সি.আই.আই.গী মেম্বরসু ওইবা ইন্দস্ত্রীগী মচিং চৎপা মীওই ৩০ রোম্না নুমিৎ নিনিগী রাউন্দ তেবল মীফমদা শরুক য়াখি অমসুং অনৌবা এস.তি.আই.পি. ২০২০গী মতাংদা ৱাফম খন্নখিবতা নত্তনা সোসিএল প্রোব্লেমশিংগী ৱারোইশিন পুরকপা ঙম্ববা তুং কোইনা চৎকদবা আর. এন্দ দি. ইকোসীস্তেম অমা করম্না শেমগদগে হায়না খন্নখি। ইন্দস্ত্রীগী মকোক ওইবশিংনা ইন্দস্ত্রী অমসুং মহৈ-মশিং তম্বশিংগী মরক্তা হেন্না খুৎশম্নদুনা চৎপগী তঙাই ফদবশিং অমসুং জি.দি.পি.গী চাগী শরুক ওইনা আর. এন্দ দি.দা শেল থাদবা হেনগৎপগী তঙাইফদবশিংশু খন্নবদা য়াওখি।

খন্নখিবা অদুনা ইন্দস্ত্রীদা আর. এন্দ দি.দা শেল থাদবা হেনগহন্নবা ইথিল অমসুং পুক্নিং থৌগৎপা হেনগৎপগী মতাংদা অহেনবা মিৎফম থমখি অমসুং মসিগী ওইনা সি.এস.আর. ফন্দ শিজিন্নহনবগী মতাংদশু মিৎয়েং চংখি। মীফমদুদা ইন্দস্ত্রীগী মকোক থোংবশিংনা লমদমশিদা তেক্নোলোজী চাউখৎহন্নবা অমসুং মরোমদোম লেপচবগী মাইকৈদা চৎনবগী ইন্দস্ত্রী, লাইরিক-লাইশু তম্বদা অমসুং সরকারগী মনুংদা চৎনবী অমা শেম্নবা সি.এস.আর.গী ফন্দ শিজিন্নবগী মতাংদশু খন্নখ্রে।

অনৌবা সাইন্স, তেক্নোলোজী অমসুং ইন্নোবেসন পোলিসী এস.তি.আই.পি. ২০২০ শেম্বগী ইন্দস্ত্রীগী অৱাংবা থাক্কী খন্নবগী রাউন্দতেবলগী অনিশুবা নুমিত্তা ভারত সরকারগী প্রিন্সিপাল সাইন্তিফিক এদবাইজর প্রোফ. কে. বিজয় রাঘবন অমসুং দি.এস.তি. সেক্ত্রেতরী প্রোফ. আশুতোশ শর্মনা ইন্দস্ত্রীদা আর. এন্দ দি.দা শেল থাদবা হেনগহন্নবা ইথিল অমসুং পুক্নিং থৌগৎপা হেনগৎপগী মতাংদা অমসুং মসিগী ওইনা সি.এস.আর. ফন্দ শিজিন্নহনবগী মতাংদা অহেনবা মিৎফম থমখি।

প্রোফ. কে. বিজয় রাঘবন্না মহাক্কী শক্তাক ৱাহৈদা রিগুলেতরী সীস্তেম অসি শেমদোকপা তঙাই ফদে অমসুং সি.এস.আর. মেকানিজম অসি মসিগী আর. এন্দ দি.গী থবকশিং চাউথোকহন্নবা শিজিন্নরগনি হায়খি।

প্রোফ. আশুতোশ শর্মনা অশাংবা মতমগী ওইবা, ইন্দস্ত্রীশিংনা আর. এন্দ দি.দা শেল থাদহন্নিংবা ফাউহনবা য়াবা, অমসুং জ্ঞান পীবা অমসুং জ্ঞান লৌরিবা মীওইশিংগী মরক্তা পাউ ফাওনহন্নবা অচৌবা পোলিসী অমগী তঙাই ফদবগী মতাংদা অহেনবা মিৎয়েং চংখি।

