কেন্দ্রগী জল শক্তি মন্ত্রী শ্রী গজেন্দ্রা সিং শেখাৱতনা হরিয়ানাগী চীফ মিনিস্তর শ্রী মনোহর লাল খাত্তারগা জল জীবন মিসন ইমপ্লিমেন্ত তৌবগী তোঙান তোঙানবা হীরমশিংগী মতাংদা ঙসি ভিদিও কনফরেন্সকী খুত্থাংদা খন্নখ্রে। মসি হৌখিবা থা ৩ অসিদা স্তেৎশিং/য়ু.তি.শিংগা লোয়ননা তান্নদুনা জল শক্তি মন্ত্রালয়গী দ্রিঙ্কিং ৱাতর অমসুং সেনেতেসন বিভাগনা চাওনা লৌখৎখিবা খোংথাং অদুগী মখা চত্থরকপনি, খুঙ্গংগী য়ুমথোংশিংদা তোতি ঈশিং ফংহন্নবা লৈরিবা স্তেৎ অসিগী ৱাতর সপ্লাই স্কিমশিং য়েংশিনখি। ভারত সরকারগী মরু ওইবা প্রোগ্রাম ওইরিবা জল জীবন মিসন অসিনা স্তেৎশিংগা লোয়ননা চুংশিন্নদুনা লৈবাক অসিগী খুঙ্গংগী য়ুমথোং খুদিংদা ফঙ্কস্নেল হাউসহোল্দ তেপ কন্নেক্সনশিং (এফ.ঐচ.তি.সি.শিং)গী ক্বালিতি লৈবা থক্নবা অফবা ঈশিং মরাং কাইনা চাং নাইনা অমসুং মতম শাংনা চৎকদবা মওংদা অহোংবা সর্ভিস দেলিবরি চার্জশিংদা ফংহন্দুনা খুঙ্গংগী মীয়ামশিংগী হিংবগী মওং অসি ফগৎহনবা ঙম্নবা ইমপ্লিমেন্ত তৌরি। কোবিদ-১৯গী হৌজিক ওইরিবা ফীভম অসিগী মনুংদা খুঙ্গংগী য়ুমথোংশিংদা খুদোংচাবা পীদুনা তোতি ঈশিং পীদুনা খুঙ্গংগী মীয়াম্না মীয়ামগী ওইবা ঈশিং শোকফমদা চৎতুনা ঈশিং শোকপগী অৱাবশিং অদু কোকহন্নবা সরকারনা হোৎনরি।পাঙথোকখ্রে

স্তেৎ অসিনা ২০২২ ফাওবা তোতি ঈশিং য়ুমথোং পুম্নমক্তা ফংহনগনি হায়না সি.এম.না থাজবা পীখি। লাইরবা অমসুং শোত্থরবা মীয়াম্না মখোয়গী ময়ুমদা তোতি ঈশিং ফংনবা ‘ধানি’/মী খুন্দবা মফম পুম্নমক্তা ৱাতর সপ্লাইগী পাইপ তিংদুনা য়ৌহল্লগনি। লৈবাকনা থম্বা ২০২৪গী পান্দমগী মমাংদা ২০২২দা হরিয়ানানা ১০০% পীনবা থৌরাংলি। অসুম তৌদুনা, খুঙ্গংগী য়ুমথোং খুদিংদা তোতি ঈশিং পীবগী অচৌবা পান্দম অসি ফংবা ঙম্বগী মাংজিল থারিবা স্তেৎশিংগী মরক্তা হরিয়ানাসু য়াওরগনি।

হরিয়ানা স্তেৎকী খুঙ্গংগী য়ুমথোং লাখ ২৮.৯৪গী মনুংদা য়ুমথোং লাখ ১৮.৮৩ (৫৯.৩৬%) এফ.ঐচ.তি.সি.শিং ফংহনখ্রে। লেমহৌরিবা য়ুমথোং লাখ ১০.১১গী মনুংদা ২০২০-২১গী মনুংদা য়ুমথোং লাখ ৭তা হরিয়ানানা তোতি ঈশিং ফংহন্নবা থৌরাং তৌরি। চৎলিবা চহি অসিদা স্তেৎ অসিদা লৈরিবা খুঙ্গং ৬,৯৮৭গী মনুংদা খুঙ্গং ২,৮৯৮ অমসুং দিস্ত্রিক্ত ১গী ১০০% য়ৌহনবা ঙম্নবা স্তেৎনা থৌরাং তৌরি।

