ভারতকী উপ রাস্ত্রপতি শ্রী এম. ভেঙ্কয়া নাইদুনা ঙসি অনৌবা থৌওং পাংথোক্নবা ইকোসীস্তেম অমসুং ওন্তোপ্রনর্শিপশিং মরাং কায়গদবা ফিভমগী মতাংদা হায়রদুনা “লোকেল” ভারতপু “জি.লোকেল” ভারত ওইহন্নবা ভারত মচা খুদিংনা এ.তি.এম.-নির্ভর ভারত কেম্পেন অসি থবক ওইনা পাংথোক্লসি হায়না হায়খ্রে।

ভিদিও কনফরেন্সিংগী খুত্থাংদা ইলীমেন্তস মোবাইল এপকী বর্চুএলদা পাংথোকপা লোঞ্চ তৌবগী থৌরমদা উপ-রাস্ত্রপতি নিৱাসতগী ৱা ঙাংবদা উপ রাস্ত্রপতিনা হায়খিবদা এ.তি.এম.-নির্ভর ভারত আভিয়ান্না লৈবাক অসিগী ইনফ্রাস্ত্রকচর ফগৎহনবা, মতমগা চান্নবা অনৌবা তেক্নোলোজী শিজিন্নবা, হ্যুমেন রিসোর্স হেনগৎহনবা অমসুং অচৌবা সপ্লাই চেন অমা শেমদুনা ভারতকী শেন্মিৎলোনগী তৌবা ঙম্বগী মতিক অসিবু অনৌবা ইনোৎ হাপ্তুনা খুমাং চাউশিনবদা পান্দম থম্মি হায়খি।

এ.তি.এম.-নির্ভর ভারত অভিয়ানবু লৈবাক শিনবা থুংনা লৈরিবা সেক্তর কয়াদা শাহৌ লৌনবা ইথিল পীনবা থৌদাং অমনি অমসুং ওন্তোপ্রিনর্শিপ হেনগৎহন্নবা, অনৌবা থৌওং পুথোক্নিংনবা অমসুং রুরেল-অর্বান সিম্বাইওতিক দিবেলপমেন্তকী ইকোসীস্তেম শেম্নবা লোঞ্চ পেদ অমনি হায়নশু হায়খি।

উপ রাস্ত্রপতিনা এ.তি.এম.-নির্ভর ভারত অভিয়ান অসি প্রোতেক্সনিজম অমসুং আইসোলেসন তৌসি হায়বগী খোল্লাও নত্তে, তৌবতবু লৈবাক অসিনা ঐখোয়গী লৈজরিবা পাঙ্গলবু শক খংদুনা দিবেলপমেন্তেল স্ত্রেতজী কয়াবু তশেংনা থবক ওইনা পাংথোক্নবা থৌওং অমনি হায়খি।

উপ রাস্ত্রপতিনা হায়খিবদা ঐখোয়গী লৈজরিবা হৈ-শিংলবা সাইন্তিস্ত অমসুং তেক্নোলোজীগী অখং অহৈশিং অসিনা মরম ওইদুনা ভারতনা আই.তি. সুপরপাৱর অমা ওইরকপা অসিগা প্রধান মন্ত্রীনা ঙরাং “আত্মানির্ভর ভারত এপ ইন্নোবেসন চেলেঞ্জ” অমা লাউথোরকপসি য়াম্না চান্নৈ হায়খি।

মসিনা ভারতকী আই.তি. স্পিসিএলিস্তশিংবু ইনোৎ হাপ্তুনা ঐখোয়গী পুন্সি মহিংগী মগুনবু হেনগৎহনবা ঙম্বা এপ কয়া অমা শাবগী থৌরাং কয়া শেম শাহল্লগনি হায়খি। প্রধান মন্ত্রীনা হায়খিবগী মতুং ইন্না মসিনা মালেমগী থাক্তা লৈবা ‘মেদ ইন ইন্দিয়া’ এপশিং পুথোক্নরক্তুনা ‘আত্মানির্ভর এপ ইকোসীস্তেম’ অমসু শেমগনি হায়না মহাক্না মখা তানা হায়খি।

