কেন্দ্রগী সাইন্স অমসুং তেক্নোলোজী, হকশেল অমসুং য়াই-য়ুম্বাল অমদি আর্থ সাইন্সকী মন্ত্রী দা. হর্শ বর্ধন অমসুং কেন্দ্রগী লৌউ-শিংউবা অমসুং লৌমীশিংগী চাওখৎ-থৌরাং অমদি খুঙ্গং চাওখৎনবা অমসুং পঞ্চায়েৎকী লৈহাক্কী রাজ্য মন্ত্রী শ্রী নরেন্দ্রে সিংহ তোমারনা ভিদিও-লিঙ্ককী থোংদগী ঙসি দা. হর্শ বর্ধন্না শ্রী নরেন্দ্র সিংহ তোমারগা লোয়ননা ‘ভারত্তা নেনো-বেজ এগ্রী-ইনপুৎ অমসুং চিঞ্জাক্কী পোত্থোকশিং ইভাল্যুএসন তৌনবা গাইদলাইনশিং’ চৎনহনখ্রে। মসিগী গাইদলাইনশিং অসি সাইন্স অমসু তেক্নোলোজী মন্ত্রালয়গী দিপার্তমেন্ত ওফ বাইওতেক্নোলৌজী(দি.বি.তি.), লৌউ-শিংউ অমসুং লৌমীশিংগী য়াইফনবগী মন্ত্রালয়গী ফুদ সেফতি অমসুং স্তেন্দর্ত ওথোরিতী ওফ ইন্দিয়া(এফ.এস.এস.এ.) হকশেল অমসুং য়াইফ-য়ুম্বাল মন্ত্রালয়গা পুন্না খুৎশম্নবা মওংদা শেমখিবনি। থৌরম অসিদা কেন্দ্রগী পঞ্চায়তী অমদি লৌউ-শিংউ অমসুং লৌমীশিংগী য়াইফনবগী রাজ্য মন্ত্রী শ্রী পরশোত্তম খোদাভাই রুপলা, দিপার্তমেন্ত ওফ বাইওতেক্নোলোজীগী সেক্রতরী দা. রেনু স্বরুপ, লৌউ-শিংউ বিভাগ, তেংবাং অমসুং লৌমীসিংগী য়াইফনবা বিভাগকী সেক্রতরী শ্রী সঞ্জয় অগ্রৱাল, এফ.এস.এস.এ.আই.গী সি.ই.ও. শ্রী অরুন সিংঘল অমসুং সরকারগী, রিসর্স ইন্সতিত্যুতশিং অমসুং য়ুনিভর্সিতীশিংদগী মকোক থোংবা ওফিসিএলশিং অসুং অখং-অহৈশিং য়াওখি।

থৌরম অসিদা ৱা ঙাংলদুনা দা. হর্শ বর্ধন্না হায়খি, “হেনগৎলক্লিবা মী মশিং অসিবু চিঞ্জাক ফংহনবগী মথৌ তাবা অমদি হোংলক্লিবা পোৎচংশিং অসি মপুং ফাহন্নবগীদমক্তা লৌউ-শিংউগী পোত্থোক্তা ফগৎহন্নবা অমসুং হেন্না অফবা শোই-ঙামদনবশিং গীদমক্তা নেনো-বাইওতেক্নোলোজীদা লৌউ-শিংউবগী সিস্তেশিং হেন্না ফগৎহন্নবগী মপাঙ্গল লৈ। মহাক্না হায়খি, "মহৈ-মরোংদা চাং য়াম্না কেমিকেলগী ইনপুৎশিংগা চাংদম্নবদা নেনো-ন্যুত্রিএন্তকী মচাকশিং শিজিন্নবদগী লৈবাক অমসুং ঈশিংগী ইমায়দা থুনা চংশিনখিবা ন্যুত্রিএন্ত অদু তানা য়াওবা অদু কোকহনবা য়াই অমসুং অমসুং মতৌ অদুম্না অকোয়বদা লৈরিবা পোলুসনশিং অসিসু হন্থহনবা য়াই”। "ভারত সরকারগী বিভাগশিং অমসুং এজেন্সীশিংনা নেনোতেক্নোলোজীগা মরি লৈনবা তোঙান-তোঙানবা থৌরমশিং শৌগৎখ্রে” মহাক্না মখা তানা ফোংদোকখি। সাইন্তিস্তশিংদা নুংঙাইবা ফোংদোক্লদুনা দা. হর্শ বর্ধন্না হায়খি, “মসিগী ‘গাইদলাইনশিং’ অসিনা লৌউ-শিংউ অমসুং চান-থক্নবদা নেনো-বেজ ওইবা পোত্থোকশিংগীদমক্তা লৈরিবা চৎন-কাংলোনশিংগী ই-পাও পীদুনা কাংলোন নাইনা থৌশিল-থৌরাং ৱারেপশিং লৌবদা মতেং পাংগনি অমসুং পান্দম থম্লিবা পোত্থোকশিং অদু ফবা হেনগৎহনগনি। অমসুং চাং নাইনা মথৌ পাংথোকহল্লিবশিংদা মতেং পাংগনি।” সাইন্স অমসুং তেক্নোলোজীগী মন্ত্রীনা হায়খি,

