পাৱর মন্ত্রালয়
শ্রীমতী পরমিন্দর চোপ্রানা পি.এফ.সি.গী দাইরেক্তর (ফাইনান্স) ওইনা থৌ পুখ্রে
Posted On:
01 JUL 2020 3:37PM by PIB Imphal
ভারতকী লমজিংলিবা এন.বি.এফ.সি. অমা ওইরিবা সরকারগী মখাদা লৈরিবা পাৱর ফাইনান্স কোর্পোরেসন (পি.এফ.সি.)না ঙসি শ্রীমতী পরমিন্দর চোপ্রাবু কম্পেনী অদুগী দাইরেক্তর (ফাইনান্স) ওইনা খনখ্রে৷
মহাক্না ২০২০গী জুন ৩০দা মশাগী মতম লোইরদুনা থবক্তগী পোথাখ্রবা শ্রী এন.বি. গুপ্তগী মহুৎ শিনখ্রে৷
শ্রীমতী চোপ্রানা (পি.এফ.সি.)গী শেল থুমগী দাইরেক্তর ওইনা থৌ পুদ্রিঙৈগী মমাংদা পাৱর ফাইনান্স কোর্পোরেসন (পি.এফ.সি.)দা (শেল থুমগী) একজিক্যুতিব দাইরেক্তর ওইনা থবক পুরম্মী৷ চহী ৩২ হেন্না নিংথীনা এক্সপরিয়েন্স লৈরদুনা মহাক্না য়াম্না অরুবা অমসুং কোর ফাইনান্স ফঙ্কসনশিং খুদম ওইনা ফন্দ মোবিলাইজেসন, কোর্পোরেত একাউন্তশিং, বেঙ্কিং অমসুং ত্রেজরী, এসেত-লিয়েবিলিতী মেনেজমেন্ত, স্ত্রেস এসেত রিজোলুসনশিং তৌবদা নিংথীনা হৈ-শিংই৷
পি.এফ.সি.দা থৌ পুদ্রিঙৈগী মমাংদা মহাক্না পাৱর সেক্তরদা লৈরিবা মরু ওইবা ওর্গনাইজেসনশিং খুদম ওইনা নেস্নেল হাইদ্রোইলেক্ত্রিক পৱার কোর্পোরেসন ওফ ইন্দিয়া (এন.ঐচ.পি.সি) অমসুং পৱার গ্রিদ কোর্পোরেসন ওফ ইন্দিয়া (পি.জি.সি.আই.এল)গা মরী লৈনরম্মী৷ শ্রীমতী চোপ্রানা ২০০৫দা পি.এফ.সি. য়াওরবা মতুংদা লেন্দরশিংবু শেল য়াম্না চংদনা মখোয়গী পৈশা হেঙ্গৎনবা পি.এফ.সি.গী ফন্দ মোবিলাইজেসন অদু মালেমগী কৈথেলগী থাক্তা পাকথোক চাওথোকহনবদা মরু ওইবা থবক থৌরমশিং লমজিংখ্রে৷ মহাক্না মহাক্কী থবক্তা পুক্নিং চংবা অসিনা তেল্লবা চহী অনিগী মতমদা ফোরেন্দ করেন্সীগী সিয়র অদু য়ামখিদ্রবা ২%দগী ১৫ % ফাওবা হেঙ্গৎহল্লম্মী৷ শ্রীমতী চোপ্রানা সেক্সন ১৪৪(a)গী মখাদা য়ু.এস. বোন্দ মার্কেতকী পি.এফ.সি.গী অহানবা গ্রীন বুক ইসু অমসুং পি.এফ.সি.গী অহানবা ফন্দ হেঙ্গৎপদা লমজিংলম্মী৷ মহাক্নসু আর.ই.সি. লিমিতেদতা ভারত সরকারগী পি.এফ.সি. মেগা এক্যুইজিসন্দা ৫২.৬৩% ফাওবা পাইবদা মহাক্না অচৌবা থৌদাং লৌরম্মী অমসুং পি.এফ.সি.গী কেপিতেল এদিক্বেসী লেভেলশিং অমসুং পি.এফ.সি.গী বোরোৱিং এগ্রীমেন্তশিং অমসুং দোমেস্তিক অমসুং ইন্তরনেস্নেল ক্রেদিত রেতিংগী মতাংদা অতোপ্পা পার্তীশিংগা য়াশিন্নবদা থেংনবা শিংনবশিং মাইয়োক্নদুনা লান্থোকলম্মী৷
শ্রীমতী চোপ্রানা বোর্দ ওফ কোস্তেল তামিল নাদু পৱার লিমিতেদ অমসুং চেয়ুর ইনফ্রা লিমিতেদতসু দাইরেক্তর ওইনা থৌ পুরম্মী৷ শ্রীমতী চোপ্রানা কোস্ত একাউন্তেন্ত অমসুং এম.বি.এ. অমদগী হৌরক্তুনা পি.এফ.সি.দা ফাইনান্স ফঙ্কসনগী তোপ রেঙ্কতা য়ৌরকপা অসিনা মহাক্কী খাংবা কনবা, থবক্তা পুক্নিং চংবা অমসুং হোৎনবা কনবা অদু উৎলি৷
পি.এফ.সি.গী ওপরেসনশিংদা মহাক্না নিংথীনা খংবা, থৌনা অমসুং ফোকস এরিয়াশিং অসিনা শুংশোই শোইদনা পাৱর সেক্তর লেন্দরবু মখা তানা মতেং পাংলগনি অমসুং লাক্কদৌরিবা নুমিৎশিংদা অহেনবা মাইলস্তোন কয়া ফংবা ঙম্লগনি৷
*****
(Release ID: 1635850)
Visitor Counter : 94