কোবিদ-১৯গী লাইচৎকী মনুংদা ভারত মচা মীরৈবাক্তগী পুরক্নবা লৈবাক্কী খোংথাংগী শরুক অমা ওইনা মে ০৫,২০২০দা হৌদোকখিবা তৌখিবা ওপরেসন সমুদ্র সেতুনা সমুদ্রগী লম্বেলদা ভারত মচা ৩,৯৯২ মখোয়গী ময়ুম লমদমদা পুরকখ্রে। ইন্দিয়ন নেভিগী জহাজ জলশৱা (লেন্দিং প্লেৎফোর্ম দোক) অমসুং ঐরাভৎ, শার্দুল অমসুং মগর (লেন্দিং শিপ তেঙ্কশিং) অসিনা নুমিৎ ৫৫নি চাংবা অমসুং সমুদ্রদা কিলোমিতর ২৩,০০০ হেন্না থৌদুনা পাঙথোকখিবা ওপরেসন অসিদা শরুক য়াখি ইন্দিয়ন নেভিনা ২০০৬গী ওপরেসন সুকুন(বৈরুৎ) অমসুং ২০১৫গী ওপরেসন রহৎ (য়েমেন)গী শরুক ওইনা মসিগা মান্নবা মী হোন্দোকপগী ওপরেসনশিং চত্থখি।

কমপেক্ত ওইবা মওংদা অমসু নমফুদা ভেন্তিলেসন সিস্তেমশিং জহাজশিংদা থমখিবনা মরম ওইরগা কোবিদ-১৯গী লায়চৎ অসিনা জহাজশিং অসিদা অচৌবা অৱাবা কয়া থেংনহনখি। অসিগুম্বা অৱাবা ফীভমশিং মায়োক্নরিবা অসিগী মরক্তা ইন্দিয়া নেভিনা মপালদা লৈরিবা অৱাবা তারবা ঐখোয়গী প্রজাশিং হোন্দোকনবা শীংনবা অসি লৌখৎখি।

ইন্দিয়ন নেভিগী খ্বাইদগী চাওবা শীংনবা অদুদি মী হোন্দোকপগী ওপরেসন অসিগী মনুংদা জহাজ মনুংদা লায়চৎ অসি শন্দোরক্তনবা ঙাকথোকপা অসিনি। অকনবা চেকশিন থৌরাংশিং শেমখি অমসুং জহাজ অসি চল্লাইবদা চান্নবা মেদিকেল/চেকশিন থৌরাংগী প্রোতোকলশিং ইমপ্লিমেন্ত তৌখি। হায়রিবশিং অসি ওপরেসন সমুদ্র সেতু পাঙথোক্লিবা জহাজশিং অসিনা চেকশিন্না ঙাকনা চৎখি মসিনা মরম ওইরগা ঐখোয়গী প্রজা ৩, ৯৯২না মখোয়গী মরৈবাক্তা শোই ঙমদনা হল্লকপা ঙমখি।

ওপরেসন সমুদ্র সেতুনা ওপরেসন অসিদা কোবিদ-১৯গা মরী লৈনবা সোসিএল দিস্তেন্সিং কাংলোনশিং ঙাকপা লোয়ননা মেদিকেলগী শেম-শাবা অমসুং কেপাসিতি হায়রিবশিং অসিগা খ্বাইদগী চান্নবা ইন্দিয়ন নেভিগী জহাক শীজিন্নখি। ওপরেসন অসিগী শীজিন্নখিবা জহাজশিং অখন্নবা ওইখি অমসুং অসিদা কোবিদ-১৯গা মরী লৈনবা ইক্বিপমেন্ত অমসুং ফেসিলিতিশিং অখন্নবা সিক বে নত্রগা ক্লিনিক লৈখি। নুপী ওফিসরশিং অমসুং মিলিতরি নর্সশিং নুপী পেসেঞ্জরশিংগীদমক য়াওহনখি। জহাজশিং অসিগী সমুদ্রগী খোংচৎ অসিগী মনুংদা হোন্দোরক্লিবা মী পুম্নমক্তা তঙাই ফদবা পোৎলমশিং অমসুং মেদিকেল ফেসিলিতিশিং ফংহনখি। জলশৱাদা তোংলকপা মীরোলবী নুপী, শ্রীমতি সোনিয়া জেকোবনা মালেমগী মমাগী নুমিৎতা কোচিদা য়ৌবগী পুং খরগী মনুংদা অঙাং নুপামচা অমা উন্নখি

