জল শক্তিগী কেন্দ্র মন্ত্রী শ্রী গজেন্দ্র সিংহ শেখাৱৎনা ঙসি ভিদিও কনফরেন্সকী থোংদা উত্তর প্রদেশগী মুখ্য মন্ত্রী শ্রী য়োগী অদিত্যনাথকা রাজ্য অদুদা জল জীবন মিশন চৎনহনবগী মতাংদা খন্ন-নৈনবগী মীফম পাংথোকখ্রে। মসি লৈবাক অসিদা খুঙ্গংগী মফমশিংদা লৈবা মীশিংনা মখোয়গী হিংবগী থাক অদু ফগৎহন্নবগী পান্দমদা মরুওইবা সর্ভিসশিং শোইদনা ফংহন্নবা ভারত সরকারনা কন্না হোৎনবনি। খুঙ্গংগী ইমুংশিংদা চাং নাইনা অমদি মতম শাংনা ওক্নবা চাংদা অমদি অয়াবা ফংলবা ক্বালিতীদা থক্নবা ঈশিং ফংহন্নবগীদমক্তা জল জীবন মিশন(জে.জে.এম.)গী থৌরাং অসি চৎনহনখিবনি। মিশন অসিগী পান্দমদি ময়াম পুম্বা য়ৌবা ঙমহন্নবা হায়বদি খুঙ্গংগী ইমুং খুদিংদা ময়ুম-ময়ুমদা তোতীগী কনেক্স ফংহনবনি।

উত্তর প্রদেশনা ২০২২ ফাওবদা রাজ্য অসিগী খুঙ্গংগী ইমুং খুদিংদা তোতীগী কনেক্সন অসি চাদা ১০০ ফংহন্নবগী থৌরাং তৌরি। হীরম অসিগী মতাংদা কেন্দ্র মন্ত্রীনা মিশন অসিগী মতাংদা সি.এম.গা মরিক চুম্না খন্ন-নৈনবগী মীফম অমা পাংথোকখ্রে। সি.এম.না খুঙ্গং অসিদা অকক্নবা মতমগী মনুংদা খুঙ্গংগী মফমশিংদা য়ুমদা তোতীগী কনেক্সন ফংহন্নবগী পান্দম অদু ফংনবগীদমক মিশন অসি পাক-শন্না চৎনহন্নবগী থাজবা পীখি। সি.এম.না বিন্ধ্য-বুন্দেলখন্দগী মফমশিংদা জে.ই./ঐচ.এস.কা লোয়ন-লোয়ননা অর্সেনিক অমসুং ফ্লোরাইদনা শোকহল্লবা জীলা ৩৮দা অহানবদা পায়খৎকদবা মরুওইবা থবক্তা য়ুম্ফম ওইদুনা অফবা থক্নবা ঈশিং ফংহন্নবগীদমক্তা রাজ্য অসিগী য়োজনা অসিগী মতাংদা পনখি।

খুঙ্গংগী মীশিংগী পুন্সি মহিং ফগৎহনবদা মিশন অসি মরুওইনা চংলিবা অদুদা লুম্না লৌরদুনা কেন্দ্র মন্ত্রীনা লৈরিবা ঈশিংগী পীবগী স্কীমশিং অসি রেত্রোফিতিং তৌনবা অমদি লৈরিবা মীয়ামগী স্তেন্দ-পোস্ততগী হৌরগা য়ুমদা তোতী কনেক্সন ফংহন্নবগীদমক্তা ময়ুমদা হল্লকপা মাইগ্রেন্তশিংবুসু মাগী-মাগী খুঙ্গংদা থবক ফংহন্নবগীদমক্তা কেম্পেন পাংথোকপা হৌনবগী ৱাফম থমখি। ঈশিংগী সর্ভিস দেলিভরী য়েংশিন্নবগীদমক্তা আই.ও.তি.দা য়ুম্ফম ওইবা সেন্সর সিস্তেম শেমগৎনবগীদমক্তা সি. এম.দা তকশিনখি। ময়ুমদা হল্লকপা মাইগ্রেন্তশিংদা থবক ফংহন্নবা খুঙ্গং খুদিংদা ঈশিং সপ্লাই পীবগী থবক অসি হৌদোক্নবদা কন্না হায়খি।

