মালেম থাক্কী দিজাইনগী মহৈ-মশিং ফংহন্নবা ভারত সরকারগী কমর্স অমসুং ইন্দস্ত্রী মিনিস্ত্রীগী প্রোমোসন ওফ ইন্দস্ত্রী এন্দ ইন্তরনেল ত্রেদ দিপার্তমেন্তনা ভারত্তা নেস্নেল ইন্সতিতুৎ ওফ দিজাইন মঙা লিংখৎলে। এন.আই.দি. অহমেদবাদ (অহমদেবাদ, গান্ধীনগর অমসুং বেঙ্গালুরুদা কেম্পসশিং লৈবা) ১৯৬১দা লিংখৎখি, অনৌবা এন.আই.দি. মরি হায়বদি এন.আই.দি .অন্ধ্র প্রদেশ, এন.আই.দি. হরিয়ানা, এন.আই.দি. অসম অমসুং এন.আই.দি. মৈধ্য প্রদেশ হৌখিবা চহি মঙাদা লিংখৎখি। সংসদকী এক্তনা হায়রিবা ইন্সতিতুৎশিং অসি লৈবাক্কী মরুওইবা ইন্সতিতুৎশিংনি হায়না লাউথোকখি। এন.আই.দিগী গ্রেজুয়েতশিং হিরম কয়াদা ভারত্তা থবক তৌরি অমসুং কয়া অমনা ভারতকী ৱাংমদা তোঙান-তোঙানবা লৈবাকশিংদা থবক তৌরি।

জর্মনীদা মপান লৈবাকশিংগী দিগ্রিশিং য়েংশিন্নবা খ্বাইদগী চাউবা ওথোরিতি ওইনা সেন্ত্রেল ওফিস ফোর ফোরেন ইজুকেসন(জেৎ এ বি) হাংদোক্লে। মখোয়না এনাবিন কৌবা দেতাবেজ অমা শেমদুনা মদুদা জর্মনগী দিপ্লোমাশিং অমসুং দিগ্রিশিংগা মরি লৈনবা মপান লৈবাকশিংগী দিগ্রিশিং অমসুং  অৱাংবা থাক্কী ক্বালিফিকেসনশিংগী লিস্ত অমা থম্লি।

জর্মন ৱার্ক ভিসা, জোব সিকর ভিসা নৎত্রগা জর্মন ব্লু ভিসা লৌনবগীদমক তঙাইফদনা মপান লৈবাকশিংগী য়ুনিভর্সিতি থাক্কী ক্বালিফিকেসনশিং অসি জর্মনীনা মশক খঙবা দরকার ওই। মাইপাক্না ভিসা লৌবা অসি মপান লৈবাকশিংগী য়ুনিভর্সিতি থাক্কী ক্বালিফিকেসনশিং অসি জর্মনীগী ক্বালিফিকেসনগা মান্নৈ হায়না খুদম পীবগী মখা য়াম্না পোল্লি। চহি ৩/৪গী বেচেলরস দিগ্রি অমা জর্মনীনা  মশক খঙবা দরকার ওই।

২০১৫দা এনাবিন লিস্ততা এন.আই.দি অহমেদবাদ য়াওখি অমসুং অতোপ্পা অনৌবা এন.আই.দিশিং হন্দক মসিগী দেতাবেজ অসিদা হাপচিনখ্রে। হৌজিক এন.আই.দিশিং মসিগী লিস্ত অসিদা য়াওবদগী মসিগী মহৈরোয়শিংনা মখোয়গী দিগ্রিশিং অদুগা মরী লৈনবা হিরমশিংদা জর্মনীদা থবক তৌনবা এপ্লাই তৌবা য়ারগনি।

***