কোবিদ-১৯ থেংননবা সরকারনা পায়খৎলিবা থবকশিং মতেং পাংনবা, কেমিকেলস অমসুং ফর্তিলাইজরস মিনিস্ত্রিগী মখাদা পব্লিক সেক্তর য়ুনিত অমা ওইরিবা রাস্ত্রিয়া কেমিকেলস এন্দ ফর্তিলাইজরস লিমিতেদ (আর.সি.এফ.)না খুৎ হাম্নবা আই.পি.এ. জেল “আর.সি.এফ. সেফরোলা” পুথোক্লে ।

আর.সি.এফকী মতুংইন্না, মসিগী খুৎ হাম্নবা জেল অসি আইসো প্রোপাইল অলকোহল (আই.পি.এ.) অমসুং এলো ভেরা য়াওবা উনশা শোকহন্দবা হেন্দ-সেনিতাইজর অমনি । মসিদা ভিতামিন-ই মরাংকাইনা য়াওরি অমসুং চম্প্রা মনম নম্মি ।

মসিগী জেল অসি পুবা নুংঙাইনবা আর.সি.এফনা এম,এল ৫০ অমসুং এম.এল বোত্তলশিংদা হাপ্লে অমসুং মমলনা লুপা ২৫ অমসুং লুপা ৫০নি । মসিগী মমল অসি কম্পেনিনা লেপ্পনি । কম্পেনি অসিগী লৈবাক শীনবা থুংনা লৈরিবা নেতৱার্কশিংদা পোৎথোক অসি ফংহন্নবা আর.সি.এফনা থৌরাং তৌরি।

কোবিদ-১৯ লাইচৎ লাকপদগী কৈথেলদা হেন্দ সেনিতাইজর ফংনদ্রিবা অসি ফংহন্নবা আর.সি.এফনা চুনবা মমলদা ফংহন্দুনা লাইচৎ অসি লাকশিন্নবা হোৎনবদা অপীকপা মতেং অমা পাংলি । আর.সি.এফকী সি.এম.দি.এস.সি. মুদগেরিকানা হায়খি অনৌবা পোৎথোক খুৎ হাম্নবা আই.পি.এ. জেল “আর সি এফ সেফরোলা” মহাক্কী কম্পেনিনা পুথোক্লে হায়না লাউথোকপদা হরাওই । মসিগী পোৎথোক অসি হৌজিক লৈরিবা লাইচৎ অসি লাকশিন্নবা হোৎনবদা আর.সি.এফকী অপীকপা মতেংনি ।

আর.সি.এফ অসি লৈবাক অসিদা হার অমসুং হিদাক-লাংথকশিং পুথোকপদা মাংজিল থারিবা “মিনি রত্ন” অমনি । মসিনা য়ুরিয়া, কমপ্লেক্স ফর্তিলাইজরশিং, বাইও-ফর্তিলাইজরশিং, মাইক্রো-ন্যুত্রেন্তশিং, ঈশিংদা তুম্বা হারশিং, লৈহাও লৈহন্নবা পোৎলমশিং অমসুং ইন্দস্ত্রীগী কেমিকেল কয়া পুথোক্লি । উজ্বলা (য়ুরিয়া) অমসুং সুফালা (কমপ্লেক্স ফর্তিলাইজরশিং) হায়রিবা ব্রান্দশিং অসিনা কম্পেনি অসি ভারতকী খুঙ্গংগী য়ুমথোঙশিংদা মশক তাক্লি । হারশিংগী মথক্তা আর.সি.এফ.না মশিং য়াম্লবা ইন্দস্ত্রী কয়াগী মরুওইবা কেমিকেল কয়া পুথোক্লি ।

***