শোরোক্কী মগুন ফগৎহন্নবা হায়দুনা নেস্নেল হাইৱেজ ওথোরিতী ওফ ইন্দিয়া (এন.ঐচ.এ.আই.)না রোদ ত্রান্সপোর্ত এন্দ হাইৱেজ মন্ত্রালয়গী মখাদা লৈবাক অসিদা লৈরিবা হাইৱেশিংগী মগুনশিংগী মতুং ইন্না মকোক মথংগী পরিং খায়নবা ৱারেপ অমা লৌখ্রে। মসিগী থৌওং অসিনা তঙাই ফদবগী মতুং ইন্না চেকশিন তৌরাং কয়া লৌখত্তুনা লম্বীশিংগী মগুন ফগৎহন্দুনা হাইৱে চৎপা মীওইশিংদা অৱাংবা থাক্কী সেবা ফংহনগনি।

য়েংশিনগদৌরিবা হীরমশিং অসি ইন্তর্নেল প্রেক্তিসশিং অমসুং ভারতকা চান্নবা হাইৱেগী অফবশিং বেঞ্চমার্ক তৌবগী স্তদীশিংদা য়ুম্ফম ওইগনি। য়েংশিনবগী থৌওং অসি মরু ওইবা কাংলুপ অহুম থোক্না খায়দোক্কনিঃ হাইৱে ইফিসিএন্সী (৪৫%),হাইৱে সেফতী (৩৫%) অমসুং য়ুজর সর্বিস (২০%)। য়েংশিনবসিগী ওইরকপা ৱারোইশিন কয়া অসি ওথোরিতীনা মনুং হুৎনা য়েংশিল্লবা মতুংদা মপুং ওইবা অফবা সর্বিস্কী মগুন পুরকপা ঙম্নবগীদমক চংগদবা থবক থৌরমগী থাকশিংগী ৱারেপ লৌগনি।

অহেনবা ওইনা, মরু ওইবা পেরামীতরশিং, হায়বদি ওপরেতিং স্পীদ, এক্সেস কন্ত্রোল, তোল প্লাজাশিংদা চংবা মতম, লম্বীগী সাইনেজশিং, লম্বীগী মার্কিংশিং, খুদোংথিবা থোকপগী চাং, থৌদোক থোকপদা থুনা য়ৌবগী ঙম্বগী চাং, ক্রাস বেরিয়রশিং, মৈ থানবা, এদবান্সদ ত্রাফিক মেনেজমেন্ত সীস্তেম (এ.তি.এম.এস.) লৈবা লৈতবা, স্ত্রকচরশিংগী মথৌ তৌবগী ফিভম, গ্রেদ সেপেরেতেদ ইন্তর্সেক্সন লৈহনবা, লু-নানবা, উ থাবা, লম্বী নাকলদা লৈবা তঙাই ফদবা খুদোংচাবশিং অমসুং কস্তমরশিংনা পেনবনচিংবশিং অসি য়েংশিনবা মতমদা খন্নগনি।  

পেরামীতর খুদিংদা হীরমশিং অসিনা ফংবা স্কোরশিং অসিনা ফীদবেক অমদি তেক্ত কায়দনবা হীরমশিং অমসুং হৌজিক লৈরিবা হাইৱেশিং অসিদগী অমুক্কা হেন্না নুংঙাইগদবা মওংশিং অসিবু ফগৎহন্দুনা অৱাংবা থাক্কী থবক তৌবদা চংগদবা চুম্থোক্নবা হীরমশিংগী ৱাফম কয়া পীগনি। মসিনা অতোপ্পা এন.ঐচ.এ.আই.গী প্রোজেক্তশিংগী দিজাইন, থাক, চৎনবিশিং, কাংলোনশিং অমসুং কন্ত্রেক্ত এগ্রীমেন্তশিংগী মরক্ত লৈবা অহোবশিং মশক খংদোকপা অমসুং চুম্থোকপদা তেংবাংগনি।

কোরিদোরশিং অসিগী মকোক মথং শেম্বা অসি দাইনামীক ওইগনি অমসুং কোরিদোর অসিদা লৈরিবা সেবাশিং অসিবু ফগৎহন্দুনা কন্সেসিনাইরশিং/কন্ত্রেক্তরশিং/ওপরেতরশিংনা মখোয়গী মকোক মথংদা লৈগদবা থাকশিং শেমদোকপগী খুদোংচাবা ফংগনি। কোরিদোরশিংগী অপুনবা মকোক মথং শেম্বা অসিগী মথক্তা বি.ও.তি., ঐচ.এ.এম. অমসুং ই.পি.সি. প্রোজেক্তকী তোঙানবা মকোক মথংগী পরিং অমসু শেমগনি। মসিগী থৌওং অসিনা থবক তৌবদা হেন্না মওং চুম্বা অমসুং থাক ৱাংনা লম্বী শেন্নবদশু মতেং ওইগনি।

*****