কমর্স অমসুং ইন্দস্ত্রী মন্ত্রালয়

এফ.আই.সি.সি.আই. ফ্রেমস লোইশিনবা থৌরমদা পিয়ুস গোয়ল ৱা ঙাংখ্রে

মালেমদা মাংজিল থানবা ভারতকী ফিল্ম অমসুং এভর্তাইজমেন্ত ইন্দস্ত্রিশিং চাউখৎহন্নবা হায়রি

Posted On: 11 JUL 2020 7:03PM by PIB Imphal

ভিদিও কনফরেন্সকী খুৎথাংদা ঙসি কমর্স অমসুং ইন্দস্ত্রিগী য়ুনিয়ন মিনিস্তর পিয়ুস গোয়লনা এফ.আই.সি.সি.আই ফ্রেমস লোইশিনবা থৌরমদা ৱা ঙাংখ্রে । মিনিস্তরনা হায়খি ভারতকী ফিল্ম অমসুং এভর্তাইজমেন্ত ইন্দস্ত্রিশিং মালেমগী মাংজিল থাবা লৈবাকশিংগী মনুংদা য়াওনবা থৌনা অমসুং লৌশিং লৈরি । অফবা পোৎথোকশিং পুথোকপা , মনা ফংবা ঙম্নবা অমসুং ইন্দস্ত্রি অসিদা শেন হেন্না থাদরক্নবা কৌরি । ইন্দস্ত্রি অসি লৈবাক্কী ঙমখৈগী ৱাংমদা পাকথোক-চাউথোক্নবা হোৎনগদবনি । মিনিস্তরনা হায়খি ভারতকী এদভর্তাইজমেন্তগী মীওইশিং অসি য়াম্না হৈথোই-শিংথোই অমসুং মখোয় অয়াম্বা মালেমগী ব্রান্দশিং লুচিংলি । কন্তেন্তশিং শেম্বদা ভারতনা মালেমগী মাংজিল থাগদবনি । লৈবাক খরনা ভারতকী ফিল্ম ইন্দস্ত্রিদা অথিংবা থম্লিবা অমসুং অপনবা পীরিবা অসি চৎনবা য়ারোই অমসুং করিগুম্বা ৱাফম অসি সরকারদা খঙহল্লবদি ভারতনা চপ মান্নবা পাউখুম পীগনি । লৈবাক অসিদা ফিল্ম নম্বা য়ানবা অয়াবা পীনবা সিঙ্গল-ৱিন্দো ক্লিয়ারেন্স, থবকশিং লাইহনবা, ওনলাইন ক্লিয়ারেন্স, ই-গভরনান্সকী মতাংদা ইন্দস্ত্রিনা তকশিল্লিবা অসি মরম য়াম্না চাবনা ঙন্না খন্নবা দরকার ওই ।

কোবিদ থেংননবা ভারতকী সেনিমানা লৌরিবা থৌদাংশিং অমসুং হকশেলগী চেকশিন-থৌরাংশিং লৌখৎনবা ৱাখল তাহন্নবা লৌরিবা মরুওইবা থৌদাং অসিগীদমক মিনিস্তরনা থাগৎখি । লৈবাক অসিগী মীয়াম্না ইরাই লাইনা খঙগদবা খুন্নাইগা মরী লৈনবা থিমশিং পুৎলকপগীদমক মহাক্না ইন্দস্ত্রি অসি থাগৎখি । মিনিস্তরনা হায়খি ফিল্ম ইন্দস্ত্রি অসি ভারতকী ঙাংবা-শকপা হৈবগী খুদম অমা ওইনা ভারতকী নহারোলশিংগী অনিংবশিং মমি তারি । লৈবাক অসিগী মীওই বিল্লিয়ন ১.৩৫ অসি হরাও-কুম্মৈ পাম্মি অমসুং ফিল্ম ইন্দস্ত্রিনা মতম চুপ্পদা মীয়ামগী অনিংবা থুংহল্লি । ভারতনা মসিগী ফিল্মশিংগী চাউথোকপা ফাওরি অমসুং মসিগী থৌনা অসিনা মালেমগা থেংনবা পাম্লি । লৈবাক অসিনা মালেমগা চপ মান্নবা ফিবমশিংদা থাজবা অমগা লোয়ননা থেংন্নবা অত্মানির্ভর ভারত শীজিন্নগনি ।

য়ুনিয়ন মিনিস্তরনা হায়খি কোবিদগী অৱাবা ঐখোয়গী মাংদা লৈরে অমসুং মমাংদা থোকখিবগুম মসি লোইখিগনি । অনৌবা থবক খুৎশু অমসুং পুন্সি মহিং অমা চৎথনবা , কোবিদ মতুংগী মালেমগী খুদোংচাবশিংগীদমক ঐখোয় শেমশারসি । খুদোংথিবশিং থেংননবা, তোখাইবা ৱাখল অমা খনবা দরকার ওই, লেপ্তনা অনৌবা পুথোক্কদবনি । মতিক চাবা চেকশিন-থৌরাং পায়খৎপা দরকার ওই অদুবু অকিবনা ঐখোয় মখা তানা ঙমহল্লোইদবনি । অনৌবা মালেমগী চৎন-পথাপগা লোয়ননা ঐখোয় থবক তৌগদবনি অমসুং অনৌবা অদুদা চুশিন্ননবা হোৎনগদবনি । লাইচৎ অসিনা ফিল্ম ইন্দস্ত্রি অসি শাথিনা শোকহল্লে অমসুং মতুং তারকপদা থবকশিং কমদৌনা পাংথোক্কদগে হায়বা খন্নবা য়াম্না মরুওই । অনলোক লাকপদগী ভারতকী শেন-থুমগী ফিবম ফগৎলকপা উরে অমসুং হরাও-কুম্মৈগী ইন্দস্ত্রিসু অমুক হিঙ্গৎলকপা উরগনি ।

নাতৈ চাদবা, অরানবা পাউশিং য়াওবা, ঐখোয়গী লৈবাক্কী খুন্নাই অমসুং লায়রবা ফজদনা উৎপা অমসুং ইমুং-মনুং য়েংবা য়াদবা মচাকশিং য়াওবা আইনগী মখাদা লৈতবা ও.তি.তি প্লেতফোর্মশিংগী মতাংদা মিনিস্তরনা নুঙনাংবা ফোংদোকখি ।

মিনিস্তরনা হায়খি মীওই লাখ ২৫ রোম ফিল্ম ইন্দস্ত্রিগা হকথেংননা নৎত্রগা নাকোইননা শম্নরি । ফিল্ম ইন্দস্ত্রিগা মরী লৈনবশিং, খুৎশুমল পীক্না পীবা শিন্মীশিংগী য়াইফনবা থবকশিং পায়খৎনবা অমসুং ইকায়খুম্নবা পুন্সি মহিং অমা ফংহন্নবা মহাক্না তকশিনখি ।

হন্দক লৈখিদ্রবা ফিল্মগী শক্নাইরবা মীওইশিংগী মফমদা য়ুনিয়ন মিনিস্তর গোয়লনা ইকায়খুম্নবা উৎখি ।

***



(Release ID: 1638092) Visitor Counter : 4