২০২০-২১দা জল জীবন মিসনগী ওইনা কেন্দ্রগী ওইনা লুপা কোতি ২৮৯গী শেন্থং অমসুং স্তেৎকী শরুক লুপা কোতি ৭৬০ লৈরে। স্তেৎনা থবক শুবা অমসুং শেল শীজিন্নবগী মখা পোন্না অহেনবা এল্লোকেসন তৌরকনি। মসিগী মথক্তা, হরিয়ানানা পি.আর.আই.শিংগী ১৫শুবা ফাইনান্স কম্মিসন গ্রান্তগী মখাদা লুপা কোতি ১,২৬৪ এল্লোকেৎ তৌখ্রে অমসুং মসিগী ৫০% অসি ৱাতর সপ্লাই অমসুং সেনিতেসনগী থবক থৌরমদা শীজিন্নগদবনি। খুঙ্গংগী ৱাতর সপ্লাই, গ্রে ৱাতর মেনেজমেন্ত অমসুং মরু ওইনা মতম শাংনা চল্লাইনবা অমদি ৱাতর সপ্লাই য়েংশিন্নবদা মসিগী ফন্দশিং অসি শীজিন্ননবা সি.এম.না থৌরাং তৌনবা কেন্দ্রগী মন্ত্রীনা খঙহল্লকখ্রে।

খুঙ্গংগী ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবগী থৌদাং লৌনবা য়ামদ্রবদা নুপীগী মীহুৎ ৫০% য়াওবগা লোয়ননা ভিলেজ ৱাতর অমসুং সেনিতেসন কম্মিতি/পানি সমিতি শেম্নবা কেন্দ্রগী মন্ত্রীনা সি.এম.দা হায়খ্রে। থক্নবা ঈশিং পীরিবশিং, ৱাতর সপ্লাই সিস্তেমশিং, গ্রে-ৱাতর অমুক হন্না শীজিন্নবা অমসুং চল্লাইবা অমদি মচাক-মথুমশিং শেমগৎপা/চাওথোকপা মরু ওইনা য়াওবা খুঙ্গং পুম্নমক্না ভিলেজ এক্সন প্লান (ভি.এ.পি.) শেম্নবসু হায়রকখি।

ফাইব-পোন্দ সিস্তেম হায়না খঙনবা ৱেস স্তেবিলাইজেসন পোন্দশিংগী খুত্থাংদা হরিয়ানানা গ্রে-ৱাতর মেনেজমেন্ত তৌনবা লৌখৎপা খোংথাংশিবু থাগৎলদুনা কেন্দ্রগী মন্ত্রীনা খুঙ্গং খুদিংমক্তা য়ুমগী অমোৎপা ঈশিং অমসুং অমোৎপ অসি য়েংশিন্নবা মসিগা মান্নবা পাম্বৈ পাইখৎতুনা স্তেৎ অসিনা ‘স্বাচ গাও’ অমা ওইদুনা মসিগী মতৌ তমজনিংঙাই ওইগনি।

চীফ মিনিস্তরনা হৌদোকখিবা, পি.ঐচ.ই.দি.গী দেশবোর্দ অসি আশা লৈবা ফমপাক অমনি, মসিদা খুঙ্গংশিংগী, তোতি ঈশিংগী, শেল শীজিন্নবগী মসিনচিংবা অকুপ্পা ৱারোলশিং মতম মতমগী ওইনা য়েংশিনবা য়াগনি। মসিনা ত্রান্সপরেন্সি অমসুং একাউন্তেবিলিতি পুরক্নবা অফবা খুদম অমনি।

কোবিদ-১৯ লায়চৎনা ওইহল্লিবা ফীভম অসিগী মনুংদা তোতি ঈশিং য়ুমথোংদা ফংহনবা হোৎনবনা খুঙ্গংগী মফমশিংগী পুন্সি মহিংদা ফগৎহল্লগনি মরু ওইনা নুপী অঙাংশিংগী অৱাবা থবক শুবা হন্থহনবা ঙম্লগনি।

*****