ভারত সরকারগী সাইন্স অমসুং তেক্নোলোজী বিভাগকী ওতোনোমস ইম্সতিত্যুত ওমা ওইরিবা ইন্দিয়ন ইন্সতিত্যুত ওফ এস্ত্রোফিজিক্স(আই.আই.এ.)না মখোয়গী অন্তর্রাস্ত্রীয়গা খুৎশম্নমিন্নরিবশিংগা লৌয়ননা হন্দক্তা ফোংখিবা নৈনবা অমদা লিথিয়ম পুথোকপা অসি মাস হন্থবা নুমীৎকা মান্নবা থৱান্মিচাকশিংনা মখোয়গী হি-কোরদা চাকপগী তাঙ্কক্তা তোইনা তৌনবনি হায়না অহানবা ওইনা কন্না য়েংশিন্নিংঙাই ওইবা থুদম অমা পীখ্রে।

মঙালদা চাকথেকপা ঙমদবা লিথিয়ম(এল.আই.) ধাতুনা অনৌবা ই-পাও ফাওনবগী অমসুং চত্থোক-চৎশিনগী মওং ওন্থোকহনখ্রে। ঙসিগী তোক্নোলোজী অসিদা অচৌবা দিল অমা লিথিয়ম্না মাগী তোঙান-তোঙানবা মচুশিংনা থবক পাংথোকহল্লি। অদুবু ইলিমেন্ত অসি কদায়দগী লাকপনো? লিথিয়ম ময়াম অমগী হৌরকফম অসি হৌজিক্কী মতমদা লৈরিবা য়ুনিভর্স অসিনা শেমদ্রিঙৈগী মমাং চহি মিলিয়ন ১৩.৭মুক্কী মমাংদা থোকখিবা বিগ বেঙ্গী অসি থৌদোক অমত্তংদা ত্রেস তৌবা য়াই।

মতমগী মতুং ইন্না য়ুনিভর্সতা লিথিয়ম য়াওবগী চাং অসি য়ুনিভর্স অসিনা লৈরকখিবা চহি মিলিয়ন কয়াগী থোরকখ্রবা কার্বোন, নাইত্রোজেন, ওক্সিজেন, য়োৎ, নিক্কেল অমদি অতৈশিংগা চাংদম্নবদা ফেক্তর মরীনা হেনগৎহনখি থৱান্মিচাকশিং অসি মাস কাপথোরকপদগী অমদি থৱান্মিচাকশিং পোকখাইরকদগী ইলিমেন্তশিং অসি হেন্না লুহনবদা মরু ওইবা থৌদাং লৌই। অদুম ওইনমক লিথিয়ম অসি কোকথোকপিখ্রবা অমা ওইনা লৌনৈ!

হৌজিক্কী খ্বাইদগী অফবা মোদেলশিংদা য়ুম্ফমদা হৌজিক-হৌজিক লৈরিবা ৱাখল্লোনশিংগী মতুং ইন্না লিথিয়ম অসি থৱান্মিচাকশিং অসি ঐখোয়গী নুমীৎকুম্না মখোয়গী মপুন্সি লোইরগা অদুম মাং-তাকখিগনি।

অচুম্না ৱাফম অমা ওইনা, নুমীৎ অমসুং পৃথীবিগী ইলিমেন্ত পুম্নমক অসিদা য়াওরিবশিং অসি মান্নৈ। তৌইগুম্বসুং মখোয় অনিমক পুন্না শেমখিবা ওইরগসু নুমীত্তা য়াওরিবা ওন্থোক্লবা লিথিয়ম অসি পৃথীবিদগী শরুক ১০০ হন্থবগী ফেক্তর অমনি।

মথক্তা পনখ্রিবা পেপর অসিগা মকোক থোংবা অইবা অমা ওইরিবা প্রোফেসর ইশ্বর রেদ্দীনা হায় “মসিগী দিসকোভরি অসি মতম কুইনদগী লৈনরক্লবা থৱান্মিচাকশিং অসিনা মাগী মপুন্সিদা লিথিয়ম অসি মাং-তাকহল্লি হায়বগী ৱাখল্লোন অসিবু শিংনরি, মসিনা মোদেলশিংনা হান্না খংদোকপা ঙমদবা নুমীৎনা তুংদা লাক্কবা মতমদা মশানা লিথিয়ম শেমগনি হায়বসিনা স্তেলর থিওরিদা চিত্থহৌরবা ফিজিকেল প্রোসেস খরা লৈরে হায়বসি উৎলি।”

