কেন্দ্রগী গৃহ মন্ত্রালয়গী রাজ্য মন্ত্রী শ্রী নিত্যনন্দ রাইনা ঙসি লুচিংদুনা নেস্নেল ইন্সতিত্যুত ওফ দিজেজতর মেনেজমেন্ত (এন.আই.দি.এম.)না ইন্দিয়া মেতেওরোলোজিকেল বিভাগকা খুৎশম্নদুনা শিনবা “অখাক অরাও তৌবা অমসুং ব্রজ তাবা”গী মতাংদা ৱেবিনার হৌদোকপগী থৌরম অমা অমা পাংথোকখ্রে। নোঙমগী ওইবা ৱেবিনার অসিনা অখাক অরাও অমসুং ব্রজ তাবগী খুদোংচাদবশিংগী মরমদা ঐখোয়না মীওইবনা খংলিবসি হেনগৎননবা অমসুং মসিগী মতাংদা নিংথিনা খুৎশম্ননা চৎমিন্ননবা প্রধান মন্ত্রীগী হীরম ১০গী এজেন্দা অমসুং দিজেজতর হন্থহন্নবা সেন্দাই ফ্রেমৱর্কপু থবক ওইনা পাংথোক্তুনা মসিনা শোকহল্লবা মীওইশিংগী খুদোংচাদবা হন্থহন্নবা অমসুং নিংহন্নবা কায়হন্দবগী মতাংদা অহেনবা মিৎয়েং চংখি।

ৱেবিনার অসিগী পান্দমদি মসিদা শরুক য়ারিবা মীওইশিংনা থৌওং অসিবু মতম চানা থেংননবা অমসুং মসিদগী তেক্ত কায়দনা থোক্লকপা ঙম্বগী ঐখোয়দা লৈরিবা তেক্নিকেল ওইবা লৌশিং কয়া অসিগী মথক্তা হেজার্দ বলনেরেবিলিতী রিস্ক কেপাসিতী এসেসমেন্ত (ঐচ.ভি.আর.সি.), মাংজৌননা হায়বা, অখাক অরাও তৌবা অমসুং ব্রজ তাবনা মতাংদা কা-হেন্না শোকহন্দনবা শেম-শাদুনা লৈবগী মতাংদা মমুৎ তানা খংবা অসিনি।

শ্রী নিত্যানন্দ রাইনা ৱেবিনার অসিদা ৱা ঙাংবদা ভারত সরকারগী বিভাগশিংনা অখাক অরাও তৌবা অমসুং ব্রজ তাবনা খুন্নাইদা পীরিবা খুদোংথিবা কয়া হন্থহন্নবা পাংথোকখিবা মরু ওইবা থবকশিংগী মরমদা পনখি। লৈবাক অসি চাউখৎনবা হোৎনবদা অসিগুম্বা খুদোংথিবা কয়া অসিনা থোকহল্লিবা খুদোংচাদবশিং হন্থহনবগী মরু ওইবশিংগী মতাংদা পল্লদুনা মহাক্না মসিগী মহৌশাগী ওইবা অকায় অতোই থোকহনবা অসিবু হন্থহনবা ঙম্নবা অতেনবা অমসুং অশাংবা মতমগী খোংথাং কয়া অমা পুন্না পায়খৎমিন্নবগী মতাংদা মিৎয়েং চংখি। কেন্দ্রগী গৃহ মন্ত্রীগী রাজ্য মন্ত্রীনা দিজেজতর রিস্ক হন্থহনবগী মতাংদা প্রধান মন্ত্রী নরেন্দ্র মোদী অমসুং কেন্দ্রগী গৃহ মন্ত্রী শ্রী অমিৎ শাহনা লেপ্তনা শৌগৎলিবা, পাউতাক পীবা অমসুং হীরম অসিদা থৱাই য়াওরিবা অসিগী মতাংদশু পনখি। থিজিন হুমজিনবদা য়ুম্ফম ওইবা দিজেজতর রিস্ক হন্থনবগী থৌরাংশিং, খুদোংথিবশিং অসিবু হন্থহন্নবা অমসুং ঙাকথোক্নবা থৌওংশিং ইনবগী মথক্তা দিজেজতর রিস্ক হন্থহন্নবা প্রধান মন্ত্রীগী হীরম ১০গী এজেন্দাবু থবক ওইনা পাংথোকপগী মতাংদশু মহাক্না নিংথিনা পনখি।

আর্থ সাইন্স মন্ত্রালয়গী সেক্রেতরী দাঃ রাজীবন্না মহাক্কী মন্ত্রালয়না মোবাইল এপ ‘দামিনি’, ৱেদর মোদেল্লিং তৌবা, দোপ্লর ৱেদর রেদার উমসুং লাইত্নিং দিতেক্তর সীস্তেম য়াওনা অখাক অরাও তৌবা অমসুং ব্রজ তাবগী মতাংদা পাংথোকপা থৌদাংশিংগী মতাংদা মীয়ামদা পাউদমখি। মাংজৌননা হায়বগী থৌওংগী মহুত্তা নাউকাস্ত ওইনা ইনবা অমসুং মরী লৈনবা স্তেকহোলদর্শিংদা ঙন্না অখাক অরাও তৌবা অমসুং ব্রজ তাবগী চেকশিনৱা খংহনবগী মতিক চাবা থৌরাং শেম শাবগী মতাংদা মহাক্না মখা তানা পনখি। ৱেবিনার হৌদোকপগী থৌরমদা শরুক য়াখিবা অতোপ্পা মীওইশিং অদুদি এন.আই.দি.এম.গী একজেক্যুতিব দাইরেক্তর মেজর জেনেরেল মনোজ কুমার বিন্দল অমসুং আই.এম.দি.গী দাইরেক্তর জেনেরেল দাঃ মৃত্যুঞ্জোয় মোহাপাত্রনি। শকনায়রবা ৱাঙাংলোয়শিং, মিং ওইনা পল্লবদা এন.দি.এম.এ.গী এদিস্নেল সেক্রেতরী দাঃ ভি. থিররুপ্পুগঝ; এন.আই.দি.এম.গী জি.এম.আর.দি.গী মকোক প্রোফঃ সুর্য় প্রকাশ অমসুং আই.এম.দি.গী সাইন্তিস্ত-এফ. দাঃ সোমা সেন রোয়না ৱা ঙান্দুনা সেসন অসি মখা তানা চত্থখি।

***