চাংয়েং তৌবদা থেংনরিবা অপনবশিং লৌথোক্নবা, চাংয়েং তৌবগী থবকশিং হেনগৎহন্নবা খুদক্তা থবকশিং পায়খৎনবা ঙসি হেল্থ সেক্রেতরি প্রিতি সুদান অমসুং আই.সি.এম.আরগী দি জি দোক্তর বালরাম বারগাবানা রাজ্যশিং/য়ুতিশিংদা তকশিনখ্রে। ‘চাংয়েং-খোঙ্গুল লিবা-লায়েংবা’ অসি ঙন্না লাইচৎ খঙদোক্নবা অমসুং লাকশিন্নবা মরুওইবনি হায়না মখোয়না অমুক হন্না খঙহনখি।

রাজ্যশিং/য়ুতিশিংদা লৈরিবা কোবিদ-১৯ চাংয়েং তৌনবা লেবোরেতোরিশিং মপুংফানা শীজিন্ননবা পায়খৎপা য়াবা থবকশিং পায়খৎনবা রাজ্যশিং/য়ুতিশিংদা পাউতাক পীখি। আই.সি.এম.আরগী চৎন-কাংলোনশিংগী মতুংইন্না চাংয়েং তৌবা য়ারবা লনাই মীওই অমা হেক্তা কোবিদ চাংয়েং তৌনবা পাউতাক পীনবা লনাই তেক্নিসিয়ানশিং য়াওনা মতিক চারবা মেদিকেলগী মীওইশিং থবক কনখৎহন্নবা রাজ্যশিং/য়ুতিশিংদা পাউতাকশিং পীখি।

আই.সি.এম.আরগী কাংলোন মতুংইন্না লেবোরেতরিশিংনা মনিংতম্না লনাই মীওই অমা চাংয়েং তৌনবগী অয়াবা পীনবা আই.সি.এম.আর খঙহল্লি অমসুং মীওই অমা চাংয়েং তৌবদা রাজ্য সরকারশিংনা অপনবা পীরোইদবনি অমসুং ঙন্না চাংয়েং তৌবনা ভাইরস অসি লাকশিনবা অমসুং পুন্সি কয়া কনবা ঙমগনি। পিতি-পিসিআর অসি কোবিদ-১৯ চাংয়েংগী খ্বাইদগী ফবা ওইরবসু , হন্দক আই.সি.এম.আরনা কোবিদ-১৯ চাংয়েং লৌনবা রেপিদ এন্তিজেন তেস্ত অয়াবা পীখ্রে। চাংয়েং অসি য়াম্না থুবা, লাইবা অমসুং অশোই-অঙাম থোক্তবা অমনি অমসুং লাইচৎ লৈরিবা মফমশিং অমসুং হোস্পিতালশিংদা শীজিন্নবা য়াগনি। হৌজিক ফাওবদা কোবিদ-১৯ চাংয়েং তৌনবা লেবোরেতরি ১০৫৬ আই.সি.এম.আরনা অয়াবা পীরে অমসুং মসিগী মনুংদা লেব ৭৬৪না সরকারগী অমসুং লেব ২৯২না লনাইগীনি।

চাংয়েং তৌবগী থবক কনখৎহন্নবা, লাইওং উৎলবা মীওইশিং অমসুং মখোয়গা
শম্নরুবশিংদগী সেম্পলশিং খোমগৎনবা কেম্পশিং/মোবাইল ভানশিং শীজিন্নদুনা অকনবা থবক পায়খৎনবা রাজ্যশিং/য়ুতিশিংদা খঙহনখ্রে। পোজিতিব ওইরবা মীওইশিং লায়েংনবা প্রোতোগোল মতুংইন্না লায়েংগদবনি অমসুং নেগেতিব ওইরবশিং আর তি-পি সি আর চাংয়েং তৌগদবনি। লনাই লেবশিংনা আর তি-পি সি আর চাংয়েং তৌবগী মমল রাজ্যশিং/য়ুতিশিংনা লেপকদবনি। লেব খুদিংমক্না চাংয়েং তৌখিবগী দেতাশিং আই.সি.এম.আরগী দেতাবেজদা থাগৎকদবনি অমসুং খোঙ্গুল লিনবা রাজ্য/জিলা/সিতি ওথোরিতিশিংদা পাউ পীগদবনি।

চাংয়েং তৌবগী থবক কনখৎহনবগী মথক্তা, ভাইরস অসি লাকশিন্নবা রাজ্যশিং/য়ুতিশিংনা খোঙ্গুল লিবগী থবক পুক্নিং চঙনা পায়খৎনবা তকশিনখি। কোবিদ-১৯ লাইচৎ লাকশিন্নবা পায়খৎপা য়াবা থবকশিং লেপ্তনা পায়খৎনবা অমসুং মিকুপ-নাহুম শিংনা লৈনবা রাজ্যশিংদা খঙহনখি।

****