‘তোতি ঈশিংগী খত্থাংদা মখোয়গী য়ুমদা ‘ঈশিং ফংহনবা’ অসি নুপীশিংগী মঙলান অমনি। মসিনা মখোয়বু ইকাই খুম্নহনগনি। মসিনা মখোয়বু থৌনা হাপকনি। মসিনা নুপী অঙাংশিবু খুদোংথিবা থোকহন্দনা চেকশিন্না লৈহনবা ঙমগনি। মসিনা ‘পুন্সিবু নুংঙাইনা’ অমসুং ‘পুন্সি মহিং’ ফগৎহল্লি। মসিগী মঙলান অসিগা লোয়ননা প্রধান মন্ত্রীনা জল জীবন মিসন (জে.জে.এম.) ৭৩শুবা নিংখা তম্বগী নুমিৎ মদুদি ওগস্ত ১৫, ২০১৯দা লাল কিলা মনুংদা হৌদোকখি। মিসন অসিগা স্তেৎকা চুংশিন্নদুনা ইমপ্লিমেন্ত তৌনবা তৌরি। মসিগী পান্দমদি ‘হর ঘর জল’- খুঙ্গংগী য়ুম খুদিংমক্তা তোতি ঈশিং ফংহনবা অসিনি। ২০১৯-২০গী থা ৭কী মনুংদা, য়ুমথোং লাখ ৮৪ হেনবদা তোতি ঈশিং ফংহনখ্রে।

জে.জে.এম.না থম্লিবা পানদমদি ২০২৪ ফাওবদা লৈবাক অসিগী খুঙ্গংগী য়ুমথোং খুদিংদা ফঙ্কস্নেল হাউসহোল্দ তেপ কন্নেক্সনশিং (এফ.ঐচ.তি.সি.শিং) ফংহনবদি অমসুং মসিনা ক্বালিতি লৈবা থক্নবা অফবা ঈশিং মরাং কাইনা মদুদি @ এল.পি.সি.দি.(লিতর পর কেপিতা পর দে) ৫৫ চাং নাইনা অমসুং মতম শাংনা ফংহনবনি। প্রোগ্রাম অসিনা খুঙ্গংগী মীয়াম পুম্নমক কান্নহল্লগনি।

চাকথোং গ্যাস, লম্বী-থোং, মৈ, য়ুম, হকশেলগী খুদোংচাবা, বেঙ্ককী একাউন্তশিং তঙাই ফদবা সর্ভিসশিং অসি মাই পাকনা ফংহনখ্রবা মতুংদা সরকারনা হৌজিক অতোপ্পা তঙাই ফদবা সর্ভিস অমা খুঙ্গংগী মফমশিংদা ফংহনগদৌরি মদুদি “হর ঘর জল” মসিনা হায়বদি য়ুমথোং খুদিংদা তোতি ঈশিং ফংহন্দুনা ইমুং অদুগী নুপীনা য়ুমদগী মপান থোক্তুনা ঈশিং শোকপা চৎত্রগসু য়ারগনি।

জল শক্তিগী মন্ত্রীনা কেন্দ্রগী সরকারগী মরু ওইবা এজেন্দা ‘হর ঘর জল’ ফংহন্নব হোৎনরি অমসুং স্তেৎশিংগী চীফ মিনিস্তরশিংগা চাং নাইনা ৱারী শারি। মসিনা সহরগী মফমগুম্না খুঙ্গংগী মীয়ামদসু তঙাই ফদবা সর্ভিস অসি পীনবা জল শক্তি মন্ত্রালয়না হোৎনবা অদু উৎলি।

চৎলিবা চহি অসিদা জল জীবন মিসন ইমপ্লিমেন্ত তৌনবা স্তেৎশিংদা কেন্দ্রগী ফন্দ লুপা কোতি ৮,০৫০ হৌজিক ফাওবদা পীথখ্রে। ২০২০-২১গী অহানবা থা অহুমদা, লৈবাক অসিগী খুঙ্গংশিংদা তোতি ঈশিং লাখ ১৯ ফংহনবা ঙমখ্রে। মসি পুম্নমক অসি কোবিদ-১৯ লায়চৎনা মরম ওইরগা থবক শুবদা অকাইবা পীবসু স্তেৎশিংনা কন্না হোৎনবনা ওইথোকপা ঙমখি।