কনফেদেরেসন ওফ ইন্দিয়ন ইন্দস্ত্রী (সি.আই.আই.)গী দাইরেক্তর জেনেরেল শ্রী চন্দ্রজিৎ বেনর্জিনা মহাক্কী হৌদোকপগী ৱাঙাংদা অতৈ কয়া অমগী মরক্তগী মহৈ-মশিংগী তম্বগী হীরমদা পব্লিক ফন্দেদ রিসর্চকী মরু ওইবা, মিৎয়েং চংবা আর. এন্দ দি. প্রোগ্রামশিং, ওন্তোপ্রিনরেল ইকোসীস্তেম হাংদোকপা, আই.পি. বেলুএসন তৌবা, ক্রোস কোল্লাবোরেসন অমসুং কান্নবা ত্রান্সলেস্নেল রিসর্চ তৌবনচিংবা খুদক্তা ফগৎহনগদবা আর. এন্দ দি.গী মরু ওইবা থৌওংশিংগী মতাংদা নৌনা অমুক পনখি।

নুমিৎ নিনিগী রাউন্দতেবল কনফরেন্স অসি এস.তি.আই.পি. ২০২০ সেক্রেতরিএৎনা কনফেদেরেসন ওফ ইনিদয়ন ইন্দস্ত্রী (সি.আই.আই.) অমসুং সাইন্স পোলিসী ফোরমগা খুৎশম্নদুনা ভর্চুএল প্লেৎফোর্মদা পাংথোকখি। ৱা খন্নবা অদুনা লাক্কদৌরিবা এস.তি.আই.পি. ২০২০গীদমক্তা খংবদা য়ুম্ফম ওইবা শেম্নিৎলোন অমা ওইহন্নবা ইন্দস্ত্রীগী মকোকথোংবশিংদগী কান্নগদবা ৱাফম কয়া অমা হায়রক্নবা হায়খি।

মসিগী মীফম অসি সাইন্স, তেক্নোলোজী অমসুং ইন্নোবেসন পোলিসী শেম্বগী ইহান হানবা ইন্দস্ত্রীগী অৱাংবা থাক্কী খন্ন-নৈনবা মীফম অমনি। অসিগুম্বা অচৌবা সোসিও-ইকোনোমিক্কী য়াইফনবগী দিসেন্ত্রলাইজদ ওইবা, বোত্তম-অপ ওইবা, দিজানগী থৌওংশিংশু মনুংদা চনগদবা পোলিসী অসিনা তৌগদবশিং, সেক্তরশিংদা মিৎয়েং চংবা অমসুং রিসর্চ অমসুং তেক্নোলোজী চাউখৎহনবগী থৌরাংশিংবু নৌনা য়াৎথোক্কনি।

পি.আই. ইন্দস্ত্রীজ লিমিতেদকী চেয়রমেন অমসুং এম.দি., শ্রী সলিল সিঙ্ঘাল; সায়েন্ত লিমিতেদকী একজেক্যুতিব চেয়রমেন দাঃ বি.ভি.আর. মোহন রেদ্দী; ব্লু স্তার লিমিতেদকী মেনেজিং দাইরেস্কতর শ্রী বি. থ্যাগারাজন; হাই তেক গ্রুপকী চেয়রমেন শ্রী দীপ কুমারিয়া; থর্মেক্সকী মেনেজিং দাইরেক্তর অমসুং সি.ই.ও. শ্রী এম.এস. উন্নিকৃষ্ণন; স্নেপদীলগী ফাউন্দর অমসুং সি.ই.ও. শ্রী কুনাল বাহল; মাস্তেক লিমিতেদকী ফাউন্দর অমসুং হান্নগী চেয়রমেন শ্রী অশঙ্ক দেশাই; তেজাস নেৎৱর্ক লিমিতেদকী সি.ই.ও. অমসুং মেনেজিং দাইরেক্তর শ্রী সঞ্জয় নায়ক; পর্সিতেন্তকী চেয়রমেন শ্রী অনন্দ দেশপান্দে; মাহিন্দ্র ৱেস্ত তু ইনর্জী সোল্যুসন লিমিতেদকী সি.ই.ও. শ্রী পলানিয়প্পম পি.; তি.সি.এস.কী সি.তি.ও. শ্রী অনন্ত কৃষ্ণন; রেলাইএন্সকী গ্রুপ প্রসিদেন্ত শ্রী অজিৎ সাপ্রে; স্তরলাইত তেক্নোলোজিস লিমিতেদকী গ্রুপ সি.তি.ও. দাঃ বাদ্রি গোমাতম অমসুং দি.সি.এম. স্রিরামগী দাইরেক্তর শ্রী কে.কে. কাউলনা এস.তি.আই.পি. ২০২০দা মখোয়গী ৱাখল্লোন অমসুং থাজবশিংগী মতাংদা ফোংদোক্নখি।