অইবশিংনা জি.এ.এল.এ.ঐচ.(গেলেক্তিক আর্কিওলোজী প্রোজেক, এঙ্গলো-অস্ত্রেলিয়ন তেলেস্কোপ, অস্ত্রেলিয়া) অমসুং য়ুরোপিয়ন স্পেস মিশন(গাইয়া)গী লাপ্না লৈবা মফমশিংদগী অচৌবা সর্ভেশিংদগী খোম্লকপা থৱান্মিচাক চামা-লিশিং কয়াগী স্পেক্ত্রা শিজিন্নরম্মি।

ফিগর ১: অঙাংবা জাইন্ত, হি-ফ্লেস(আর.জি.বি. তিপঃ অমসুং হি-কোর চাক্লিঙৈগী তাঙ্কক্তগী মরুওইবা সিক্বেন্সতগী থৱান্মিচাকশিংদা লিথিয়ম শেম্লকপা। খংয়ৈ-য়ৈশিল্লক্লিবা লৈইশিং অসিনা মোদেল অদু হান্না খংদোকপা অদুনি। অঙাংবা সিম্বোলশিংগী বেন্দ অসিনা অঙাংবা ক্লম্পকী মফমশিংগী হি-কোর চাকপা তাক্লি।

মখা তানা অইবশিং অসিনা “হি-ফ্লাস”(ভাইওলেন্ত ইরপসন্দগী থোরকপা থৱন্মিচাকিকী কোরদা হি-ইগ্নিসনগী ওন-সেত), থৱান্মিচাক্কী কোর হাইদ্রোজেন চাকথেকপগী তাঙ্কক্তা লিথিয়ম থোরকহল্লকফম ওইনা মশক খংদোকখি। ঐখোয়গী নুমীৎনা তাঙ্কক অসি চহি বিলিয়ন ৬-৭দা য়ৌগনি।

নৈনবা অসিনা হৌজিক ফাওবা শিজিন্নরিবা থ্রেসহোল্দ (A(Li) > 1.5~dex) গী শরুক ২৫০দগী হন্থবা লিথিয়ম মরাং কাইনা য়াওবা থৱান্মিচাকশিং খায়দোক্নবগী পনখৈশি (A(Li) > -0.9~dex)গী ৱাফম তাক্লি।

প্রোফংসর রেদ্দীনা মখা তানা হায়খি, “মথংগী য়াম্না লুবা খোংথাং অসি হিথের্তো অসি খংদনা অদু লৈরিবা হি-ফ্লেস অমসুং মেকানিজমশিং য়ানশিন্নরিঙৈগী মতমদা ন্যুক্লোসিন্থেসিস খংনবা তৌবনি অমসুং বিগ-বেঙ্গদা মসি শেম্লকপদগী হৌরগা হৌজিক্কী ভেল্যু ফাওবা শুপ্নতগী থৱান্মিচাকশিংদগী য়েংঙগা খংননবা হোৎনবনি মরমদি নৌনা শোম্বা লিথিয়মগী থৱান্মিচাকশিং শৃঅসিগুম্না থৱান্মিচাকশিংদগী পাইথোকহনখিবা তারবদি মথংগী মরোলগী থৱান্মিচাকশিংগী মথংগী মরোলফাওবা ফুক্কৎনরগনি। ”

দি.এস.তি.গী সেক্রতরী প্রোফেসর আশুতোশ শর্মানা হায়খি, “প্রোফেসর রেদ্দী অমসুং মহাক্কী তীমগী থবক অসি লৈবাক অসিদা মনুং হঞ্জিন্না সাইন্সতা দিসকোভরি তৌবগী অমসুং নৌরিবা সাইন্তিস্তশিংনা মখোয়না সাইন্তিফিক ওইবা থবক চত্থবদা মঙাল অমা ফংহন্দুনা থৌগল তৌবগী খুদম অমনি।”

[পব্লিকেসনগী ৱারোলশিং: https://www.nature.com/articles/s41550-020-1139-7.pdf

https://www.nature.com/articles/s41550-020-1139-7?utm_campaign=MultipleJournals_USG_ASTRO&utm_source=Nature_community&utm_medium=Community_sites&utm_content=BenJoh-Nature-MultipleJournals-Astronomy_and_Astrophysics-Global

অতৈ মরিক চুম্বা ৱারোলশিংগীদমক্তা Eswar Reddy (ereddy@iiap.res.in) দা পাও ফাওবা য়াগনি। ]

***