হকশেল অমদি য়াইফ য়ুম্বালগী কেন্দ্র মন্ত্রী দা. হর্শ বর্ধননা এম.ও.এস. (হেল্থ) শ্রী অস্বিনি কুমার চৌবেগা লোয়ননা ঙসি মফমসিদা নেসনেল বোর্দ ওফ একজামিনেসন (এন.বি.ই.)গী ফেলোসিপ প্রোগ্রাম ফোর ইন্তরনেসনেল স্তুদেন্ত্স (এফ.পি.আই.এস.)কী গুদ ক্লিনিকেল প্রেক্তিস গাইদলাইন্স হেন্দবুক অমদি প্রোসপেক্তস ফোঙখ্রে‍।

ৱেব প্লেতফোর্মদা ই-বুক ফোঙবগী থৌরমদুদা ৱা ঙাঙলদুনা দা. হর্শ বর্ধননা মেদিকেল কম্ম্যুনিতীবু মখোয়গী শিনফমগী হৌন-লোনচৎ ঙাক্তুনা চৎনবগীদমক ৱাশক্কদবনি হায়না থমখি‍। মহাক্না হায়, “গুদ ক্লিনিকেল প্রেক্তিস গাইদলাইন্স হেন্দবুক অসি দিপ্লোমেত্স ওফ নেসনেল বোর্দ (দি.এন.বি.) রেসিদেন্ত খুদিংমক্তা মেদিকেল প্রোফেসনেল অমদা লৈফম থোকপা হৌন-লোনচৎ অমদি শিনফমগী চৎন-কাঙলোন ঙাক্তুনা চৎহন্নবগীদমক লমজিং ৱাফমশিং পীননবগী হোৎনবা অমখক্নি‍। থৌওং অসি দোক্তরশিং অমদি অনাবাশিং অনিমক্তা মান্ননা ঙাকশেল পীবদা পান্দম থম্লি‍।” দি.এন.বি. রেসিদেন্ত ত্রেনিংগী মতমগী হৌগৎলকপগী চহীশিংগী মনুংদা ‘অফবা ক্লিনিকেল প্রেক্তিসনর’ অমা ওইনা মখোয়না লৌগদবা শক্লোন অমদি থৌদাংশিং খঙবগী তঙাইফদবগী মতাংদসু মহাক্না মখা তাখি‍।

দা. হর্শ বর্ধননা ইলেক্ত্রোনিক্কী মওংদা প্রেমিয়ম ইনস্তিত্যসন ৪২দা শন্দোক্তুনা লৈরিবা স্পিসিএল্তী ১১গী ফোলেসিপ প্রোগ্রাম ফোর ইন্তরনেসনেল স্তুদেন্ত্স (এফ.পি.আই.এস.) – প্রোসপেক্তস ফোর করেন্ত ইয়র ২০২০ – ২০২১সু ফোঙখি‍। ইনোভেতিব ওইবা থৌরাং অদুবু থাগৎলদুনা মহাক্না হায়খিবদা “থৌরাং অসি সার্ক লৈবাকশিং য়াওনা লৈবাক খুদিংমক্তগী মালেমগী মহৈরোয়শিংগীদমক্তা কম্মন ফেলোসিপ এন্ত্রান্স তেস্তগী খুত্থাঙদা পোস্ত এম.দি/এম.এস. থাক্কী অহানবা ইন্তরনেসনেল ফোলোসিপ প্রোগ্রাম ওইরি অমদি মসিনা মালেমগী মেদিকেলগী লমদা লৈবাক অসিগী থাক হেন্না ৱাংখৎহল্লগনি‍।” কোর্স স্ত্রকচরগী মতাংদা পল্লদুনা মহাক্না মখা তানা হায়, “এন.বি.ই.গী ফ্লেগসিপ দি.এন.বি. প্রোগ্রামশিং অসি ব্রোদ দিসিপ্লিন ৩০, সুপর স্পিসিএলিস্তগী লমদা দি.এন.বি. প্রোগ্রাম, অমদি সব-স্পিসিএল্তী ২৩দা ফোলোসিপ প্রোগ্রাম য়াওনা মোদর্ন মেদিসিনগী দিসিপ্লিন অমদি সব-স্পিসিএল্তী ৮২দা লনাইগী অমদি লৈঙাক্কী ইনস্তিত্যুসন ৭০৩দা পীরি‍। এন.বি.ই.না লৈবাক শিনবা থুংনা লৈরিবা লৈঙাক/ পি.এস.য়ু./ ম্যুনিসিপাল/ লনাই সেক্তর হোস্পিতালশিংবু হান্না লৈজবা মচাক মথুমশিং অমদি ক্লিনিকেল রিসোর্সশিং শীজিন্নদুনা পোস্ত গ্রেজুএত সিত হেনগৎহন্দুনা লৈবাকসিগী ৱাৎলিবা স্পিসিএলিস্তকী অহোবা অসি মেনশিন্ননবা দি.এন.বি. প্রোগ্রাম হৌদোক্নবা পুক্নীং থৌগৎলি‍।”

