তুরিজম মন্ত্রালয়
তুরিজম মন্ত্রালয়না দেখো অপ্না দেশ পরিংগী মখাদা ‘নাদি বিজ্ঞানঃ য়াংলেনগী নুংঙাইতবশিংগী মপুংফাবা ৱারোইশিন’ হায়না মিংথোনবা ৫১শুবা ৱেবিনার পুথোকখ্রে
Posted On:
13 JUL 2020 6:02PM by PIB Imphal
অরিবা মতমগী হকশেলগী সাইন্স-নাদি বিজ্ঞান অমসুং মসিনা য়াংলেনগী নুংঙাইতবশিংবু লায়েংবদা কান্নবা পীবা ময়ামগী মরমদা মীয়ামদা খংহনবা হেন্নবা তুরিজম মন্ত্রালয়না দেখো অপ্না দেশ পরিংগী মখাদা ‘নাদি বিজ্ঞানঃ য়াংলেনগী নুংঙাইতবশিংগী মপুংফাবা ৱারোইশিন’ হায়না মিংথোনবা ৱেবিনার পুথোকখ্রে। মসিগী তোপ তোপ্পা অমসুং তোঙানবা হীরম অসি ঐখোয়গী নাৎ অমসুং চৎনবি অমসুং লমকোয়বগী শরুক অমনি অমসুং মসিনা ঐখোয়গী লৈবাক্কী চৎনবিশিংবু শক তাকই। লম কোয়ফমশিংদগী হেন্দোক্তুনা নাদি বিজ্ঞান-অরিবা মতমগী হকশেলগী লৌশিং অসিনা ঐখোয়গী লৈবাক অসি হীরম খুদিংদা ফজবা ওই হায়বদু তাকই।
দেখো অপ্না দেশকী পরিং ওইবা ৪১শুবা ৱেবিনার অসি জুলাই ১১, ২০২০দা তুরিজম মন্ত্রালয়গী এদিস্নেল দাইরেক্তর জেনেরেল মিস রুপিন্দর ব্রারনা ৱাতেম্বিখি অমসুং উত্তরাখন্দ সংস্কৃত য়ুনিবর্সিতীগী য়োগিক সাইন্স বিভাগকী মকোক অমসুং ফাউন্দর ওইবতা নত্তনা স্তুদেন্ত ৱেলফিয়ারগী দীন দাঃ লক্ষ্মীনরায়ন জোশিনা লান্থোকখি। শিম্লাগী হিমাচল প্রদেশ য়ুনিবর্সিতীগী আই.সি.দি.ই.ও.এল.দা কো-ওর্দিনেতর ওইরিবা অমসুং য়োগ স্তদী বিভাগকী এসিস্তেন্ত প্রোফেসর ওইরিবা দাঃ অরপিতা নেগিনা মহাকপু তেংবাংখি। দেখো অপ্না দেশকী ৱেবিনারগী পরিং অসি এক ভারত শ্রেস্থ ভারতকী মখাদা ভারতকী তোঙান তোঙানবা ফজবশিংবু শক তাপগী থৌরাং অমনি অমসুং মসিনা বর্চুএল প্লেৎফোর্মগী খুত্থাংদা এক ভারত শ্রেস্থ ভারতকী ইথিলবু মীয়ামদা শন্দোক্লি।
দাঃ লক্ষ্মীনরায়ন জোশিনা মীয়ামদা য়োগগী মহৈ অমা ওইরিবা নাদি বিজ্ঞানগী হীরমদা তাক্লদুনা ৱেবিনার অসিবু হৌদোকখি। অয়ুর্বেদকী মতুং ইন্না মীওইবগী হকচাংদা দোশা ৩ নত্ত্রগা নুংগী ওইবা মওং অহুম- মিং ওইনা পল্লবদা বাতা (নুংশিত+ইথর), পিত্তা (মৈ+ঈশিং) অমসুং কাফা (লৈবাক+ঈশিং), লৈ।