হৌখিবা লোকদাউনগী থা ৩ মনুংদা, দ্রিঙ্কিং ৱাতর অমসুং সেনিতেসন বিভাগকী নেসনল জল জীবন মিসন অসিনা ইমপ্লিমেন্ত তৌনবা পোরম য়াৎপগা লোয়ননা থবকশিং য়েংশিন্নবা ভিদিও কনফরেন্সকী খুত্থাংদা স্তেৎশিং/য়ু.তি.শিংগা তোয়না ৱারী শাখি। মতম অসিগী মনুংদা, ২০২০-২১দা তোতি ঈশিং পীনবা স্তেৎশিংগী চহিগী এক্সন প্লানশিং থাগী ওইনা শুগদবা থবক অমসুং তৌগদবা চাদিংগী প্লানদা মীৎয়েং থম্লগা এপ্রুব তৌখি।

নেসনল জল জীবন মিসননা স্তেৎশিংগা লোয়ননা পুন্না হোৎন্দুনা মিসন মোদ অমসুং অখকনবা মতমগী মনুংদা ‘হর ঘর জল’গী থবক থৌরম লোইশিন্নবা হোৎনরি। স্তেৎশিংনা লেমহৌরিবা লাইরবা অমসুং খুন্নাইগী শোত্থরবা শরুকশিংদা চল্লিবা খুঙ্গংশিংদা মখোয়গী য়ুমথোংদা তোতি ঈশিং ফংহন্নবা হান্না লৈরবা ৱাতর সপ্লাই স্কিম শেমজিনবা অমসুং চাওথোকহনবদা মীৎয়েং চংলি। স্তেৎশিংদা মসিগী থবক অসি কেম্পেন মোদ’তা পাইখৎপা হৌনবা খঙহনখ্রে, হায়রিবা থবকশিং অসিনা অতেনবা মতমগী মনুংদা য়ুমথোং খুদিংদা তোতি ঈশিং পীবা ঙমগনি মরমদি মধৌ তাবা ইনফ্রাস্ত্রকচ অসি হান্নদগী লৈরে অমসুং য়ুমথোংদা তোতি ঈশিং পীগদবা খক ঙাইরে। স্তেৎশিংনা চহি অসিগী তোতি ঈশিং পীনবা রোদমেপ শেমবা খক নত্তনা মখোয় মশানা পান্দম অমা থমদুনা খুঙ্গং পুম্নমক মপুং ফানা ঈশিং ফংহন্নবা ৱারোল শুনা য়াওরবা প্লান অদুসু থমখি।

লৈবাক পুম্বনা কোবিদ-১৯ লায়চৎ লান্থেংনরিঙৈ মতমদা, কেন্দ্র সরকারনা খুঙ্গংগী য়ুমথোং খুদিংদা তোতি ঈশিং ফংহন্দুনা ‘খুঙ্গংগী মফমশিংদা অফবা থক্নবা ঈশিংগী প্রোবিজন’ শেম্নবা অঙম্বা হোৎনরি, মসিনা মীয়ামদা মখোয়গী ময়ুমদা ঈশিং ফংহন্দুনা মীয়াম পুন্না ঈশিং শোকনবা মফমশিং মী তীনদনবা লোয়ননা মফম অদুগী মীয়াম অমদি রিতর্নীশিংদা থবক পীদুনা মসিনা খুঙ্গংগী লেন্মীৎলোন ফগৎহনগনি।

গান্ধীজিগী ৱাখল্লোন ‘গ্রাম স্বারাজ’ অদু ঙাকউনা, জল জীবন মিসনগী মখাদা, মতম শাংনা থক্নবা অফবা ঈশিং ফংনবা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং নত্রগা সব-কম্মিতি মদুদি ভিলেজ ৱাতর অমসুং সেনিতেসন কম্মিতি/পানি সমিতি/নুপী ৫০% য়াওবগা লোয়ননা মীহুৎ ১০-১৫গী য়ূজর গ্রুপশিংনা য়াওশিনগদবনি। কন্সতিত্যুসনগী ৭৩শুবা এমেন্দমেন্তদা য়াওরিবা অদু মসিনি। লোকেল কম্ম্যুনিতি অসি অতোপ্পা মপানগী এজেন্সি অমত্তনা মিনুংশি পোক্লোই।

মিসন অসিনা লৈবাক অসিগী মীয়াম পুন্না হোৎন্দুনা প্রধান মন্ত্রীগী খুঙ্গংগী য়ুমথোং খুদিংদা থক্নবা ঈশিং ফংহনবগী ৱাখল্লোন হায়বদি জল জীবন মিসন অসি ‘জন অন্দোলন’-মীয়ামগী ইহৌ অমা ওইন্নবা পান্দমসু থম্লি

*****