প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাংথোকখিবা কেন্দ্রগী মন্ত্রী মন্দল মীফম্না ঙসি ইম্প্লোয়ী প্রোবিদেন্ত ফন্দগী মখাদা ইম্প্লোয়ীগী চাদা ১২ অমসুং ইম্প্লোয়রগী চাদা ১২, জুন্দগী ওগস্ত, ২০২০ ফাওবা থা অহুমগী ওইনা অপুনবা চাদা ২৪ য়ৌনা কোবিদ-১৯ লাইচৎকী য়েংদুনা প্রধান মন্ত্রী গরীব কল্যান য়োজনা/ আত্মনির্ভর ভারতকী মখাদা শাংদোকপদা অয়াবা পীখ্রে।

মসিগী অয়াবা অসি হৌজিক লৈরিবা স্কিম অসিগী মথক্তা মার্চতগী মে, ২০২০ ফাওবদা খুৎশুমল পীনবা ১৫.০৪.২০২০দা অয়াবা পীখিবদুদা হাপচিল্লকপনি। অপুনবা এক্সপেন্দিচরদি লুপা কোতি ৪.৮৬০ ওইগদৌরি। ইস্তাব্লিস্মেন্ত লাখ ৩.৬৭দা লৈবা লাখ ৭২ হেনবা ইম্প্লোয়ীশিংনা কান্নবা ফংগদৌরি।

তোপ-তোপ্পা মওং মতৌশিং:

ৱারেপ অদুগী তোপ-তোপ্পা মশক মওংশিংদি মখাদা পীরিঃ

১) ইম্প্লোয়ী ১০০ ফাওবা লৈবা অমসুং অসিগুম্বা ইম্প্লোয়ীশিং অসিনা থাগী খুৎশুমল ১৫,০০০দগী তানা তাঞ্জবা ইস্তাব্লিশমেন্ত খুদিংমক্তা স্কিম অসিনা জুন, জুলাই অমদি ওগস্ত, ২০২০গী খুৎশুমল কোনশিনগনি।

২) ইস্তাব্লিশমেন্ত লাখ ৩.৬৭দা থবক শুরিবা শিন্মী লাখ ৭২.২২রোমদা কান্নবা ফংগনি অমসুং থবক্তা অকাইবা লৈরবসু মখোয়গী পেরোলদি মখা চত্থরবা য়ারি।

৩) মসিগীদমক সরকারনা ২০২০-২১গীদমক লুপা কোতি ৪৮০০গী শেলগী ওইবা মতেং পীগনি।

৪) প্রধান মন্ত্রী রোজগর প্রোৎসাহন য়োজনাগী মখাদা জুনদগীনা ওগস্ত, ২০২০ ফাওবগী ইম্প্লোয়র্সকী কন্ত্রিব্যুসন চাদা ১২ ফংগদবা বেনিফিসরীশিংদি কান্নবা হঞ্জিন্না ফংদনবগীদমক মশিং থারোই।

৫) লোকদাউন মতম শাংনা তৌখিবনা, করবার কয়া মখোয়গী মহৌশাগী লম্বীদা হঞ্জিল্লকপদা শেলথুমগী ওইবা খুদোংচাদবা কয়া থেংনরি। মরম অসিনা, ইকাই খুম্নজরবা শেল-থুম মন্ত্রীনা আত্মনির্ভর ভারতকী শরুক অমা ওইনা ১৩/৫/২০২০দা লাউথোকখ্রে মদুদি, করবারশিং অমসুং শিন্মীশিংগী ই.পি.এফ. সপ্পোর্ত অসি জুন, জুলাই অমসুং ওগস্ত, ২০২০গী খুৎশুমল ওইনা থা অহুম অমগা শাংদোক্লগনি।

সরকারনা মতম-মতমগী ওইনা খুৎশুমল পীকপা শিন্মীশিংনা থেংনরিবা খুদোংচাদবশিংবু কোকপীনবা লৌখৎলক্ললিবা হায়রিবা খোংথাংশিং অসি স্তেকহোল্দরশিংনা হরাউ তয়াম্না ওক্লি।

***