দাঃ লক্ষ্মীনরায়ন জোশিনা হায়রিবা ইলিমেন্তশিং অসিনা চাং মান্নদবা মতমদা মতৌ করম্না লায়না কয়া থোকহনবগে হায়বা তাকখি। মীওইবগী হকচাংদা বাতা ইলিমেন্তকী খল কায়বদা লায়না ৮০মুক, পিত্তাগী খল মান্নদবনা লায়না ৪০মুক অমসুং কাফাগী খল কায়বনা লায়না ২০মুক থোকহল্লি হায়খি। মরম অদুনা অয়ুর্বেদতা য়াওবগী মতুং ইন্না মীওই অমগী চাবগী কাংলোন্দা হায়রিবা ইলিমেন্তশিং অসিগা চান্ননা য়াওগদবনি হায়খি। খুদম ওইনা হায়রবদা হকচাংদা য়াওরিবা পিত্তা ইলিমেন্ত অসিবু খল মান্ননা থম্নবা মহাক্কী চিঞ্জাক্তা এসিদিতী থোকহন্দনবা অল্কালাইন য়াওবা চিঞ্জাক চাগদবনি। মসিগী ইলিমেন্তশিং অসি চহীগী মতুং ইন্না কায়থবা নাই।
নাদি পরিক্সন (নত্ত্রগা মীহুল য়েংবা) অসিনা বাতা, পিত্তা অমসুং কাফাগী খল কায়বদগী থোকপা লায়নাশিং খংবদা তেংবাংই। নাদিগী হৌরকফম অসি কন্দাস্থনা কৌই অমসুং মসি মীওইবগী শক্তিগী ময়ায় ওইরিবা খোইদৌগী মফম নত্ত্রগা নাবি হায়রিবা অসিনি। মমাগী পুক্নুংদা য়াওরিবা অঙাংনা খোইদৌগা শম্নবা অম্বিলিকেল কোর্দতগী তঙাই ফদবা চিঞ্জাক খুদিংমক ফংই। ঐখোয়গী হকচাংদা নাদি (নত্ত্রগা ঈচেল) ৭২,০০০ য়াওই। হায়রিবা নাদি ৭২০০০ অসি মরু ওইবা নাদি অহুম-ওই, য়েৎ অমসুং ময়ায় (ইদা, পিঙ্গালা অমসুং শুশুম্না), দগী হৌরকই।
‘নাদি’ হায়রিবা ৱাহৈ অসি শিংলি হায়বা নত্তে। মখোয়শিং অসি পথাপ অমগী প্রারনাগী লম্বী নত্ত্রগা ঈচেলশিংনি। মসিগী নাদিশিং অসিগী উবা য়াবা মশক লৈতে। শক্তি নত্ত্রগা প্রারনা লেংবগী মওং ৭২০০০ লৈ। করিগুম্বা শক্তি অসিনা ওইথংবা নিংশাদা চেল্লবদি, হায়বদি ইদা নাদিথেন, হকচাং অসি য়োগগুম্বা মোং হাদবা শাজেল তৌবদা চানবা ওই; মসিগা মান্ননা করিগুম্বা প্রারনিক শক্তি অসি য়েৎলোমদা লৈরবদি, হায়বদি পিঙ্গালা নাদি, হকচাং অসি অকনবা শাজেল তৌবদা চান্নৈ অমসুং করিগুম্বা মসিনা ময়ায়দা চেল্লবদি, হায়বদি শুশুম্না নাদি, মসিনা ৱাখলগী শাজেল তৌবদা চান্নবা ওই। মসিগী নাদি অহুম্মক মীওইবগী হকচাংগী য়াংলেনগা শম্নৈ।
য়াংলেনগী খুদোংচাদবশিং অসি হকচাংগী মওং কায়বদগী থোকই অমসুং মীওইবগী হকচাং কয়াৎ অয়াম্বা য়াংলেন শরুগা শম্নবা মরম্না মসিনা হকচাং কয়াৎশিংনা নিংথিনা মথৌ তৌবদা অকায়বা পী। দাঃ লক্ষ্মীনরায়ন জোশিনা মহাক্না মতৌ করম্না অনাবশিংবু লাৱর বেক পেন অমসুং হকচাংগী মনিংগা মরী লৈনবা লায়না কয়া অমা ইরায় লায়না লায়েংবগে হায়বগী মওংশিং শন্দোক্না তাকখি।
