ইনকম তেক্স অমসুং পোস্ত ওফিসশিংদগী ইনকম তেক্স হন্দোরক্নবগী ফাইল তৌদবশিংগীনা লুপা লাক্ষ ২০গী মথক্তা অদুগা ইনকম তেক্স  ফাইল তৌবশিংগীনা লুপা কোতী ১গী মথক্তা শেল লৌথোকপদা তি.দি.এস.কী চৎনবা রেতশিং অদু  খংদোকপা ঙম্নবগীদমক অনৌবা খুদোংচাবা অমা ফংহনখ্রে। হৌজিক ফাওবদা খুদোংচাবা অসিদগী থাঙ্গৎলকখিবা ৱাফম ৫৩,০০০দগী হেন্না অশোংবা-শেংদবা মশক খংদোকখ্রে।

সি.বি.দি.তি.না ঙসি ফোংদোকখিবদা মসিগী খুদোংচাবা অসি জুলাই ১, ২০২০দগী হৌনা  www.incometaxindiaefiling.gov.inদা “য়ু./এস. ১৯৪এন.গী চৎনবশিং অদু অশেং-শেংদা খংদোক্নবা” ৱেবসাইত্তগী বেঙ্কশিংদা ফংহন্দুনা তৌদুনা মপুং ওইবা প্রোসেসশিং অসি মশা মথন্তা তৌজরক্নবা অমসুং  ”বেঙ্কশিংগী ইন্তর্নেল কোর বেঙ্কিংদা লিঙ্ক তৌবা য়ারগনি। 

মসিগী খুদোংচাবা অসিগী মতাংদা মরিক চুম্বা ৱাফম ফোংদোক্লদুনা সি.বি.দি.তি.না তি.দি.এস.কী রেত অদু খংদোকপদা হৌজিক বেঙ্ক/পোস্ত ওফিসনা কেস ৱিথদ্রো তৌগদৌরিবা মীশক অদুগী পি.এ.এন. অদুখক্তমক হাপচিল্লগা তৌবা য়ারগনি হায়না ফোংদোকখি।  পি.এ.এন. হাপচিনবা মতমদা জিপার্তমেন্তকী ওইননা থবক-থৌওং চত্থনবা মেসেজ অমা মশা মতোমতা থোকচরক্কনিঃ “লুপা কোতী অমদগী হেন্না ৱিথদ্রো তৌবা তারবদি তি.দি.এস.কী ২% গী রেত্তা কক্কনি”[শেল ৱিথদ্রো তৌগদৌরিবা মীওই অদু ইনকম-তেক্স হন্দোরক্নবগী ফাইল তৌবা ওইবা তারবদি] অমসুং “লুপা লাক্ষ ২০দগী হেন্না কেস ৱিথদ্রো তৌরবদি  ২% গী রেত্তা কক্কনি অদুগা লুপো কোতী ১দগী হেনবা তারবদি ৫% গী রেত্তা কক্কনি”[শেল ৱিথদ্রো তৌগদৌরিবা মীওই অদু ইনকম-তেক্স হন্দোরক্নবগী ফাইল তৌদবা ওইবা তারবদি]।

সি.বি.দি.তি.না  কেস ৱিথদ্রো তৌবগী দেতা অদুদগী কৈদোনুংদা ইনকম-তেক্স হন্দোরক্নবা ফাইল তৌদ্রিবা মীশক অমনা অয়াম্বা শেনফমশিং ৱিথদ্রো তৌরে হায়বসি তাক্কনি। মীওইশিং অদুনা শোয়দনবা হন্দোরক্নবগী ফাইল খংনবা অমসুং ফাইল তৌদবশিংনা কেস ৱিঅদু তৌহন্নবা অমসুং ফাইল তৌদবশিংনা কেস ৱিথদ্রো তৌবদা ত্রেক তৌনবা অমসুং ব্লেক মনিদা অথিংবা থম্নবা জুলাই ১, ২০২০দগী ফাইনান্স এক্ত ২০২০ অদু শেমদোক্তুনা তেক্স থিদবশিংনা লুপা লাক্ষ ২০দগী হেন্না কেস ৱিথদ্রো তৌবদা তি.দি.এস. কী হন্থবা চাং অদু চৎনহন্নবগী থৌরাং লৈখ্রে অমসুং ইনকম-তেক্স থিদবশিংনা লুপা কোতী ১দগী হেন্না কেস ৱিথদ্রো তৌবদা ৫%গী অৱাংবা রেত্তা তি.দি.এস. কক্নবগী থৌরাং শেমখি। অনৌলা চৎন-কাংলোন অসি জুলাই ১, ২০২০দগী চৎনখ্রে।

নিংশিংবা য়াবদি কেস ত্রাঞ্জেক্সন তৌবদা থৌগত্তনবা অমসুং অতাবা শেলগী শেন্মিৎলোনগী মায়কৈরোমদা চংশিন্নবা সেপ্তেম্বর ১, ২০১৯দগী চৎনখিবা (ন. ২)এক্ত, ২০১৯ ইনকম-তেক্স এক্তকী সেক্সন ১৯৪এন.দা হাপচিন্দুনা বেঙ্ক/পোস্ত ওফিস/একাওন্তগী অকক্নবা চৎনবদা য়াওদবা খরা নত্তনা  লুপা কোতী ১দগী হেন্না কেস ৱিথদ্রো তৌবদা ২%গী রেত্তা তি.দি.এস. চৎনহন্নবা থৌরাং শেমখি।

***