এস.তি.আই.পি. ২০২০ সেক্রেতরিএৎ অমসুং এদবাইজরগী মকোক দাঃ অখিলেশ গুপ্তনা এস.তি.আই.পি. ২০২০ সেক্রেতরিএৎনা হৌদোকপা এস.তি.আই.পি. ২০২০ শেম্বগী ত্রেক ১দগী ৪ ফাওবগী চাউরাকপা ৱাফম মীয়ামদা লান্থোকখি। মহাক্না ইন্দস্ত্রীগী মীওইশিং অদুদা সরকারনা মখোয়দগী করি পাম্বগে হায়বগী মতাংদশু পাউদমখি।

এস.তি.আই.পি. ২০২০ সেক্রেতরিএৎ অসি প্রিন্সিপাল সাইন্তিফিক এদবাইজরগী লোয়শঙ (পি.এস.এ.) অমসুং দিপার্তমেন্ত ওফ সাইন্স এন্দ তেক্নোলোজীনা খুৎশম্নদুনা এস.তি.আই.পি. ২০২০গী অপুনবা পোলিসী শেম্বগী থবকশিংবু পান্ননবা অমসুং পাংথোক্নবা লিংখৎপনি।

সাইন্স, তেক্নোলোজী অমসুং ইন্নোবেসন পোলিসী (এস.তি.আই.পি. ২০২০) অসি ভারত অমসুং মালেমসিনা কোবিদকী ইরাংগী মতমসিদা নৌনা শেমদোরকপা অসিদা পি.এস.এ. অমসুং দি.এস.তি.না পুন্না হৌদোকখিবনি। অনৌবা পোলিসী অসি চহীসিগী লোয়শিল্লকপদা ইং ২০১৩দা শেমখিবা হৌজিক চৎনরিবা পোলিসী অসিগী মহুৎ শিনবা ওইনা থাদোক্কনি।

এস.তি.আই.পি. ২০২০ শেম্বগী থৌওং অসি চেৎনা মরী লৈনবা ত্রেক ৪ থোক্না শিন্দোকই অমসুং পোলিসী অসি শেম্নবগীদমক স্তকহোলদর চাউরাকপা ১৫০০০ রোমগা তাথোক তাশিন তৌগনি। ত্রেক ১দা সাইন্স পোলিসী ফোরমগী খুত্থাংদা মীয়াম অমসুং অখং অহৈশিংগা পাক শন্না তান্নবগী থৌওং য়াওই। সাইন্স পোলিসী ফোরম অসি মীয়াম অমসুং অখং অহৈশিংদগী পোলিসী দ্রাফতিং তৌরিঙৈ অমসুং লোইরবা তুংদা ইনপুৎ খোম্বগী মরু ওইবা প্লেৎফোর্ম অমনি। ত্রেক ২দা পোলিসী দ্রাফতিং তৌবগী থৌওংসিদা ইবিদেন্স-ইনফোর্মদ রিকম্মেন্দেসন হাপ্নবা অখং অহৈশিংগা হীরম খায়দোক্তুনা খন্নবা য়াওই। মসিগী ওইনা হীরম খুদিংগী ওইবা কাংলুপ ২১ শেমখ্রে। ত্রেক ৩দা মন্ত্রী অমসুং রাজ্যশিংগা খন্ন-নৈনবা য়াওরি অমসুং ত্রেক ৪দা মকোক থংবা থাক্তা লৈবা স্তেকহোলদরশিংগা খন্ন-নৈনবা য়াওরি।

*****