য়োগ তৌবনা নাদি মনুংদা শক্তি নিংথিনা চেলহল্লি অমসুং মখোয়বু ফত্তবশিংদগী চুম্থোকপদা তেংবাংই। হথা য়োগগী মতুং ইন্না ঐখোয়না আশন খরা তৌদুনা অকক্নবা নাদি খরগী খুত্থাংদা হকচাং মনুংদা ঈ চেনবগী পথাপ্পু লাকশিনবা ঙম্মি। দাঃ অর্পিতা নেগীনা নেচরেল এলাইনমেন্ত পোজ হায়নশু খংনবা মকরসানা (খুম্ভিরগী মওং) আশন, শাভাসনা অমসুং ভুজঙ্গাসনা অমসুং শাভাসনা অনি পুনশিন্নবা ভুজং শাভাসনানা য়াংলেনগী নুংঙাইতবা কয়াগী লায়েংবদা মতৌ করম্না তেংবাংবগে হায়বদু তাকখি।
উত্তরাখন্দ সরকার অমসুং উত্তরাখন্দ তুরিজম বোর্দনা চহী খুদিংগী মার্চ ১দগী ৭ ফাওবা মালেমগী য়োগগী চয়োল পাংথোক্তুনা লাক্লি। দাঃ লক্ষ্মীনরায়ন জোশিনা মীয়াম্বু মথং চহীদা কুমহৈ অসি য়াওবা লাক্নবা হায়খি অমসুং মসিদা লাক্তুনা উত্তরাখন্দগী পুক্নিং হুনা ফজবা মফমশিং য়েংবতা নত্তনা নাদি বিজ্ঞান অমসুং অতোপ্পা হকশেলগী লৌশিংগী মরমদশু কুপ্না খংনবা হোৎননবা হায়খি।
ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (এম.ই.আই.তি.ৱাই.)না শেম্বা নেস্নেল ই.-গবর্নেন্স দিবিজন (এন.ই.জি.দি.)না দিজিতেল প্লেৎফোর্ম শিজিন্নদুনা মীয়াম অমসুং স্তেকহোলদর্শিং হকথেংননা শরুক য়াবা য়ানবা মখোয়গী হৈ-শিংলবা মীওইশিংগা লোয়ননা দেখো অপ্না দেশ ৱেবিনার পাংথোকপা য়ানবা মন্ত্রালয়দা তেক্নিকেল এসিস্তেন্স হকথেংননা পীদুনা মরু ওইবা থৌদাং লৌরি।
ৱেবিনার অসিগী সেসনশিং অসি হৌজিক মখাদা পীরিবা লিঙ্কশিংদা ফংগনিঃ
https://www.youtube.com/channel/UCbzIbBmMvtvH7d6Zo_ZEHDA/featured
http://tourism.gov.in/dekho-apna-desh-webinar-ministry-tourism
https://www.incredibleindia.org/content/incredible-india-v2/en/events/dekho-apna-desh.html
ৱেবিনার অসিগী সেসনশিং অসি ভারত সরকারগী তুরিজম মন্ত্রালয়গী সোসিএল মীদিয়া হেন্দল খুদিংমক্তশু ফংগনি।
মথংগী ৱেবিনার অসি মধ্য প্রদেশকী মহেশ্বর শহরগী নাত্তা মিৎয়েং চংদুনা জুলাই ১৮, ২০২০দা শন্দোক্কনি। মীয়াম্না ঙাইদুনা লৈবিয়ু।
***
(Release ID: 1638424)
Visitor Counter : 133