ওপরেসন সমুদ্র সেতু পাঙথোক্লিঙৈদা ইন্দিয়ন নেভিগী জহাজ জলশৱা, ঐরাভৎ, শার্দুল অমসুং মগরনা কিলোমিতর ২৩,০০০ হেন্না থৌখি অমসুং মী হোন্দোকপগী থবক অসি খুদোংচাদবা য়াওদনা অমসুং পুন্না হোৎন্দুনা পাঙথোকখি। মী হোন্দোকপা অসিগী অকুপ্পা ৱারোল মখাদা পীরি: -

অতোপ্পা সরকারগী এজেন্সিশিংগা লোয়ননা, ঐখোয়গী প্রজাশিং মতেং পাংনবা লৈবাক অসিনা হোৎনবা ইন্দিয়ন নেভিনা মাংজিল থাদুনা হোৎনবা য়াওরি। লৈবাক অসিগী মফম কয়াদা দোক্তরশিং অমসুং কোবিদ-১৯গা মরী লৈনবা মচাক মথুমশিং হোন্দোক হোঞ্জিন তৌবদা ইন্দিয়ন নেভিগী আই.এল.-৩৮ অমসুং দোর্নিয়র এয়রক্রাফ শীজিন্নখি। পর্সনেল প্রোতেক্তিব ইক্বিপমেন্ত নবরকশক, খুনা পাইনবা তেম্পরেচর সেন্সরশিং, এসিসতেদ রেসপিরেতরি সিস্তেম, ৩-দি প্রিন্তেদ ফেস শিল্দ, থাংদোক থাংজিন য়াবা তোঙান তোঙানবা মল্তি-ফীদ ওক্সিজেন, ভেন্তিলেতর, এয়র-ইভাকুএসন স্ত্রেৎচর পোদ, বেগেজ দিসইনফেক্তেন্ত অসিনচিংবা মখল কয়াগী কস্তমাইজ ওইবা ইক্বিপমেন্ত ইন্দিয়ন নেভেল পর্সনেলনসু পুথোকখি। অনৌবা ৱাখল্লোনশিং অসি অয়াম্বা ওপরেসন সমুদ্র সেতু পাঙথোকইবা জহাজশিংদা পুথোকখি অমসুং মশিং য়ামদবা ইক্বিপমেন্ত অসি মী হোন্দোক্কদৌরিবা অসিগী য়ুমবু ওইরিবা লৈবাকশিং অদুদসু পীখি।

ইন্দিয়ন নেভিনা ওপরেসন সমুদ্র সেতুগীদমক মখোয়গী এমফিবিয়স সী লিফ জহাজ শীজিন্নখি হায়রিবা অসিনা হীরম কয়াদা শীজিন্নবা য়াবা প্লেৎফোর্ম অসিগী থবক পাঙথোকপদা মতেং পাংলি। জলশৱা, মগর, ঐরাভৎ অমসুং শার্দুলনা ওপরেসন সমুদ্র সেতু পাঙথোক্লিঙৈ অতোপ্পা লেন্দিং শিপ (তেঙ্ক) কেসরিনা ‘মিসন সগর’ পাঙথোক্তুনা চানবা চিঞ্জাক অমসুং অয়ুর্ভেদিক হীদাকশিং য়াওনা হীদাক লাংথক তোন ৫৮০ পুদুনা নুমিৎ ৪৯নিদা কিলোমিতর ১৪,০০০ থৌদুনা মালদিবস, মোরিসিয়স, মদগসকর, কোমোরোস আইলেন্দশিং অমসুং সেচেলসতা য়ৌখি। মোরিতিয়স অমসুং কোমোরোস আইলেন্দদা মিসন অসিগী শরুক অমা ওইনা মেদিকেল তীম অমমম থাখি।

ওপরেসন সমুদ্র সেতুগী মনুংদা হোন্দোরকপা ভারত মচা ৩,৯৯২ মথক্তা পীরিবা তেবল অসিগী মতুং ইন্না তোঙান তোঙানবা হিথাংফমশিংদা থুংখ্রে অমসুং মখোয় মশাগী স্তেৎ ওথোরিরিশিংদা শীন্নখ্রে। ওপরেসন অসি ইন্দিয়ন নেভিনা মপাল থৌরম পুবা, হোম পুবা, হকশেলগী মন্ত্রালয় অমসুং ভারত অমদি স্তেৎ সরকারশিংগা লোয়ননা চুংশিন্নদুনা পুন্না লৌখৎখি।

***