লমদম অসিদা শাজবা ইলীমেন্ত এপ শাবদা য়াওরিবা আই.তি. প্রোফেস্নেল লিশিং অমরোম হেনবগী থবকশিং অসিবু থাগৎপা ফোংদোক্লদুনা ‘অনৌবা ভারত’না অনৌবা থৌওং পাংথোক্নিংবা অমসুং থিদোক্নিংবা নহা ওইবা ৱাখল খনবা মীওইশিংগী তঙাই ফদবা লৈ হায়খি। ঐখোয় মতৌ তম্বগী মহুত্তা অনৌবা পুথোক্কদবনি। অনৌবা পুথোকপা অসি ২১শুবা চহীচাগী চৎনবিনি। ঐখোয়দা মায় পাকপগী মচঙ খুদিংমক লৈ। সেক্তর কয়াদা মালেমগী ব্রান্দ শেম শাখিবা ঐখোয়গী মীওই কয়া অমা লৈ হায়না মহাক্না মখা তানা হায়খি।

হায়রিবা এপ অসি ভারতকী লোল নিপান্দা ফংগনি হায়বগী হরাওবা ফোংদোক্লদুনা মহাক্না হায়খিবদা এপ অসি মসিদগী হেনবা ভারতকী মরু ওইবা লোল খুদিংমক্তা ফংগনি হায়বগী থাজবা লৈ হায়না হায়খি।

উপ রাস্ত্রপতিনা অসিগুম্লবা ভারতকী তেক ইন্দস্ত্রী অমসুং প্রোফেস্নেলশিংগী খোংথাং অসি থাগৎফম থোকপা থৌওং ওইবতা নত্তনা মসিনা তেক্নোলোজীদা লৈরিবা ভারতকী তৌবা ঙম্বগী মতিকপু থবক্না ওইনা উৎপা অমসুং এ.তি.এম.-নির্ভর ভারতকী মায়কৈদা খোংথাং অমা থাংজিনবনি হায়নশু হায়খি। এপ অসিনা মীয়াম্না শিজিন্নরিবা অতোপ্পা লমনা শাবা এপশিংগী মহুৎ শিনবা ঙম্বা দেসি এপ অমা ওইবা ঙমগনি হায়বগী থাজবা লৈ হায়না ফোংদোকখি।

শ্রী নাইদুনা সাইন্স এন্দ তেক্নোলোজী, শেন্মিৎলোন, দিফেন্স নত্ত্রগা হ্যুমেন দিবেলপমেন্তনচিংবা হীরম খুদিংদা ভারতপু মকোক্তা লৈহনবগী তঙাই ফদবগী মতাংদশু পনখি।

লৈবাক অসিদা থেংনরিবা কোবিদ-১৯গী লায়চৎ য়াওনা মনুংগী অমসুং মপানগী খুদোংচান্দবা কয়া অসিগী মতাংদা পল্লদুনা শ্রী নাইদুনা ভারত অসি পুৱারীগী ওইবা মরু ওইবা তাঙ্কক অমগী মনুংদা চৎলিবনি হায়খি। অমসুং ঐখোয়গী মাংদা লাক্লিবা খুদোংচাদবশিং অসিবু থেংনবা ঙম্নবা চেকশিন্না অমসুং ৱাখল চেৎনা লৈগদবনি হায়না মখা তানা হায়খি।

গুরু পুরনিমাগী নুমিৎ অসিদা এপ অসিবু লৈবাক অসিদা কত্থোক্লদুনা এ.তি.এম.-নির্ভর ভারতকী মাইকৈদা শেমদোরক্লিবা অসিগা মরী লৈননা উপ রাস্ত্রপতিনা মীয়ামদা ‘গুরু’শিংগী মরু ওইবা থৌদাংশিংগী মতাংদা হায়খি।

আর্ত ওফ লিবিংগী ফাউন্দর গুরুদেব শ্রী শ্রী রবিশঙ্কর জি, জি.এম.আর. গ্রুপকী চেয়রমেন গ্রান্ধী মাল্লিকঅর্জুনা রাও, য়োগ গুরু বাবা রামদেব, রামীজি গ্রুপকী চেয়রমেন শ্রী সি.ঐচ. রামোজি রাও, সুমেরু সোফতৱেয়র সোল্যুসন প্রাইবেৎ লিমিতেদকী চেয়রমেন শ্রী এ.এল. রাও অমসুং অতোপ্পা মরু ওইবা মীওইশিংনা ভিদিও কনফরেন্সিংগী খুত্থাংদা এপ লোঞ্চ তৌখিবা অদুদা শরুক য়াখি।

*****