মন্ত্রী শ্রী সেখাৱৎনা রাজ্য অসিদা পান্দম অসি ফংহনবদা মথৌ তাবা তেংবাং পুম্নমক পীগনি হায়না অচেৎপা ৱাফম থমখিবা অদু অমুক হন্না পনখি। জল জীবন মিশন অসিগীদমক্তা ভারত সরকারনা ফংহনখিবা তোতীগী কনেক্সনশিং অমদি কেন্দ্র অমদি মপা চানবা রাজ্যগী শরুকশিং শিজিন্নবদা য়ুম্ফমদা ফন্দশিং পী। জল শক্তি মন্ত্রীনা উত্তর প্রদেশকী মুখ্য মন্ত্রীদা রাজ্য অসিদা চাদা ১০০গী চাংদা ২০২২ ফাওবা এফ.ঐচ.তি.সি. রাজ্য ওইহন্নবগীদমক্তা তেংবাংপুম্বা পীগনি হায়বগী থাজবা পীখি।

হৌজিক পাওবদা উত্তর প্রদেশকী খুঙ্গংগী য়ুম কোতী ২.৬৩গী মনুংদা শুপ্নতগী য়ুম লাক্ষ ১০.২৩দা তোতী ঈশিং ফংহনখ্রে। উত্তর প্রদেশনা ২০২০-২১ ফাওবদা ইমুং কোতী ১.০২দা তোতীগী কনেক্সন ফংহন্নবগী থৌরাং তৌরি।

২০২০-২১দা লুপা কোতী ২,৫৫০.৯৪ শেন্থং থুংখিবা অমদি রাজ্যগী শরুক য়াওরগা পুন্না লুপা কোতী ৬,৯৬৬.২৬ শোইদবা মওংদা লৈরি। রাজ্য অসি ফিজিকেল অমদি ফাইনান্সিএল পর্ফোর্মেন্সতা য়ুম্ফম ওইরগা অহেনবা শেন্থং লৌবদা মতিক চাই। উত্তর প্রদেশকী পি.আর.আই.দী ১৫শুবা ফাইনান্স কমিসন গ্রান্ততগী লুপা কোতী ৯,৭৫২গী শেন্থং ফংহনখ্রে অমসুং মসিদগী চাদা ৫০ ঈশিং ফংহন্নবা অমসুং লু-নানবগী থবক্কীদমক্তা শিজিন্নফম থোকই। মরম অসিনা কেন্দ্র মন্ত্রীনা মুখ্য মন্ত্রীদা খুঙ্গংদা ঈশিং ফংহন্নবা, গ্রে-ৱাতর ত্রিতমেন্ত অমদি অমুক হন্না শিজিন্নবদা অমসুং মরু ওইনা ঈশিং ফংহন্নবগী স্কীমশিং মতম শাংনা থবক পাংথোকহন্নবা অমদি নিংথিজনা য়েংশিন্নবদা শোইদবা মওংদা লেপথোক্নবগীদমক্তা ফন্দ অসিবু শিজিন্ননবা থৌরাং শেম্নবা হায়খি।

কেন্দ্রগী মন্ত্রীনা ভিলেজ এক্সন প্লান(ভি.এ.পি.)গী থৌরাং শেম্বগা লোয়ন-লোয়ননা খুঙ্গংগী পঞ্চায়েৎকী সব-কমিতীগী মওংদা য়ামদ্রবদা নুপীনা চাদা ৫০গী চাংদা মীহুৎ ওইবা ভিলেজ ৱাতর অমসুং সেনিতেসন কমিতী/পানী সমিতি শেম্নবগীসু লুম্না হায়খি। মসিগী কমিতী অসিনা খুঙ্গংদা ঈশিং ফংহনবগী ইনফ্রাস্ত্রকচরগী য়োজনা, দিজাইন, থবক পাংথোকপা অমসুং চৎনহনবা অমদি য়েংশিন্ননবগীদমক্তা থৌদাং লৌগনি। খুঙ্গং খুদিংমক্তা ভিলেজ এক্সন প্লান(ভি.এ.পি.) শেমদুনা মদুদা তঙাই ফদবা মওংদা থক্নবা ঈশিং ফগৎহন্নবা/হেনগৎহন্নবা, গ্রে-ৱাতর মেনেজমেন্ত অমসুং ওপরেসন অমদি নিংথিজনা য়েংশিনবা য়াওগনি। খুঙ্গং খুদিংমক্তা জল জীবন মিশন অসি তশেংনা মীয়ামগী ইহৌ অমা ওইহন্নবা কম্যুনিতী মোবিলাইজেসনগীদমক্তা আই.ই.সি. কেম্পেন হৌদোকপগী মথৌ তাই।

সরকারনা হৌজিক থেংনরিবা কোবিদ-১৯গী লায়চৎ অসিগী অরুবা ফীভম অসিদা খুঙ্গংগী মীশিংনা ময়ামগী অপুনবা স্তেন্দ-পোস্তগী ঈশিং লৌনবগী অৱাবা অদু থেংনদনবা ইমুংশিংদা অহানবা ওইনা পাংথোক্কদবা থবক্তা য়ুম্ফম ওইদুনা তোতীগী কনেক্সন ফংহনগদবনি।

****