দিবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্যগী মন্ত্রী (ইন্দিপেন্দেন্ত চার্জ), এম.ও.এস. পি.এম.ও., পর্সনেল, পব্লিক গ্রিভান্সেস, পেন্সনস, এতোমিক ইনর্জী এন্দ স্পেস, দা. জিতেন্দ্র সিংহনা ঙসি ইন্দিয়ন ইন্সতিত্যুৎ ওফ মেনেজমেন্ত, জম্মুগী এম.বি.এ.গী ৫শুবা বেচ অমসুং পিঐচ.দি. প্রোগ্রামগী অহানবা বেচকী নুমিৎ মঙানিগী ওইবা ওরিয়েন্তেসন প্রোগ্রাম অমগী ইন্তর্নেৎকী থোংদা হৌদোকখ্রে। ওরিয়েন্তসন প্রোগ্রাম অদু ইন্তর্নেৎকী থোংদা হৌদোকপদা দা. জিতেন্দ্রনা হায়খি আই.আই.এম., জম্মু অসি প্রধান মন্ত্রী শ্রী নরেন্দ্র মোদীনা লুচিংবা সরকারগী জম্মু অমসুং কাশমিরগী মহৈ-মশিংগী লমগী অচৌবা মায় পাকপা অমনি।

হৌখিবা চহি তরুক অসিদা জম্মু মথন্তদা পুরকখিবা চাউখৎ থৌরাং মরু ওইনা মহৈ মশিংগী ওইবদা ফগৎহনবা অসিগী মতাংদা দা. জিতেন্দ্রা সিংহনা হায় ইন্দিয়ন ইন্সতিত্যুৎ ওফ মেনেজমেন্ত, ইন্দিয়ন ইন্সতিত্যুৎ ওফ তেক্নোলোজী, ইন্দিয়ন ইন্সতিত্যুৎ ওফ মাস কম্ম্যুনিকেসন, এমস লিংখৎপগা লোয়ননা ইন্দিয়ন ইন্সতিত্যুৎ ওফ ইন্তিগ্রেতিব মেদিসিন চাওখৎহনবা, বদেরৱহদা হাংগদৌরিবা ইন্দিয়ন ইন্সতিত্যুৎ ওফ হাই অল্তিত্যুদ মেদিসিন, কথুৱাগী ইন্দস্ত্রিএল বাইওতেক পার্ক মসিগী মথক্তা কেন্দ্রনা চল্লাইবা গোভর্মেন্ত মেদিকেল কোলেজ ৪, রুসানা চল্লাইবা ইঞ্জিনীয়রিং কোলেকশিং, অয়ুর্বেদিক কোলেজ অমা অমসুং জম্মুগী প্রোবিন্সতা হাংগদৌরিবা হোমিওপেথিক  কোলেজগুম্বা অৱাং থংবা ভারত্তা লিংখৎপগা লোয়ননা জম্মু অসি মহৈ মশিংগী ওইবা হব অমা ওইবা ঙমলে।

দা. জিতেন্দ্র সিংহনা মখা তারদুনা হায় ওগস্ত ৫, ২০১৯গী মতুংদগী ওইরকখিবা ইতিহাসিক ওইবা কন্সতিত্যুস্নেলগী ওইবা অহোংবশিংগা লোয়ননা একাদেমিক্কী চাউখৎ থৌরাংদা লৈরম্বা অপনবশিংনা লৌথোকখিবগা লোয়ননা মমাংদা লৈরম্বা চিংনবশিং অদু দোমিসাইল লো অসি হৌজিক চৎনবগা লোয়ননা ভারতকী মফম খুদিংমক্তগী তোঙান তোঙানবা লমশিংদগী খ্বাইদগী ফবা ফেকল্তীশিংনা জে. অমসুং কে.দা লাক্নবা শেম শাদুনা লৈরে। দোনিসাইল লো অসিগী খ্বাইদগী চাওবা ফল অসি জম্মুগী হৌগৎলক্লিবা অনৌবা ইন্সতিত্যুসনশিংদা একাদেমিক ফেকল্তীশিং ফগৎলকপা অসিনা ওইগনি হায়না দা. জিতেন্দ্র সিংহনা ফোঙদোকখি।