ঙসি লৈবাক্কী দোক্তরশিংগী নুমিৎ অসিদা দোক্তরশিংবু থাগৎলদুনা, দা. হর্শ বর্ধননা জুলাইগী তাং ১বু লৈবাক্কী দোক্তরশিংগী নুমিৎ হায়না পাঙথোক্তুনা লৈবাকসিনা ইকায়খুম্নবা উৎলিবা দা. বি.সি. রোইদা শ্রদ্ধাঞ্জলি কৎখি‍। “থৌরম অসি ঙসি পাঙথোকপগী মরম চাবদি, ঙসি অসি মমিং লৈরবা মেদিকেল প্রেক্তিসনর, ফিলানথ্রোপিস্ত, ইদুকেসনিস্ত অমদি সোসিএল ৱর্কর, মরৈবাক নীংবা, নীংতম লান্মী অমদি পাক শন্না মীয়াম্না শকখঙনবা দোক্তর ওইরমবা ভারত রত্ন দোক্তর বিধান চন্দ্র রোইগী মপোক কুমওন থৌরম পাঙথোকপা নুমিৎনি‍। খুদোংথিবা কয়া মায়োক্নদুনা মহাক্না রোয়েল কলেজ ওফ ফীজিক্সিয়ান্স অমদি রোয়েল কলেজ ওফ সর্জন্স অনিমক্কী ফেল্লো ওইবগী তাংলবা মফম ফংখি,” হায়না মহাক্না ফোঙদোকখি‍। “দোক্তর অমা ওইবা হায়বসি মশাগী হোৎনজমলগী মহৈনি, অফবা দোক্তর অমা ওইবা হায়বসিনা লেপ্পা নাইদনা শীংনবা অমনি‍। মসি কনাগুম্বা অমনা মীওইবা খুন্নাই পুম্বগী থৌগল তৌনা তৌনা মশাগী পুন্সি হিংজনবগী শেন তানবা অমত্তা ঙায়রবা শিন্ফম্নি‍।” মহাক্না কোবিদ লাইচৎ মরকসিদা মখোয়গী ওইজবা থিদবা থৌদাংগীদমক তৌবিমল খঙবা উৎখি‍। মখোয়সি ঐখোয়গী অশেংবা হিরোনি, হায়না দা. হর্শ বর্ধননা ফোঙদোকখি‍।

লৈবাক্কী দোক্তরশিংগী নুমিত্তা দোক্তরশিংবু তরাম্না ওক্লদুনা এম.ও.এস. (হেল্থ) শ্রী অস্বিনি কুমার চৌবেনা দোক্তর অমদি অনাবা অনিগী মরক্তা লৈনরিবা থাজনবগী মরীগী মরুওইবা ৱাফমশিং থমখি‍। মহাক্না দোক্তরশিংবু অপুনবা কম্ম্যুনিতীবু প্রধান মন্ত্রী শ্রী নরেন্দ্র মোদীনা ইং ২০১৭দা হৌদোকখিবা নেসনেল হেল্থ পোলিসীদা য়াওরিবা “সরবে সন্তু নিরমায়া”গী পান্দমলোমদা লৈবাকসিবু হেন্না নকশিলহনবগীদমক্তা থাগৎপা ফোঙদোকখি‍।

নেসনেল বোর্দ একজামিনেসন অসি ইং ১৯৭৫তা নেসনেল একাদবী ওফ মেদিকেল সাইন্সেসকী মশা অমা ওইনা লিংখৎলকখিবনি অমদি ইং ১৯৭৬তগী হৌরগা লৈবাক্কী থাক্তা পোস্ত গ্রেজুএত মেদিকেল একজামিনেসন পাঙথোক্তুনা লাক্লি‍। বোর্দ অসি ভারত পুম্বগী ওইনা মোদর্ন মেদিসিনগী লমদা হায় স্তেন্দর্দ পোস্ত গ্রেজুএদ একজামিনেসন পাঙথোক্নবা, ইলিজিবিলিতীগীমদক মথৌ তাবা বেসিক ত্রেনিং শেমবা, পোস্ত গ্রেজুএত ত্রেনিংগীদমক্তা করিকুলম শেমবা অমদি হায়রিবা ত্রেনিং অসি পাঙথোক্লিবা ইনস্তিত্যুসনশিং এক্রেদিতেসন তৌবা হায়বা পান্দমগা লোয়ননা ইং ১৯৮২দা এম.ও.ঐচ.এফ.দব্লিউ.গী মখাদা মনীং তম্বা লূপ অমা ওইনা রেজিস্তর তৌখি‍। মসিদা এনরোল তৌরকপা মহৈরোয়শিংবু দিপ্লোমেত্স ওফ নেসনেল বোর্দ (দি.এম.বি.) হায়না কৌই‍।

সেক্রেতরী (হেল্থ) মিস প্রীতি সুদন, ও.এস.দি. (হেল্থ) শ্রী রাজেশ ভুশন, এন.বি.ই. ভাইস প্রেসিদেন্ত দা. দি. কে. শর্ম্ম, এন.বি.ই. ভাইস প্রেসিদেন্ত দা. শিব কান্ত মিস্রা, এন.বি.ই. একজেক্যুতিব দাইরেক্তর প্রোফেসর পৱানিন্দ্রা লাল, অমদি মন্ত্রালয় অমসুংএন.বি.ই.গী মকোক থোংবা ওফিসিএলশিংসু থৌরমদুদা শরুক য়াখি‍।

****