ত্রাইবেল এফেয়ার্স মিনিস্ত্রিগী মখাদা লৈবা ত্রাইফেদকী ত্রাইবস ইন্দিয়া আউতলেৎ ঙসি প্রায়াগ্রজ এয়রপোর্ততা হাংদোকখ্রে। প্রায়াগ্রজ এয়রপোর্ততা হাংদোক্লিবা ত্রাইবস ইন্দিয়া আউতলেৎ অসি সহর অসিগী অনিসুবনি অমসুং উত্তর প্রদেস রাজ্যগী মরিসুবনি। মসি ত্রাইফেদকী এম.দি প্রভির কৃষ্ণনা ভিদিও কনফরেন্সকী খুৎথাংদা হাংদোকখি। এয়রপোর্ত ওথোরিতী ওফ ইন্দিয়াগা লোয়ননা ত্রাইফেদনা চেন্নাই, জয়পুর, উদয়পুর, কোইম্বদোর, ত্রিভানদ্রম, অহমেদবাদ, পুনে, কোলকাতা অমসুং গৱা এয়রপোর্তশিংদা ত্রাইবস ইন্দিয়া আউতলেৎ ৯ হাংদোক্লে। নৌনা প্রায়াগ্রজদা হাংদোক্লিবা অসি এয়রপোর্তশিংদা হাংদোকপা ১০সুবনি অমসুং লৈবাক শীনবা থুংনা হাংদোকপা ১২১সুবনি।

থৌরম অদুদা ত্রাইফেদকী এম.দিনা হায়খি দুকান অদু ২০২০গী মেদা পীখিবনি অমসুং শুপ্নগী নুমিৎ ১৫গী মনুংদা মসি হাংদোক্লে। প্রোজেক অসি পায়খৎপদা মতেং পাংবগীদমক মহাক্না এ.এ.আইগী রিজনেল দিরেক্তর সুনিল য়াদব থাগৎখি। মহাক্না অতোপ্পা ত্রাইফেদকী লান্মীশিং থাগৎখি অমসুং চহি অসিগী অরোইবদা লৈবাক অসিগী সরকারগী এয়রপোর্তশিংদা ত্রাইবস ইন্দিয়া আউতলেৎ কয়া হাংদোক্লগনি হায়না মহাক্না থাজবা পীখি।

প্রধান মন্ত্রীগী “লৈবাক অসিগী পোৎলমশিং শীজিন্ননবা খোল্লাউ” অসিগী মখাদা খুৎহৈবা ত্রাইবেলশিংগী হিংনবা লম্বী পীনবা ত্রাইফেদনা লৈবাক শীনবা থুংনা মসিগী রিতেল আউতলেৎশিং হাংদোক্লি। মমাংদা অমুক্তা ওইখিদ্রিবা লাইচৎ মনুং অসিদা ত্রাইবেল খুৎহৈবশিংগী ললোন-ইতিক্কী থবকশিং লেপখ্রে অমসুং লুপা ক্রোর ১০০ হেনবগী পোৎলমশিং য়োন্দবদগী তাদুনা লৈখি। ময়ুমদা হল্লক্লবা ত্রাইবেল শিন্মীশিং অমসুং খুৎহৈবশিং থবক পীনবা ত্রাইফেদনা থবক কয়া পায়খৎলে। পায়খৎনবা থৌরাং তৌরিবা অচৌবা থবকশিংগী মনুংদা পোর্তেলদা ত্রাইবেল খুৎহৈবা লাখ ৫ হেনবনা রেজিস্তার তৌগদবা ই-মার্কেত অমা য়াওরি অমসুং মসিদা মখোয়গী খুৎনা শাবা ফজরবা পোৎলমশিং য়োনবা য়ারগনি।

রিতেল আউতলেৎশিং অসি পোৎথোকশিং য়োন্নবা ত্রাইফেদনা শীজিন্নবা খক নত্তনা, য়োনবদগী ফংলকপা শেনফমগী চাদা ১০০ ত্রাইবেল খুৎহৈবশিংদা পীনবা ত্রাইফেদনা ৱারেপ লৌরে। ত্রাইবস ইন্দিয়াগী রিজনেল ওফিসশিংনা পোৎলমশিং য়ুম-য়ুমদা চৎলগা য়োন্নবা থৌরাং অমা পায়খৎলে। ই-কমর্স প্লেতফোর্মশিংগী খুদোংচাবা লৌদুনা ত্রাইবস ইন্দিয়াগী পোৎথোকশিং www.tribesindia.com দা ফংলে। অমাজোন, ফ্লিবকার্ত, স্নেবদিল, পেতিএম অমসুং জি ই এম য়াওনা ই-কমর্স প্লেতফোর্মশিংদা পোৎথোকশিং অসি মরাংকাইনা লাইনা ফংলে। রিতেল দুকানশিং অমসুং ত্রাইবস ইন্দিয়াগী ই-কমর্স প্লেতফোর্মশিংদা পোৎথোকশিং অসি চাদা ৭০ দিসকাউন্ত পীরে। লৈবাক অসিগী ত্রাইবেলশিংগী য়াইফনবা ত্রাইফেদনা লেপতনা থবকশিং পায়খৎলে।

*****