কেমিকেলস অমসুং ফর্তিলাইজরগী য়ুনিয়ন মিনিস্তর দি.ভি সাদানন্দা গৌরানা হায়খি হৌজিক কালেন লৌরোক মনুংদা লৈবাক শীনবা থুংনা হার ফংদবা লৈতে। রাজ্য সরকারশিংগা ৱা তান্নদুনা দরকার ওইবা চাংশিং মমাংদা পীখ্রে।

ঙসি নিউ দিল্লিদা মৈধ্য প্রদেশকী চীফ মিনিস্তর সিবরাজ সিংহ চৌহানগা উনবদা মহাক্কী রাজ্যনা দরকার ওইবা হার মরাং কাইনা পীগনি হায়না শ্রী গৌরানা থাজবা পীখি। চৌহান্না হায়খি হৌজিক ফাওবদা রাজ্য অসিদা য়ুরিয়া ফংদবা লৈত্রবসু, কুমগী নোং চুবা হেনগৎলকপদগী অমসুং মমাং চহিগা চাংদম্নবদা মহৈ-মরোং হুনবা চাদা ৪৭ হেনগৎপদগী য়ুরিয়া শীজিন্নবা হেনগৎলকলে।

জুলাই, অগস্ত অমসুং সেপ্তেম্বর থা মনুংদা য়ুরিয়া শীজিন্নবা হেনগৎলক্কদবা মরম্না রাজ্য অদুদা অহেনবা য়ুরিয়া পীনবা মহাক্না কেন্দ্র সরকারদা হায়জখি।

মৈধ্য প্রদেশতা য়ুরিয়া মরাংকাইনা পীগনি হায়না য়ুনিয়ন মিনিস্তরনা থাজবা পীখি। হৌজিক ফাওবদা রাজ্য অসিনা অহেনবা য়ুরিয়া মেত্রিক তন ৫৫০০০ ফংখ্রে অমসুং ২০২০, জুলাই ৩দা মেত্রিক তন ১৯০০০ পীখ্রে। ফিবম অসি য়ুনিয়ন ফর্তিলাইজর দিপার্তমেন্তনা মখা তানা য়েংশিল্লি অমসুং হৌজিক চৎথরিবা কালেন লৌরোক মনুংদা লৌমীশিংনা দরকার ওইবা য়ুরিয়া মরাং কাইনা পীগনি হায়না থাজবা পীখি। মহাক্না হায়খি প্রধান মন্ত্রী নরেন্দ্র মোদীনা লুচিংবা কেন্দ্র সরকারনা লৌমীশিংদা মতম চানা অহোংবা মমলদা হারশিং মরাংকাইনা ফংহল্লি।

হান্ননা পারম্বা নোংচুদগী ফিবম হেন্না ফগৎলকপদগী লৈবাক শীনবা থুংনা মে অমসুং জুন থাদা চৎলিবা কালেন লৌরোক অসিদা দি.বি.তিগী খুৎথাংদা হার য়োনবা ফজনা হেনগৎলকপা উরে।

মমাং চহিগা চাংদম্নবদা , মৈধ্য প্রদেশতা দি.বি.তিগী খুৎথাংদা হার য়োনবা মে অমসুং জুন থাদা চাদা ১৭৬ অমসুং চাদা ১৬৭ হেনগৎলে। রাজ্য অসিদা হৌজিক য়ুরিয়াগী ফিবম ফনা লৈরি অমসুং ২০২০গী জুলাই ৪ ফাওদবা এম.তি লাখ ৪.৬৩ লৈরি। ফিবম অসি য়ুনিয়ন ফর্তিলাইজর দিপার্তমেন্তনা মখা তানা য়েংশিল্লি অমসুং করিগুম্বা অহেনবা য়ুরিয়া দরকার ওইরকপদা পীগনি হায়রি।

*****