দিবেলপমেন্ত ওফ নোর্থ ইস্তর্ন রিজন (দোনর), প্রধান মন্ত্রী ওফিসকী রাজ্য মন্ত্রী, পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী কেন্দ্র মন্ত্রী দা. জিতেন্দ্রনা ৱাগী সেক্তরনা কোবিদকী মতুংগী ইন্দিয়াগী শেন্মিৎলোনগী মরুওইবা মচল অমা ওইরগনি হায়না ঙসি ফোংদোকখ্রে। কেন অমসুং বেম্বুগী তেক্নোলোজী সেন্তর(সি.বি.তি.সি.)গী তোঙান-তোঙানবা ক্লস্তরশিং অমসুং ৱাগী লল্লোন-ইতিক্কা মরি লৈনবা মীশিংগা পাংথোকপা ৱেবিনার অমদা ৱা অসিনা অৱাং-নোংপোক লমদা আত্মনির্ভর ভারত অভিয়ান অসি খংয়াং-য়াংশিনহনগনি অমসুং ভারত অমসুং মহাদেশকী শরুক অসিগী লল্লোন-ইতিক্কী মরুওইবা পুদুনা চৎলিবা পোৎশক অমা ওইরগনি।  মন্ত্রীনা ৱা অসি কোবিদকী মতুংগী অৱাং-নোংপোক্কী শেন্মিৎলোন্দা মরু ওইবা খক্ত নত্তনা প্রধান মন্ত্রী শ্রী নরেন্দ্র মোদীগী লাইশোন “ভোকেল ফোর লোকেল”গী অসি ময়েক শেংনা পাংথোকপদা অনৌবা খোংজেল অমা  ওইরগনি।

দা. জিতেন্দ্রনা ৱাগী সেক্তর অসি ভারত অমসুং অতোপ্পা লৈবাক্তা মপুং ফানা থিজিনবা, ব্রান্দিং তৌবা, পেকেৎ শেম্বা অমসুং মার্কেতিং তৌনবা “শেম্বা, মতেং ওইবা অমসুং খুৎশম্নবা”গী লাইশোন অসি পীখি।  

মসিগী সেক্তর অসিদা লৈরিবা থাজরুদবা মওংদা লৈরিবা থবক্কী মঙম অমদি হৌখিবা চহি ৭০দগী থওইবিরক্তবা অসিদা মরু ওইবা মওংদা পল্লদুনা হৌজিক্কী সরকার অসিদা থবক পাংথোকপা ঙম্বগী শক্তি অসিনা লৈবাক অসিগী অৱাং-নোংপোক লমশিংদা লৈরিবা ৱাগী পোত্থোকশিং পুম্নমক্কী চাদা ৪০গী থাক্তা খ্বাইদগী ৱাংনা মসিগী থবক পাংথোকপা ঙম্বগী মঙম অসি হাংদোক্লগনি হায়না ফোংদোকখি।  ভারত অসি মালেমদা ৱা অমসুং লি খ্বাইদগী য়াম্না পুথোকপদা ২শুবা ওইরগসু মালেমগী ওইবা লল্লোন-ইতিক্কী থাক্তা চাদা ৫ খক্তং শরুক ওইরি।   

মোদী সরকারনা ৱা অসি য়োকখৎনবা য়াম্না ৱাখল লৈনা মরুওইবা মীৎয়েং থম্লিবা অসিনা সরকার অসিনা ৱাদগী পুন্সি মহিংগী থাক অসি ফগৎহন্নবা ইরমসিগী ওইবা ৱাগী পোত্থোক অসিদগী উমংগী এক্তকী ৱাংমদা অদুক্কী মতিক কুইরবা উমংগী এক্ত অসি শেমদোকখ্রিবা অসিনা ময়েক শেংনা তাক্লবনি হায়না দা. জিতেন্দ্রনা ফোংদোকখি।

প্রধান মন্ত্রী শ্রী নরেন্দ্র মোদীনা অৱাং-নোংপোক্তা খ্বাইদগী ৱাংবা থাক্তা মরুওইনা লুনা খল্লি হায়না ফোংদোকখি। ২০১৪দা মোদী সরকার অসিনা হেক লাকখিবদগী প্রধান মন্ত্রীনা লৈবা অসিগী অতোপ্পা চাওখৎপা মফমশিং মান্ননা অৱাং-নোংপোক লমশিং অসি হেন্না চাওখৎনবা হোৎনবা য়াবমখৈ মতম পুম্নমক্তা হায়না দা.জিতেন্দ্রনা ফোংদোকখি। হৌখিবা চহি তরুক অসিদা চাওখৎপগী অহাংবশিং অদু শমজিন্নখিবদা নত্তনা অৱাং-নোংপোক লমগী হোৎনজবা খুদিং তেংবাং পীকি।

থৌরম অসিদা ৱা ঙাংলদুনা শ্রী যুথ এফেয়র্স অমসুং স্পোর্তসকী রাজ্য মন্ত্রি শ্রী কিরন রিজেজুনা দোনর মন্ত্রালয়না ৱাগী সেক্তর অসি নিংথিজনা শৌগৎপিখ্রে অদুনা অৱাং-নোংপোক রাজ্য ৮ অসিগী থবক পাংথোকপগী থৌদাং অসি লম পুম্নমক্কী ওইনা খুঞ্জাও-লৈচাওনবগীদমক য়াংশিলহন্না তৌবনি হায়না ফোংদোকখি।  মসিগা চপ মান্ননা সেক্তর অসিগী মঙম অসি মপুং ফাবা ৱাৎলিবা ওইবনা কেন্দ্রনা খুৎশম্ননা থবক পায়খৎমিন্ননবগী ৱাফমদু থমখি।

ফুদ প্রোসেসিং ইন্দস্ত্রীগী রাজ্য মন্ত্রী শ্রী রামেস্বর তেলীনা মহাক্কী ৱারোলদা থবক ফংবগী খুদোংচাবা চাউনা ফংহনবদা নত্তনা ৱাগী সেক্তর অসিনা ভারতকী অকোয়বগী ফীভমগী, হিদাক্কী, চেগী অমসুং বিল্দিংগী সেক্তরদা অথোইবা য়ুম্বি অমা ওইরগনি হায়না ফোংদোকখি। মহাক্না অচুম্বা পোলিসিনা থবক পাংথোকপদগী ভারতনা ৱাগী লল্লোন-ইতিক্তা এসিয়াগী বজারগী অচৌবা শরুক অমা কনশিনবা য়াগনি হায়না ফোংদোকখি। 

দোনর মন্ত্রালয়গী সেক্রতরী দা. ইন্দরজীৎ সিংহ, স্পিসিএল সেক্রতরী ঐস.ঐচ. ইন্দিবর পান্দে, এন.ই.সি.গী সেক্রতরী এস.ঐচ. মোসেস কে চলাই, সি.বি.তি.সি.গী এম.দি. এস.ঐচ. শৈলেন্দ্র চৌধরী অমসুং বিভাগ অসিগা অতৈ মকোক থোংবা ওফিসিএলশিংনা ভিদিও কনফরেন্সকী থোংদা মীফম অসি য়াওখি।  

***