দা. জিতেন্দ্র সিংহনা হায়খী এমস, আই.আই.এম., আই.আই.তি. অমসুং অতোপ্পা ইন্সতিত্যুৎশিং অসি জম্মুদা মতাং চাবা লিংখৎখি মরমদি মফম অসি হৌজিক অচৌবা ইনবেসমেন্তশিংগী হৌনবা থোং হাংলি অমসুং হৌনবগীদমক য়ুনিয়ন তেরিতরী সরকার অসিনা লুপা কোতি ২৫,০০০গা লোয়ননা আউৎরিচ প্রোগ্রাম অমা হৌদুনা অনৌবা ইন্দস্ত্রিএল হবশিং অমসুং উধমপুরগুম্বা অপিকপা জিলাদা ইন্দস্ত্রিএল ইস্তেৎশিং লিংখৎনবা লম্বী অমা য়াৎলি

হৌদোকপা অসিদা ৱা ঙাংলদুনা দা. সিংহনা হায় ভারত অসি মালেমগী ওইবা মেন্যুফেকচরিং অমসুং আই.তি. হব ওইবা ঙম্লক্কদৌরে অমসুং ঐখোয়গী স্পেস বিভাগকী রিসর্চকী ফলশিং অমসুং রিসর্চতগী ফংলকপশিং অসি য়ু.এস.কী নাসাগুম্বা মালেমগী ওইবা মাংজিল থারিবা ইন্সতিত্যুৎশিংনা প্রোক্যুর তৌরি লোয়ননা মসিনা লৈবাক অসিদা হান্নদগী থাজবা থম্লিবা অমসুং মীকোক থোংদুনা লাক্লি হায়বা উৎলি।           

ইস্রোনা অথুবদা অমসুং কোবিদ-১৯ মতুংগী চহিচা অসিদা হ্যুমেন স্পেসফ্লাইৎ মিসন গগনয়ান পাঙথোক্কদৌরি অমসুং শেন্মীৎলোনগী মতাংদসু ভারতনা মসিগা মান্নবা মওংদা অমুক হন্না ফগৎলকপা ঙমগনি।

মহাক্কী প্রসিদেন্তকী ৱারোলদা দা. মিলিন্দ কামব্লে, চিয়র্মেন বি.ও.জি., আই.আই.এম. জম্মুনা একাদেমিক এক্সিলেন্স, রিসর্স, এক্সক্লুসিব ইদুকেসন অমসুং কোর্পোরেতাইজ তৌরবা মালেমগী ওইবা মরীশিংনা মরম ওইদুনা অসিগুম্বা অতেনবা মতম অমদা আই.আই.এম. জম্মু অসি থুনা ফগৎলকপা অমসুং ফীদমনিংঙাই ওইবা মীংচৎ অমা পুরকপসি অপেনবা পোকই হায়না ফোঙদোকখি। 

মমাংদা ইন্তর্নেৎকী থোংদা হৌদোকপা অদুদা প্রোফেসর বি.এস. সাহায়, দিরেক্তর আই.আই.এম.,জম্মুনা মহাক্কী থৌরম হৌদোকপগী ৱারোলদা ঐখোয়গী মীৎয়েং অসি মালেমগী থাক্তা থবক তৌবা ঙম্বা অমসুং খুনাইদা কান্নবা পীগদবা লুচিংবাশিং অমসুং ওন্তপ্রিনোরশিং পুথোকপনি অমসুং ঐখোয়গী পান্দমদি আই.আই.এম. জম্মু অসি জাতি অমসুং লমদম অদোমগী ওইবদা মীৎয়েং থম্বগা লোয়ননা মালেমগী থাক্তা পুখৎতুনা ভারতকী খ্বাইদগী ফবা বিজিনেসকী স্কুল অমা ওইহনবনি হায়না মহাক্না থমখি।

***