“মসিগী ‘গাইদলাইনশিং’ অসিনা ভারতকী এগ্রী-ইনপুৎ অমসুং চিঞ্জাক্কী সেক্তরশিংদা তুংগী ওইবা নোভেল নেনো-বেজ ওইবা পোত্থোকশিংগী অফবা থৌরাংশিংগীদমক্তা থৌশিল-থৌরাং শেম্লিবশিং অমসুং চাং নাইনা মথৌ পাংথোকহল্লিবশিংদা মতেং পাংগনি। মসিগী গাইদলাইনশিং অসিনা ভারতকী ইনৌ-নৌবা অমসুং ইন্দস্ত্রীশিংগী সেক্তরদা অসিদা অনৌবা নেনো-তেক্নোলোজীদা য়ুম্ফম ওইবা পোত্থোকশিং ফগৎহনবদা অমসুং লল্লোন-ইতিক্কীদমক্তা ইনোৎ হাপকনি।”

শ্রী নরেন্দ্র তোমারনা ৱাফম অসি পুথোক্তুনা মসিগী গাইদলাইনশিং অসি শেম্বদা ক্বালিতী, শোই-ঙামদবা অমসুং ইফেক্তিব ওইনা ওন্নবগীদমক্তা লল্লোনবা য়াবা অনৌবা নেনো-ফোর্মুলেসন অমসুং পোত্থোকশিং অসি মরু ওই। মহাক্না হায়খি, "মসিগী গাইদলাইন অসিগী পান্দমদি ভারত্তা নেনো-বেজ এগ্রী-ইনপুৎশিং অমসুং চানবা পোত্থোক্কীদমক্তা মনুং-মপাল শেংবা, পুকচেল লেপ্পা অমসুং হান্না খংদোকপা য়াবা কাংলোন নাইনা পাংথোকহনবা য়াবা প্রোসেসশিং ফংহনবনি। মন্ত্রীনা হায়খি, “মসি খ্বাইদগী থোইদোক-হেন্দোক্না ফরবা খোংথাংনি, মসিদগী নেনো তেক্নোলোজী অমসুং নেনো-বেজগী পোত্থোকশিংগা মরি লৈনবা বিভাগ অমসুং মন্ত্রালয়শিং প্লেৎফোর্ম অমতদা পুশিল্লকপদা মায় পাক্লি।" মহাক্না হায়খি, "‘ভারত্তা নেনো-বেজ এগ্রী-ইনপুৎ অমসুং চিঞ্জাক্কী পোত্থোকশিং ইভাল্যুএসন তৌনবা গাইদলাইনশিং'' অসিদগী ঐখোয়গী মিশন-‘২০২২ ফাওবদা লৌউ-শিংউগী চাগা অসি শরু অনি হেনগৎহনবা’ অমসুং 'সস্তেনেবল ওইবা লৌউ-শিংউগীদমক নেস্নেল মিশন'দা কান্নহল্লগনি।

হৌজিক-হৌজিক্কী ‘গাইদলাইন’ অসি নেনো-এগ্রী-ইনপুৎ প্রদকশিং(এন.এ.আই.পি.) অমশুং নেনো-এগ্রী প্রদক্স(এনয়.এ.পি.)দা চৎনগনি। মসিগী গাইদলাইন অসি এন.এম.দগী শেম্বা কম্পোজিৎ অমসুং সেন্সরশিংদসু চৎনগনি। মসিগী গাইদলাইনশিং অসি দেতা এক্বিজিসনশিংগীদমক্তা মহৈ-মরোংশিং, চীঞ্জাক অমসুং ফীদকীদমক্তা হকথংননা পাও ফাওনবগী মথৌ তাবশিংগীদসু চৎনগনি।

For detailed Guidelines, please click here. (Attachment)

***