਦ ਯੂਰੀਆ ਦੀ ਉਪਲੱਬਧਤਾ ਅਰਾਮਦਾਇਕ ਬਣੀ ਹੋਈ ਹੈ।

ਵਰਤਮਾਨ ਵਿੱਚ ਜਾਰੀ ਜੁਲਾਈ ਮਹੀਨੇ ਦੇ ਦੌਰਾਨ, 3.15 ਲੱਖ ਮੀਟ੍ਰਿਕ ਟਨ ਦੀ ਅਨੁਮਾਨਿਤ ਜ਼ਰੂਰਤ ਦੇ ਮੁਕਾਬਲੇ, ਖਾਦ ਵਿਭਾਗ ਨੇ 4.34 ਲੱਖ ਮੀਟ੍ਰਿਕ ਟਨ (2.70 ਲੱਖ ਮੀਟ੍ਰਿਕ ਟਨ ਦੇ ਓਪਨਿੰਗ ਸਟਾਕ ਸਹਿਤ) ਦੀ ਉਪਲੱਬਧਤਾ ਸੁਨਿਸ਼ਚਿਤ ਕੀਤੀ ਹੈ। 16.07.2020 ਨੂੰ 2.38 ਲੱਖ ਮੀਟ੍ਰਿਕ ਟਨ ਦਾ ਕਲੋਜ਼ਿੰਗ ਸਟਾਕ ਵਰਤਮਾਨ ਮਹੀਨੇ ਦੀ ਬਾਕੀ ਜ਼ਰੂਰਤ ਦੀ ਸਪਲਾਈ ਕਰਨ ਲਈ ਕਾਫੀ ਹੈ ਜੋ 1.52 ਲੱਖ ਮੀਟ੍ਰਿਕ ਟਨ ਅਨੁਮਾਨਿਤ ਹੈ। ਇਸ ਦੇ ਇਲਾਵਾ, ਯੂਰੀਆ ਸਪਲਾਈ ਸਹਿਮਤ ਸਪਲਾਈ ਯੋਜਨਾ ਦੇ ਅਨੁਰੂਪ ਜਾਰੀ ਹੈ।

********

ਆਰਸੀਜੇ/ਆਰਕੇਐੱਮ